Isaya 51:10 - The Holy Bible In Alur (Lur) Revised Orthography

¹⁰ En e in ungo m’idwono nam, pi mi nam ma dit; m’idwoko die nam ni yo ni ju ma juwaru ukadh i wie?

Isaya 51:10 ပူးပေါင်းရင်းမြစ်များ

Zaburi 106:10

Man ebodhogi ni cing’ ng’atu m’udagugi, Man ewarugi ni cing’ jadegi.

Zaburi 106:9

Ejuko Nam Makwar bende, man edwono: Ketho etelo wigi kud i nam, calu kud i langa.

Zaburi 74:13

Ipoko nam ku tego peri: Ituro wi rau mi nam i pi.

Zaburi 77:19

Yo peri bedo i nam, Man yo peri i pi ma dit, Man dakutielo peri jung’eyo ngo.

Ai 14:29

Ento nyithindho mir Israel uwotho ku wi ng’om m’uthwo i die nam; e pi bedo ni gang’ igi yo ku cing’gi ma yor acwic, man yo ku cing’gi ma yor acam.

Ai 15:13

Itelo wi dhanu m’iwaru ku kisa peri: Itelo wigi ku tego peri ba kabedo peri ma leng’.

Isaya 11:15

Man Yehova binyotho leb nam mi Misiri kot; man ebileko cinge wi Kulo ku yamu ma wang’, e ebigoye ebipokre ni kulo abiro, man ebiketho dhanu kadhe ku tielo ku wi ng’om m’uthwo.

Isaya 11:16

E gengi bibedo nuti ni dong’ dhanu pare, ma bidong’, m’uai Ascur; calu ma yang’ ebedo ni Israel i ceng’ m’eidho ie malu kud i ng’om Misiri.

Isaya 35:10

e ju ma juwaru pa Yehova bidwogo, man gibibino ku wer ba Sayuni; man mutoro mi nja bibedo i wigi: e gibinwang’u mutoro kud anyong’a, e can ku gamucwiny bipiei woko.

Isaya 35:8

Man gengi bibedo kuca, ku yo, man jubilwong’e kumae, Yo mi leng’cwiny; gin m’ucido bikadhu kud i wie ngo; ento ebibedo ni ju ma juwarugi: juwoth, eyo jukusegu, bikier i ie ngo.

Isaya 35:9

Umvor moko bibedo kuca ngo, kadi yedi ma kwiny moko biidho i wie ngo; jubinwang’ugi kuca ngo; ento ju ma juwarugi biwotho kuca:

Isaya 42:15

Abinyotho gudi kud ungulu gudi, man abitalu uboko migi ceke; man abidwoko kulo ni cula, man abidwono kut.

Isaya 43:16

Yehova, m’utimo yor i nam, man yor i pi ma dit; uwacu kumae,

Isaya 50:2

Pirang’o, kinde m’abino, ng’atu moko mbe? kinde m’alwong’o, ng’atu moko mbe m’uyi? Cinga jik ajika, ma nia ecopo waru ngo? kadi tegona mbe m’abodh ko? Nen, ni kum juk para adwono nam, man adwoko kulo ma dit ni langa: rec migi ng’wi, kum pi mbe, man githo ni rieu.

Isaya 62:12

Man gibilwong’ogi kumae, Dhanu ma leng’, man, Ju ma juwaru pa Yehova: e jubilwong’i kumae, Ng’atu ma juyenyo, man, Adhura ma juweko ngo.

Isaya 63:9

I masendi migi ceke esendre, man malaika mi wang’e bodhogi: ewarugi ni kum mer pare man kum ngisi pare; man eting’ogi, eyeyogi de i nindo ma con ceke.

Mika 7:15

Calu i nindo mi wokwoko peri kud i ng’om Misiri abinyutho igi gin ma wang’u ijo.

Zekaria 10:11

Man ebikadhu kud i nam mi masendi, man ebigoyo mukura mi nam, e kut ceke mi Nil bidwono; man kuhaya mir Ascur bijwik piny, man uluth mi ker mi Misiri biai.