Isaya 51:1 - The Holy Bible In Alur (Lur) Revised Orthography

¹ Wuwinja, wu ju m’ulubo bedopwe, wu ju ma wuyenyo Yehova: wunen ba cana ma jupayuwu kud i ie, man ba vur mi odng’om ma juwodhowu kud i ie.

Isaya 51:1 ပူးပေါင်းရင်းမြစ်များ

2 Lemkei 15:2

man ewok woko kara eromb kud Asa, man ewacu ire kumae, Koiwinja, Asa ku Yuda ceke man Benyamin: Yehova ni kudu, kinde ma wuni kude; man tek wuyenye, ebinwangre iwu; ento tek wuweke, ebiwekowu.

2 Lemkei 15:4

ento i kinde mi can migi gilokri ba Yehova, Mungu mir Israel, man giyenye, enwangre igi.

Zaburi 24:6

Maeni en e dhanum’utuk mi ju m’uyenye, M’uyenyo weng’i, en e Yakobo. [Sela.

Zaburi 94:15

Kum lembapoka bidwogo ba bedopwe; Man dhanu ceke m’atira i adunde bilube.

Lembrieko 15:9

Yo pa jadubo en e ginmajudagu ni Yehova; Ento emaru ng’atu m’ulubo bedopwe.

Lembrieko 21:21

Ng’atu ma lubo bedopwe bibedo ber Enwang’u kwo, ku bedopwe, man yung.

Isaya 45:19

Ayero mung’ mung’ ungo, i ka mi ng’om mi mudho; awacu ngo kumae ni kodhi Yakobo, Wuyenya mananu: an, Yehova, ayero bedopwe, ayero gin m’atira.

Isaya 48:1

Wuwinj maeni, E ot pa Yakobo, m’ulwongre ku nying’ Israel, man m’uai kud i pi mi Yuda; m’ukwong’o kwong’ ku nying’ Yehova, man m’uweco pi Mungu mir Israel, ento ku lemandha ngo, kadi ku bedopwe de ngo

Isaya 48:12

Wuwinja, E Yakobo, man Israel para ma julwong’o: an a en; an a ma kwong’a, an a ma cen bende.

Isaya 51:4

Wuwinja, E dhanu para; man wucik ithwu ira, E thek para: kum cik biai kud i bang’a, man abiketho bedopwe para ni der ni kodhidhanu.

Isaya 51:7

Wuwinja, wun ma wung’eyo bedopwe, wu dhanu ma cik para ni i adundewu; kud wulwor cac mi dhanu, kadi cwinywu kud ung’abre kum cac migi.

Isaya 55:6

Wuyeny Yehova kinde m’enwangre; wulwong’e kinde m’eni ceng’ni:

Isaya 65:10

Man Caron bibedo kakwae mir udul rombe, poga mir Akor de ni ka ma udul lim vuto i ie, ni dhanu para ma giyenya.

Amos 5:6

Wuyeny Yehova, e wubibedo kwo: emaru moc calu mac i ot pa Yusuf, man ewang’ piny, e ng’atu moko mbe ma binege i Beth-el.

Zefania 2:3

Wuyeny Yehova, wu ju ma mol ceke mi ng’om, ma wutimo lembapoka pare; wuyeny bedopwe, wuyeny molcwiny: kuno nyo jubipanuwu i ceng’ mi ng’ecwiny pa Yehova.

Matayo 5:6

Mugisa ni ju ma kec ku rieu de benegogi kum bedopwe: kum gibiyeng’.

Matayo 6:33

Ento ma kwong’a wuyeny ker pare, ku bedopwe pare; man gin maeni ceke bimedre iwu.

Jurumi 10:3

Kum ma fodi gi cobo kum bedopwe pa Mungu, ma gibeyenyo de ya giketh migi e m’ucungi, gidwokri gigi wor ungo ni bedopwe pa Mungu.

Jurumi 14:19

Kum kumeno dong’ walubu tok gin ma ketho kwiocwiny, man gin ma watengra ko i kume.

Jufilipi 3:13

Umego, fodi akwandra gira ngo ya amaku: endre gin acel abetimo, ma wia wil kum gin ma ni i ng’eya, m’abecwala rut kum gin ma ni i wang’a de,

1 Timoteo 6:11

Ento in re, in i dhanu pa Mungu, ring gini; man ilub peri tok bedopwe, ku bedo ma ayi Mungu ni kume, ku yioyic, ku mer, ku twiocwiny, ku molcwiny.

2 Timoteo 2:22

Ento dong’ iring awanya ma rac mir ayada, man ilub tok tic ma ber, ku yioyic, ku mer, ku kwiocwiny, karacelo ku ju m’ulwong’o Rwoth ku i adundegi ma leng’.

Juebrania 12:14

Wulub kwiocwiny kum dhanu ceke, man dwokrileng’ ma ng’atu moko mbe m’umbe kudo ma bineno Rwoth: