Isaya 5:7 - The Holy Bible In Alur (Lur) Revised Orthography

⁷ Kum podho mir ulok pa Yehova mir udul en e ot mir Israel, man dhanu mi Yuda gi yen m’apidha pare ma ber: man egeno pokolembe, ento, nen, dim; egeno bedopwe, ento, nen, ywak.

Isaya 5:7 ပူးပေါင်းရင်းမြစ်များ

Thangambere 4:10

Man ewacu kumae, Itimo ang’o? ba rimb umeru ywak i bang’a kud i ng’om.

2 Samwil 7:10

Man abiketho kaka ni dhanu para Israel man abipidhogi, kara gibed i kakagi ma dhe, man gibidak kendo ngo; kadok nyithindho ma juco de gibisendo gi kendo ngo, calu ma kwong’a,

Kitabu Pa Yob 34:28

Kum kumeno giketho ywak mi jucan ubino i bang’e, Man ewinjo ywak pa ng’atu ma jusendo.

Zaburi 147:11

Ju m’ulwore nyayu mutoro i Yehova, Ju m’ugeno mer mi bero pare.

Zaburi 149:4

Kum anyong’a nego Yehova kum dhanu pare: Ebiruko ju ma mol ku both.

Zaburi 80:15

Man ulok ma cingi ma yor acwic upidho, Man jange m’idwoko tek iri.

Ai 3:7

Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi;

Lembrieko 21:13

Ng’atu ma tek culo ithe kum ywak pa jacan, En bende ebiywak, ento jubiwinje ngo.

Eklizia 4:1

Alund adwogo man aneno masendi ceke ma jutimo the ceng’: man, nen, piwang’ mi wadi ju ma jusendogi, man jajuk moko mbe igi; man tego nuti yo ba jusend migi; ento jajuk moko mbe igi.

Wer Pa Suleman 7:6

In i ber man mi mer mire ma, E jamerna, mir anyong’a!

Isaya 1:21

Adhura mandha doko ni won asara mire ma! en ma naka epong’ ku pokolembe mire! naka bedopwe gonjo i ie, ento kawono junek.

Isaya 1:6

Ugambre i die tielo cil kum wie ubedo bo moko mbe i ie; ento lero, man wil, ku wang’goc ma nyen: jumwono wang’gi ngo, kadi jutwiogi de ngo, kadi juyomogi ku mo de ngo.

Isaya 27:2

I ceng’ maeca: Podho mir ulok mi pigulok, wuwer i bang’e.

Isaya 3:14

Yehova bimondo i pokolembe ku judongo mi dhanu pare, man judongomawijone: ebiwacu kumae, En e wun ma wucamu podho mir ulok; ayeki mi can ni i udi mu:

Isaya 3:15

the lembang’o m’uketho wunyono dhanu para, man wung’inyo wang’ jucani? Rwoth, Yehova mir udul uwacu.

Isaya 3:17

ka kumeno Rwoth bigoyo nyig Sayuni ku gwenyo i die wigi, man Yehova biyabu lewic migi ngbeng’.

Isaya 30:12

Kum kumeno Ng’atu Maleng’ mir Israel uwacu kumae, Kum wucayu lembe maeni, man wugeno rop ku lem ma kite mbe, wujengru i wie de;

Isaya 46:12

Wuwinja, wu ju ma cwinywu tek, ma wu bor ku bedopwe:

Isaya 5:2

man efure, ecoko kidi de kud i ie, man epidhe ku yendulok ma cu, e egomo odtra i diere, e eroko kabipigulok bende i ie: man egeno nia ebiwodho nyingulok, e ecego nyingulok m’i thim.

Isaya 59:13

ma wabegondra man wabekwero Yehova, ku lokri cen ku lubo Mungu mwa, ma wabeyero pi masendi ku jai, ma wabeporo man wabeweco lemndra kud i cwiny.

Isaya 59:14

E pokolembe lokre cen i ng’ec, man bedopwe cungo bor cen; kum lemandha podho i gengi, man lem m’atira copo mondo ngo.

Isaya 59:4

Ng’atu moko mbe ma kelo lembe i titi i bedopwe, man ng’atu moko mbe ma piemo lembe i lemandha, gigeno gin ma ie nanu, man giyero lemndra; gigamu ic mi lem ma rac, man ginyolo kier.

Isaya 62:5

Kum calu jalawobi gamu mugole, e woti bigemi kumeca; man calu anyong’a nego won ambadha kum mugole, e anyong’a binego Mungu peri i kumi kumeca.

Yeremia 12:10

Jukwac dupa ginyotho podho mir ulok para, ginyono makapiny para the tielo, gidwoko makapiny para ma ber ni langa mir uvuru.

Yeremia 24:2

Katoko acel ie ju nyingubolo ma ber hai, calu nyingubolo m’ular ucek; man katoko mucelo ie ju nyingubolo ma rac hai, ma jucopo camu ngo, kum gi rac hai.

Yeremia 50:46

Ng’om uyengre ni badwal mi maku Babeli, e ywak uwinjre i kind thek.

Ezekiel 22:29

Dhanu m’i ng’om gitimo rop, man gitimo ayeki; eyo, gisendo jacan ku jacanpiny, man gitimo umondo rac ma lembe mbe.

Hoseya 10:1

Israel en e ulok m’uvugni, m’ucego nyinge: calku sagri mi nyinge emedo pemblam pare; calku bero mi ng’om migi gitimo mbegi ma ber.

Mika 6:12

Kum dhanu m’ulonyne gipong’ ku rop, man ju m’ubedo i ie giyero ndra, man lebgi en e jamb abombi i dhoggi.

Mika 6:8

Enyutho iri, E dhanu, gin ma ber; man Yehova lwong’o ang’o i beng’i ndhu timo bedopwe, man maru bedo ber ku dhanu, man wotho ku Mungu peri ku molcwiny ungo?

Habakuk 1:3

Inyutho dubo ira nedi, man ineno wi camuco? kum nyoth ku rop gini i wang’a; man por ku piem nuti.

Zefania 3:17

Yehova Mungu peri ni i kindi, ng’atu ma tek ma bibodho; anyong’a binege i kumi ku mutoro; ebiyom i mer pare; anyong’a binege i kumi ku wer.

Matayo 23:23

Can i wiwu, jugorcik ku Jufarisayo, weg ambili! kum wumio apaje mir ukuju, ku thoki, man atingli, man wuweko gin ma pek mi cik, ku pokolembe ma pwe, man kisa, ku yioyic: ento emaku wutim gin maeni, man kud wuwek timo gin maeni de.

Luka 18:7

E Mungu biculo wang’ lembe mi ju m’egoyo wigi ngo m’uywak i bang’e dieceng’ ku diewor, ento fodi etwio cwinye i kumgi?

Yohana 15:2

Ku ba janga ceke ma ni i ia ma cego nyinge ngo, ekabe woko: man ku ba janga ceke ma cego nyinge, elonye, kara eceg nyinge ma sagu.

Poi Mi Cik 15:9

Dong’ ikuri nia pidoie ma rac kud ubed i adundeni, m’iwac ko kumae, Rundi mir abirone, rundi mi gony, ni ceng’ni; man weng’i bed rac i kum umeru ma jacan, man imie piny moko ngo; man eywak ba Yehova i kumi, e ebed ni dubo iri.

Yakobo 5:4

Nen, sukulia mi jutic m’unyaru i podho mu, ma wutwonogi kud azindi, ubeywak: man ywak mi ju m’unyaru mondo i ith Rwoth mir udul.