Isaya 5:5 - The Holy Bible In Alur (Lur) Revised Orthography

⁵ E kawono abiyero iwu maram abitimo ko kum podho mir ulok para: abikabu ararane, e jubicame; abirwombo gange piny, e jubinyone:

Isaya 5:5 ပူးပေါင်းရင်းမြစ်များ

Thangambere 11:4

Man giwacu kumae, Wubin, wagomu adhura iwa, man ot ma tek ma wiu, ma wie copo tundo kum polo, man dong’ watimu iwa nying’; wamaru lal mba mba wi wang’ ng’om ngung’.

Thangambere 11:7

Wubin, dong’ waloru piny, man waloku dhoggi, kara ku ging’ei wec ng’atuman pa wadi ng’atuman pa wadi.

Nehemia 2:3

Man awacu ni ubimo kumae, Dong’ ubimo bed mi nja: wang’a kubed mi can ungo nedi, kan adhura, ka odliel pa wegwa, udong’ uyung’ni ni uvuru, man dhugang’ne juwang’u ku maci?

Zaburi 89:40

Itong’o arara pare ceke piny; Idwoko ka ma tek pare ni nyoth.

Zaburi 89:41

Dhanu ceke m’ukadhu kud i yoje giyake: Edoko ni cac ni judhugola pare.

Lembrieko 24:31

Man, nen, ukudho twi uume ceke, Man ayilayila umo wang’e, Man gang’ mi kidine tur.

Eklizia 3:3

nindo mi nek, man nindo mi cangu; nindo mi bamu, man nindo mi gomo;

Isaya 10:6

Abiore kum thek m’ucido, man abimio ire ng’ol kum dhanu mi kwinyo para, kara emak ayeki, man emak amaci, man kara enyongi piny calu unzabu m’i gengi.

Isaya 25:10

Kum cing’ Yehova biyom i got maeni; man jubinyono Moab piny i kakare, cil calu junyono soka i pi mir udhuru mi weyo.

Isaya 28:18

E lembariba mu ma ku tho jubithiro, man lembariba mu ma ku liel bicungo ngo; kinde ma goc m’ucore bikadhu, e jubilund nyonowu piny kude.

Isaya 28:3

Jamkermiwic mi kuhaya mi ju m’umer ku kong’o mir Efraim jubinyono the tielo:

Isaya 32:10

Kum yo ng’ei rundi ku ceng’ cwinywu bing’abre, wu mon ma paru lembe ngo; kum mwoka ulok bijik, cokocam bibino ngo.

Yeremia 18:11

Ka kumeno kawono, yer ni dhanu mi Yuda, man ni ju m’ubedo i Yerusalem, wac kumae, Yehova wacu kumae: Nen, atheko lem ma rac i kumwu, man aporo lembapora i kumwu: wudwog kawono kubeng’wu kubeng’wu ng’atuman kud i yo pare ma rac, man wuyik yo mu ku giratima mu.

Yeremia 21:4

Yehova, Mungu mir Israel, uwacu kumae, Nen, abiloko jamtho mir ali ma ni i cingwu, ma wukiedo ko kum ubimo mi Babeli, man kum Jukaldayo m’utiekowu, yo ng’ei gang’kidi; man abicokogi i die adhura maeni.

Yeremia 28:8

Jubila m’ular uwok ira man iri ma con giewo lembe kum ng’om dupa, man kum ker ma dit, mir ali, man mi lem ma rac, man mi thong’om.

Yeremia 45:4

Wac ire kumae, Yehova wacu kumae: Nen, maeno m’agomo abirwombo piny, man maeno m’apidho abifudho; man maeni i ng’om dho.

Ywak 1:15

Rwoth udwoko dhanu para ma jukero ceke i kinda; Elwong’o cokri mi rwo i kuma kara ung’eny awobi para: Rwoth unyono nya Yuda ma ng’won calu i pany mir ulok.

Ywak 2:6

Man ekabu otbak pare ku kero, calu en e mi podho; enyotho ka mi cokri pare: Yehova ketho wi jo wil kum cokri mi rwo man sabatu i Sayuni, Man ecayu ubimo ku jalam i kwinyo mi ng’ecwiny pare.

Ywak 4:12

Ju m’ubimo mi ng’om uyio ngo, kadok dhanu ceke m’ubedo i ng’om, Nia jasend ku jadegi bimondo i dhugang’ mi Yerusalem.

Daniel 8:13

Alund awinjo ng’atu acel ma leng’ ubeweco; man ng’atu ma leng’ acel mange wacu ni ng’atu maeno m’uweco kumae, Ginmawokiwang’ pi lam m’awang’a ma thiri thiri, ku kier ma timo nyoth, bibedo rokani, ma jumio ko kamaleng’ kud udul ya junyon the tielo?

Hoseya 2:12

Man abinyotho ulok pare ku yendubolo pare, m’ewacu pire kumae, Maeni sukulia para ma jumer para gimio ira; man abidwokogi ni luli, e yedi m’i thim bicamugi.

Hoseya 2:14

Ka kumeno, nen, abibidhe, man abikele i langa, man abiyero lembjuk ire.

Luka 21:24

Man gibipodho ku lak palamularu, jubipeyogi de ni ayeki i thek ceke: Yerusalem de Thekdhanumange binyone, maram nindo mi Thekdhanumange bitimbre ko kakare.

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.