Isaya 5:23 - The Holy Bible In Alur (Lur) Revised Orthography

²³ man ni ju ma gonyo lembe ma wi judubo ni kum jamblembe, man ma kabu bedopwe pa won bedopwe woko kud i bang’e!

Isaya 5:23 ပူးပေါင်းရင်းမြစ်များ

1 Ubimo 21:13

E dhanu arione, ma dhanu ma rac, gimondo man gibedo i wang’e: e dhanu ma racne ginyutho lembe i kume, en e i kum Naboth i vut dhanu, giwacu kumae, Naboth ukwong’o Mungu kud ubimo. Gilund gitere woko kud i adhura, e gicanye ku kidi m’etho ko.

2 Lemkei 19:7

Ka kumeno kawono wek lworo pa Yehova bed i wiwu; wuketh cwinywu i kume man wutime: kum dubo mbe ku Yehova Mungu mwa, kadi dhanu de bedo tung’ tung’ ungo i wang’e, kadi gamu jamblembe de.

Zaburi 94:21

Gicokri gigi karacelo kum ng’eyong’ec mi weg bedopwe, Man gipoko lembe rac kum rimo m’umbe dubo.

Lembrieko 17:15

Ng’atu ma gonyo lembe ma wi jadubo, ku ng’atu ma gonjo ng’atu ma pwe, Nwang’u gin ario de gi ginmajudagu ni Yehova.

Lembrieko 17:23

Ng’atu ma jadubo jolo jamblembe kud i kor, Kara eroc yo mi pokolembe.

Lembrieko 24:24

Ng’atu m’uwacu ni jadubo kumae, in i pwe, Kodhidhanu bilame, thek de bidage;

Isaya 1:23

Judongomawijo peri gijai, man gi juwadi jukwo; kubang’gi kubang’gi ng’atuman umaru jamng’om, man elubo tok sukulia: e gipoko lembe mi kic ungo, kadok lembe pa dhaku ma cware tho de wok i bang’gi ngo.

Isaya 10:1

Can wi ju ma ng’olo lembang’ola mi gondri, man ni jugor ma goro lembang’ola ma kite mbe;

Isaya 10:2

kara ulok jacanpiny cen ni pokolembe, man kara ukwal ng’ol migi ba jucan mi dhanu para, kara mon ma coggi tho bed ayeki migi, man kara gidwok kic ni amaci migi!

Isaya 28:7

E cil maeni giwiri ku pigulok, man gicidho bik bik ku giramadha ma lake tek; jalam ku jabila giwiri ku giramadha ma lake tek, e pigulok umwonyogi, man gicidho bik bik ku giramadha ma lake tek; gikier i ginmawokiwang’, gikier i pokolembe.

Isaya 29:21

ma dwoko dhanu ni jadubo i lembe pare, man ma ketho uwic ni ng’atu m’ujuko i dhugang’ de, man ma loko won bedopwe cen ku gin mananu.

Isaya 32:7

Man jamtic pa jamutwi gi rac: eporo lembapora mi dubo kara enyoth ju ma ol ku lemndra, cil kinde ma jucanpiny ubeyero atira.

Isaya 59:15

Eyo, lemandha rem; man ng’atu m’uweko dubo edwokre gire ni amaci. E Yehova neno maeni, man enyayu ng’ecwiny i ie kum pokolembe mbe.

Amos 5:12

Kum ang’eyo maram gondri mu dit ko, man maram dubo mu tek ko, wun ma wusendo ju ma pwe, ma wugamu jamng’om, ma wuroco jacanpiny i dhugang’.

Mika 3:11

Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Mika 7:3

Cing’gi ni wi gin ma rac kara gitime kud amora; jaditmawijo penjo, man japoklembe bedo ayika mi jamng’om; e ng’atu ma dwong’, eweco lembe ma rac ma ng’eyong’ec pare yenyo: ka kumeno gicwie karacelo.

Matayo 23:35

kara rimo ceke ma pwe m’uthwogre wi ng’om, ubed i wiwu ugambre kum rimb Habil ma pwe cil ku rimb Zakaria ma wod Barakia, ma wunego i kind hekalu ku pemblam.

Poi Mi Cik 16:19

Kud inyoth pokolembe: dhanu kud ubed tung’ tung’ i weng’i; kadi jambng’om de kud igam; kum jambng’om umo wang’ jurieko, man eloko lembe mi weg bedopwe.

Yakobo 5:6

Wugonjo ng’atu ma pwe, wunege de; en de egut iwu ngo.