Isaya 5:13 - The Holy Bible In Alur (Lur) Revised Orthography

¹³ Ka kumeno dhanu para gicrdho i ng’eca kum ng’eyong’ec m’umbe; man dhanu migi mi yung givoc ku kec, man udul migi gisendri ku rieu.

Isaya 5:13 ပူးပေါင်းရင်းမြစ်များ

2 Ubimo 17:6

I rundi mir abung’wende pa Hoceya m’ubimo mir Ascur umaku Samaria, man eyaku Israel etero i Ascur, man ekethogi i Hala, man wi Habor, ma kulo mi Gozan, man i adhura mi Jumedi.

Lembrieko 10:21

Dendhu ju ma pwe mio cemo ni dhanu dupa; Ento ju ma kitgi mbe tho kum ng’eyothelembe m’umbe.

Isaya 1:3

Koni dhiang’ ung’eyo won, man kana ng’eyo dero pa won; ento Israel ung’eyo ngo, dhanu para pido lembe ngo.

Isaya 1:7

Ng’om mu bedo ni uvuru; adhura mu juwang’u ku mac; ng’om mu, juwirok ucame i vutwu, man ebedo ni uvuru, calu juwirok ung’ielo gin.

Isaya 23:9

Yehova mir udul ukeco maeni, kara ucid kuhaya mi dwong’ ceke, kara ukel weg yung m’i ng’om ceke i cac.

Isaya 27:11

Kinde ma jange ner, jubiturogi; mon bibino, man gibicwinyogi ku mac; kum en e dhanu ma ng’eyong’ec umbe kugi: ka kumeno ng’atu m’ucwiogi ngisi binege ngo i kumgi, man ng’atu m’ucwiogi binyutho igi bero ngo.

Isaya 3:1

Kum, nen, Rwoth, Yehova mir udul, ukabu jamjeng’ kud utwindi woko kud i Yerusalem man kud i Yuda, jamjeng’ ceke mi kwen, man utwindi ceke mi pi;

Isaya 3:3

man jego mi pier abic, ku ng’atu ma won yung, man japorlembe, ku jabodho ma cu, man ajoga ma riek.

Isaya 44:19

E ng’atu moko mbe m’upoi, kadi ng’eyothelembe de mbe ma giwac ko kumae, A wang’u ng’ete i mac; eyo, atedo kwen de wi cukmaje; avulo ring’o man acame: man abitimo donge m’udong’ ni ginmajudagu? abipodho piny ni dund yeni?

Isaya 49:21

Ibilund wacu i adundeni kumae, Ng’a in’unyolo ira maeni, kum nyithindho para tho, man abedo a kenda, ng’atu ma judaku, m’abegondra kun ku kuni? man ng’a m’utungo maeni? Nen juweka a kenda; maeni, naka gini kani?

Isaya 65:13

Ka kumeno Rwoth Yehova wacu kumae, Nen, jutic para bicamu, ento kec binego wu; nen, jutic para bimadhu, ento rieu binegowu; nen, anyong’a binego jutic para, ento jubinyayu lewic i wiwu;

Yeremia 14:18

Tek awok woko i thim, e, nen, ju ma junegogi ku palamularu! man tek amondo i adhura, e, nen, ju ma kumgi lith, ni kum ndru! kum jabila ku jalam giwotho awotha i ng’om, man ng’eyong’ec umbe kugi.

Yeremia 14:3

Man judongo migi oro nyithindhgi ba pi: gibino ba pi m’atong’a, man ginwang’u pi ngo; gidwogo kud agulu migi ma ie nanu; lewic umakugi man cwinygi ng’abre, man giumo wigi.

Yeremia 8:7

Eyo, upa m’i polo ng’eyo nindo pare ma juketho; man nyathuk kud ugwelo man ugoro ging’eyo nindo mi bino migi; ento dhanu para ng’eyo cik pa Yehova ngo.

Ywak 4:9

Ju ma junego ku palamularu ber sagu ju ma junego ku kec; Kum maeni gimok gital, gigwendri, kum can mi nying’ podho m’unegogi.

Ezekiel 7:12

Nindo bino, ceng’ ucoro ceng’ni: anyong’a kud uneg jang’ieu piny, kadi jalok piny de kud uywaki; kum kwinyo ni wi udulne ceke.

Hoseya 4:6

Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Amos 8:13

I ceng’ maeca nyir ma wang’gi leng’ kud awobi bivoc ni rieupi.

Luka 19:44

man gibiredhi i ng’om, ku nyithindho peri ma ni ii; man gibiweko kidi acel de ngo wi wagi ii; kum ing’eyo ngo nindo mi lieu peri.

Jurumi 1:28

Man cil calu gikwero bedo ku Mungu i ng’eyong’ec migi, Mungu kuriogi ni pidoic ma rac, ma gitimo ko gin ma maku ku jutim;

2 Petro 3:5

Kum wigi wil kum lembe nini aka, nia polo nuti ugambre con, ng’om de moko yo ng’ei pi man i pi, ni kum lembe pa Mungu;