Isaya 48:6 - The Holy Bible In Alur (Lur) Revised Orthography

⁶ Iwinjo maeni; nen maeni ceke; man wun, wubiyero maeni ngo? anyutho iri gin ma nyen ugambre eni, en e gin m’upandre, ma fodi ing’eyo ngo.

Isaya 48:6 ပူးပေါင်းရင်းမြစ်များ

Zaburi 107:43

Ng’atu ma tek e riek ebiparu pi gin maeni; Man igi bipido pi mer mi bero pa Yehova.

Zaburi 119:13

Ayero lembapoka ceke m’i dhogi Ku dendhoga.

Isaya 21:10

E in girafoda para, man cam mi lela para mire! maeno m’awinjo ba Yehova mir udul, Mungu mir Israel, ayero iri.

Isaya 42:20

Ineno gin dupa, ento iketho cwinyi i kume ngo; ithe bedo ayaba, ento ewinjo ngo.

Isaya 42:8

An a Yehova, maeni nyinga; man dwong’ para abimio ni ng’atu mange ngo, kadok pak para de abimio ngo ni ayi gin m’acwia m’ang’ika.

Isaya 42:9

Nen, gin ma kwong’a timbre kakare, man ayero pi gin ma nyen; ma fodi gikuwok ungo ayero pigi iwu.

Isaya 43:19

Nen, abitimo gin ma nyen; kawono ebiloth; wubing’eye ngo? abitimo yo cil i yamba, man kulo ma dit i ng’omngele.

Isaya 48:7

Jucwiogi kawono, man ugambre con ungo; e ma fodi ceng’ maeni kuwok ungo iwinjogi ngo; imaru wacu kumae, Nen, ang’eyogi.

Yeremia 2:31

E dhanum’utuk, wunen lembe pa Yehova. Abedo ni langa ni Israeli? kadi ni ng’om mi mudho ma bi? dhanu para wacu kumae pirang’o, Wagonjra; wabibino i beng’i kendo ngo?

Yeremia 33:3

Lwong’a, e abiloko iri lembe, man abinyutho iri gin ma dit, man ma tek, m’ing’eyo ngo.

Yeremia 50:2

Wuyer i kind thek man wurwei, wuketh abera malu de; wurwei, man kud wumung’: wuwac kumae, Jumaku Babeli, junyayu lewic wi Bel, cwiny Merodak ung’abre; junyayu lewic wi ayi gin m’acwia pare, jurwombo mungu m’araga pare piny.

Amos 3:6

Jubikudho agwara i adhura, ma lworo kunego dhanu ngo? lem ma rac bipodho kum adhura, ma Yehova kutime en ungo?

Mika 6:9

Dwand Yehova ywak bang’ adhura, e dhanu mi rieko bineno nyingi: wuwinj dul, man ng’a m’ukethe.

Matayo 10:27

Gin m’ayero iwu i piny ma col wuyer i der: gin ma wuwinjo de i ithwu, wuyere wi ot.

Yohana 15:15

Ugambre kawono alwong’owu jumiru ngo; kum jamiru ng’eyo ngo gin ma Rwoth pare timo: ento alwong’owu jurimo; kum gin ceke m’awinjo ba Vwa aketho wung’eyo.

Tic Mi Jukwenda 1:8

Ento wun wubinwang’u tego, nwang’u Tipo Maleng’ uwok i wiwu: man wubibedo jumulembe para i Yerusalem, man i Yahudi ngung’ ku Samaria de, man cil i tung’ ng’om bende.

1 Jukorinto 2:9

ento calu egore kumae, Gin ma wang’ fokuneno ngo, ku ma ith de fokuwinjo ngo, Ma fokumondo de i adunde dhanu ngo, Gin ceke ma Mungu yiko ni ju m’umare.

Lembanyutha 1:19

Ka kumeno kieu gin m’ineno man gin ma tic, ku gin ma bitimbre macen;

Lembanyutha 4:1

Yo ng’ei gin maeni aneno, man nen, dhugola yabre i polo, e dwal ma kwong’a m’awinjo, dwalne calu mir agwara m’ubeweco kuda, acel m’ubewacu kumae, Idh malu kue, man abinyutho iri gin ma bikotimbre be macen.