Isaya 48:4 - The Holy Bible In Alur (Lur) Revised Orthography

⁴ Kum ang’eyo nia in i udhuko, man ng’uti en e ler mi nyunyu, man ternyimi mola;

Isaya 48:4 ပူးပေါင်းရင်းမြစ်များ

2 Ubimo 17:14

Ku maeni ceke, gikwero winjo, e gidwoko ng’utgi tek, calu ng’ut kwaru migi, m’uyio Yehova Mungu migi ngo.

2 Lemkei 30:8

Kawono kud wubed ma ng’utwu cikre, calu kwaruwu bedo; ento wumond giwu ni Yehova, man wumond i kamaleng’ pare, m’edwoke leng’ mi nja, man wutim ni Yehova Mungu mu, kara ng’ecwiny pare ma lake tek ulokre woko kud i beng’wu.

2 Lemkei 36:13

Man ejai bende ni ubimo ma Nebukadnezar, m’uketho ekwong’o kwong’ ku Mungu: ento eciko ng’ute, man edwoko adundene nwang’ kum lokre ba Yehova, Mungu mir Israel.

Nehemia 9:28

Ento yo ng’ei yom migi, gidubo kendo i weng’i; ka kumeno iwekogi i cing’ jukwojgi, kara gibed ku bim i wigi: ento ka gidwogo, giywak de i beng’i, iwinjo kud i polo; e ibodhogi wang’ udul calku kisa peri,

Zaburi 75:5

Kud wuting’ tung mu malu: Kud wuyer ku ng’ut m’ucikre.

Zaburi 78:8

Man ku gibed calu kwaru migi, Dhanum’utuk ma juco man jung’ai, Dhanum’utuk ma yiko adundegi ngo, Man ma cwinygi moko ngo kum Mungu.

Ai 32:9

E Yehova wacu ni Musa kumae, Aneno dhanu maeni, man, nen, en e dhanu ma ng’utgi tek:

Ai 33:3

ba ng’om ma molo cak ku kic: kum abiidho malu i dieri ngo; kum in i dhanu ma ng’uti tek; amaru jigo wii i gengi.

Ai 33:5

Man Yehova wacu ni Musa kumae, Wac ni nyithindho mir Israel kumae, Wu dhanu ma ng’utwu tek; tek aidho malu i kindi i kinde ma nyathigi, abijigo wii: ka kumeno kawono wodh ruko peri cen, kara ang’ei gin m’atim i beng’i.

Ai 9:7

E Farao oro kwenda, man, nen, kind lim mi Juisraeli acel de mbe m’utho. Ento adunde Farao bedo tek, e ekwero weko dhanu cidhi.

Lembrieko 29:1

Ng’atu ma jujuke wang’ udul man edwoko ng’ute tek Ebinyothre pio, man umbe both.

Isaya 30:9

Kum en e dhanu mi jai, nyithindho mi cwayu ndra, nyithindho ma biwinjo cik pa Yehova ngo;

Isaya 46:12

Wuwinja, wu ju ma cwinywu tek, ma wu bor ku bedopwe:

Yeremia 19:15

Yehova mir udul, Mungu mir Israel, uwacu kumae, Nen, abikelo lem ma rac ceke m’angolo wi adhura maeni man wi pacune ceke; kum gidwoko ng’utgi tek, kara ku giwinj lem para.

Yeremia 3:3

Ka kumeno jucero koth ma core man koth ma cen umbe; ento ibedo ku nyimwang’ pa won asara, ikwero lewic kud unegi.

Yeremia 5:3

E Yehova, weng’i neno wi lemandha ngo? igoyogi, ento can unegogi ngo; idarugi, ento gikwero jolo ponji: gidwoko wang’gi tek ma sagu cana; gikwero dwogo.

Yeremia 7:26

ento giwinjo dwanda ngo, kadi giciko ithgi de ngo, ento gidwoko ng’utgi tek: gitimo rac ma sagu kwarugi.

Ezekiel 2:4

Man nyithindho gi juco man cwinygi tek: aori i bang’gi; e ibiwacu igi kumae, Rwoth Yehova wacu kumae,

Daniel 5:20

Ento kan adundene tingre malu, man cwinye doko tek ketho etimo ku kuhaya, jukabe ku wi komker mir ubimo, man jukabu dwong’ i bang’e:

Tic Mi Jukwenda 7:51

Wun ma ng’utwu cikre ma wukutimo yaa ngo kum adundewu kum ithwu de, wucero Tipo Maleng’ thiri thiri: calu ma yang’ kwaruwu gibegitimo, e wun bende wutimo kumeca.

Jurumi 2:5

Ento ku lubo adundeni ma nwang’ ma lokre ngo ikanu kwinyo iri giri i ceng’ mi kwinyo ku nyuthonyuth mi pokolembe ma pwe pa Mungu:

Poi Mi Cik 10:16

Ka kumeno tim yaa kum dendkumwu mir adundewu, man kud wucik ng’utwu kendo.

Poi Mi Cik 31:27

Kum ang’eyo jai peri, ku ng’uti m’ucikre: nen, kinde ma fodi abedo kwo karacelo kudu tin, wu juco ni Yehova; e ka yo ng’ei tho para ke ebisagre kumani?

Juebrania 3:13

ento wujukru ceng’ ku ceng’, cil i nindo ma julwong’o Tin; kara ng’atu moko m’i kindwu cwinye kud udok nwang’ kud abombi mi dubo: