Isaya 48:2 - The Holy Bible In Alur (Lur) Revised Orthography

² (kum gilwongri gigi mir adhura ma leng’, man gijengri gigi kum Mungu mir Israel; nyinge Yehova mir udul):

Isaya 48:2 ပူးပေါင်းရင်းမြစ်များ

Nehemia 11:1

Man judongomawijo mi dhanu gibedo i Yerusalem: dong’ dhanu bende gigoyo gagi, kara gikel ng’atu acel ma kind juapar kara ubed i Yerusalem ma adhura ma leng’, man ng’ete abung’wen ke i adhura mange.

Nehemia 11:18

Julawi ceke i adhura ma leng’ gi dak ario ku pier abora wi ang’wen.

Zaburi 48:1

Yehova e dwong’, man e dit mir apaka, I adhura pa Mungu mwa, i got pare ma leng’.

Zaburi 87:3

Juyero gin mi dwong’ piri, E adhura pa Mungu. [Sela.

Isaya 10:20

Man ebtimbre i ceng’ maeca, nia dong Israel m’udong’, ku ju m’uboth mi ot pa Yakobo, bijengri kendo ngo kum ng’atu m’ugoyogi, ento gibijengri kum Yehova, Ng’atu Maleng’ mir Israel, i lemandha.

Isaya 47:4

Jawar mwa, nyinge Yehova mir udul, Ng’atu Maleng’ mir Israel.

Isaya 51:13

man wii wil kum Yehova ma Jacwicni, m’erieyo polo, man m’eketho the ng’om; ma lworo negi ceng’ du thiri thiri kum kwinyo pa jasend, kinde m’eyiko piny mi nyotho nyothi? e kwinyo pa jasend ni kani?

Isaya 51:15

Kum an a Yehova Mungu peri, m’utugo nam, ketho nia mukurane woi: nyinga Yehova mir udul.

Isaya 52:1

Ceu, ceu, rony tegoni, E Sayuni; rony kendi peri ma ber, E Yerusalem: adhura ma leng’; kum ugambre kawono ju ma yaa mbe kugi man m’ucido bimondo ii kendo ngo.

Yeremia 10:16

Makapiny pa Yakobo calu maeni ngo; kum en e ma kwong’a mi gin ceke; man Israel en e suru mir aba pare: nyinge Yehova mir udul.

Yeremia 21:2

Akwei, penj ba Yehova piwa; kum Nebukadrezar m’ubimo mi Babeli timo ali i kumwa: kuno nyo Yehova bitimo kudwa calku tic mi musana pare ceke, kara eidh malu kud i bang’wa.

Yeremia 44:26

Ka kumeno wuwinj lembe pa Yehova, Yuda ceke m’ubedo i ng’om Misiri: Nen, akwong’o ku nyinga ma dit, Yehova wacu, nia nyinga bilwongre kendo ngo i dhu ng’atu moko mi Yuda i ng’om Misiri ceke, m’uwacu kumae, Galu Rwoth Yehova bedo kwo.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Mika 3:11

Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Matayo 27:53

E giai woko kud i odliel yo ng’ei cer pare gimondo de i adhura ma leng’ man ginyuthri ni dhanu dupa.

Matayo 4:5

Wonabali lund utere i adhura ma leng’; ekethe de wi usimbru hekalu,

Jurumi 2:17

Ento tek julwong’i ku nying’ Jayahudi, man ijengri kum cik, man iluli i Mungu,

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.

Lembanyutha 21:2

Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.

Lembanyutha 22:19

man tek ng’atu moko bikabu kum lembe mi kitabu mi lembila maeni, Mungu de bikabu maka pare kud i yen mi kwo, man kud i adhura ma leng’, ma pire gore i kitabu maeni.

Jupoklembe 17:13

Mika lund uwacu kumae, Kawono ang’eyo nia Mungu bitima ber, kum abedo ku Jalawi ni jalam para.