Isaya 48:18 - The Holy Bible In Alur (Lur) Revised Orthography

¹⁸ A tek iwinjo lembang’ola para mire! kuno di kwiocwiny peri bedo calu kulo ma dit, man kuno di bedopwe peri bedo calu mukura mi nam:

Isaya 48:18 ပူးပေါင်းရင်းမြစ်များ

Zaburi 119:165

Ju m’umaru cik peri gibedo ku kwio cwiny ma dit; Man lembe moko mbe kugi mi kier.

Zaburi 36:8

Cwinygi bikwio lwe ku mio mi ot peri; Man ibiketho gimadhu kum kulo ma dit mi mutoro peri.

Isaya 33:21

Ento Yehova bibedo karacelo kudwa i dwong’ kuca, en e ka mi kulo ma lac man kulo ma nok, ka ma yei mi jukol bicidho i ie ngo kud upol, kadok combo de bikadhu kud i kume ngo.

Isaya 42:24

Ng’a m’umio Yakobo mir ayeki, man Israel ni weg ayeki? Yehova timo en ungo? en e ng’atu ma wadubo ire, man ng’atu ma gikwero wotho i yo pare, kadok cik pare de giworo ngo.

Isaya 45:8

Wucwi, wu polo, ku malu, man wek polo konj bedopwe piny: wek ng’om uyabi, kara eceg both, man wek eketh bedopwe loth karacelo; an a Yehova, acwio maeni.

Isaya 54:13

Man Yehova biponjo nyithindho peri ceke; man kwiocwiny mi nyithindho peri bibedo dit.

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 61:11

Kum calu ng’om twio kudone, man calu podho ketho gin ma jucoyo i ie loth; e Rwoth Yehova biketho bedopwe ku pak loth kumeca i wang’ thek ceke.

Isaya 62:1

Abiling’ ungo ni kum Sayuni, man abiyom ungo ni kum Yerusalem, ma fodi bedopwe pare ku dhenjre woko ngo calu der, man both pare calu thala m’uliel.

Isaya 66:12

Kum Yehova wacu kumae, Nen, abicoro kwiocwiny i bang’e calu kulo ma dit, man dwong’ mi thek calu kulo m’upong’: e wubidhodho kume; jubiting’owu wi dir, man jubithorowu wi cong.

Hoseya 10:12

Wucoi iwu giwu i bedopwe, wukai calku kisa; wufur ng’om mu ma wuweko; kum en e nindo ma juyenyo ie Yehova, maram ebino ko ekonjo bedopwe de i wiwu.

Amos 5:24

Ento wek pokolembe mol piny calu pi, man bedopwe calu kulo ma dit.

Matayo 23:37

E Yerusalem, Yerusalem, m’unego jubila, m’ucanyu ju ma juorogi i bang’e de ku kidi! wang’ udul ngi ayenyo acok nyithindho peri karacelo, cil calu min gweno coko nyithindhe the bombe, e wuyenyo ngo!

Jurumi 14:17

kum ker pa Mungu en e camu giracama man madhu giramadha de ngo, endre bedopwe man kwiocwiny kud anyong’a i Tipo Maleng’.

Poi Mi Cik 32:29

A tek gi riek, ma nia ging’ei maeni, Kara gipar pi kajik migi ma cen!

Poi Mi Cik 5:29

A tek gibedo ku wadi adunde maeni, kara gilwora, man gigwok lembang’ola para ceke thiri thiri, kara gibed ber, gin ku nyithindho migi mi nja!