Isaya 48:11 - The Holy Bible In Alur (Lur) Revised Orthography

¹¹ Pira gira, pira gira, abitimo maeni; kum jucid nyinga pir ang’o? man abimio dwong’ para ni ng’atu mange ngo.

Isaya 48:11 ပူးပေါင်းရင်းမြစ်များ

Zaburi 106:8

Ento ebodhogi pi nyinge, Kara eketh tego pare ma tek ung’eire.

Zaburi 115:1

Iwa ngo, E Yehova, iwa ngo, Ento mi dwong’ ni nyingi, Kum mer mi bero peri, man kum lemandha peri.

Zaburi 25:11

Ni kum nyingi, E Yehova, Wek kier para woko, kum en e dit.

Zaburi 25:7

Kud ipoi pi dubo mir aradu para, kadi camuco para; Poi pira calku mer mi bero peri, Kum bero peri, E Yehova.

Isaya 37:35

Kum abigwoko adhura maeni kara abodhe pira gira, man pi jatic para ma Daudi.

Isaya 42:8

An a Yehova, maeni nyinga; man dwong’ para abimio ni ng’atu mange ngo, kadok pak para de abimio ngo ni ayi gin m’acwia m’ang’ika.

Isaya 43:25

An, en e an, an a ng’atu m’uyweyo gondri peri woko pira gira; e abipoi kum dubo peri ngo.

Isaya 48:5

ka kumeno ayero maeni iri ugambre con; ma fodi etimbre ngo anyutho iri; imaru wacu kumae, mungu m’araga para timogi, man ayi gin m’acwia para m’ang’ika, kud ayi gin m’acwia para m’atwaga, ung’ologi.

Isaya 48:9

Kum abikoweko ng’ecwiny para tundu pi nyinga, man abicera piri pi pak para, kara kud akebi woko.

Isaya 52:5

Ka kumeno kawono, atimo ang’o keni, Yehova wacu, kum jukabu dhanu para cen mananu? ju m’ubimo wigi gigoyo nduru, Yehova wacu, man jucido nyinga thiri thiri ceng’ du.

Yeremia 14:7

Kadok kier mwa tuco wiwa, tim ni kum nyingi, E Yehova; kum corocen mwa gi dupa; wadubo iri.

Ezekiel 20:14

Ento atimo pi nyinga, kara kud ecidre i wang’ thek, m’awodhogi woko i wang’gi.

Ezekiel 20:22

Ento adolo cinga, man atimo pi nyinga, kara kud ecidre i wang’ thek, m’awodhogi woko i wang’gi.

Ezekiel 20:39

Piwu, E ot mir Israel, Rwoth Yehova wacu kumae; Wucidhi, wutim kubeng’wu kubeng’wu ng’atuman ni mungu m’araga pare, man yo ku ng’ei maeni bende, tek wubiwinjo dwanda ngo; ento kud wucid nyinga ma leng’ kendo ku giramia mu, man ku mungu m’araga mu.

Ezekiel 20:44

E wubing’eyo nia an a Yehova, kinde m’atimo kudu pi nyinga, calku yo mu ma rac ungo, kadi calku giratima mu ma rac de ngo, E wu ot mir Israel, Rwoth Yehova wacu.

Ezekiel 20:9

Ento atimo pi nyinga, kara kud ecidre i wang’ thek, ma gini i kindgi, m’ang’eira igi i wang’gi, kukelogi woko kud i ng’om Misiri.

Ezekiel 36:22

Ka kumeno wac ni ot mir Israel kumae, Rwoth Yehova wacu kumae: Atimo maeni ni kumwu ngo, E ot mir Israel, ento kum nyinga ma leng’, ma wucido i kind thek, ka ma wucidho i ie.

Daniel 9:17

Ka kumeno kawono, E Mungu mwa, winj rwo pa jatic peri, man ba kwac pare, man keth weng’i rieny wi kamaleng’ peri m’udong’ ni uvuru, pi Rwoth.

Yohana 5:23

kara dhanu ceke giyung Wod cil calu giyungo Wego. Ng’atu m’uyungo Wod ungo eyungo Wego m’uore de ngo.

Jurumi 2:24

Kum nying’ Mungu cidre i kind Thekdhanumange kum lembe mu, cil calu egore.

1 Samwil 12:22

Kum Yehova biweko dhanu pare ngo kum nyinge ma dwong’, kum enyayu mutoro i Yehova ya edwokwu ni dhanu ire gire.