Isaya 47:8 - The Holy Bible In Alur (Lur) Revised Orthography

⁸ Ka kumeno kawono winj maeni, in m’imiri ni anyong’a, m’ibedo ma cwinyi ringo ngo, m’iwacu yo i adundeni kumae, Anuti, man ng’atu moko mbe m’umeda; abibedo calu dhaku ma cware tho ngo, kadok nek mi nyithindho de abing’eyo ngo:

Isaya 47:8 ပူးပေါင်းရင်းမြစ်များ

Isaya 14:14

abiidho wi landu afuru; abikethra gira calu Ng’atu ma Malu Ngbir.

Isaya 32:11

Kumwu miel, wu mon ma wubedo yo; dong’ cwinywu ng’abre, wu ju ma wuparu gin moko ngo; wuwany kendi mu, man wudwokru muneru, wutwi gonia de i pierwu.

Isaya 32:9

Wuai malu, wu mon m’ubedo yo, man wuwinj dwanda; wu nyir ma wuparu gin moko ngo, wucik ithwu ba wec para.

Isaya 45:18

Kum Yehova m’ucwio polo, Mungu m’ung’ino ng’om m’utime de, m’uketho ecungo m’ucwie de ni uvuru ngo, m’ung’ine kara jubed i ie, uwacu kumae: An a Yehova; man ng’atu mange mbe.

Isaya 45:5

An a Yehova, man ng’atu moko mange mbe; Mungu moko mbe m’umeda. Abitwio pieri, kadok fodi ing’eya ngo;

Isaya 45:6

kara ging’ei ugambre i wokceng’, man ugambre yo reto, nia ng’atu moko mbe m’umeda: an a Yehova, man ng’atu moko mange mbe.

Isaya 47:10

Kum igeno dubo peri; iwacu kumae, Ng’atu moko mbe m’unena; rieko peri man ng’eyong’ec peri, eloko pidoi; man iwacu yor i adundeni kumae, Anuti, man ng’atu moko mbe m’umeda.

Yeremia 49:31

Wuai, wuidh ba thek m’ubedo yo, m’ubedo museme, Yehova wacu; m’ubedo ku dhugang’kadi utwindi de ngo, m’ubedo kendgi.

Yeremia 50:11

Kum wubedo ku mutoro, kum anyong’a negowu, E wun ma wuyaku aba para, kum wucwe calu rwaya m’uyoko cam, man wuywak calu riuni ma tek;

Yeremia 51:53

Kadok Babeli idh malu i polo, man kadok edwok ka m’utingre mi tego pare tek, ento junyoth m’uai i bang’a bibino i bang’e, Yehova wacu.

Ezekiel 16:49

Nen, maeni kier pa nyameru ma Sodom: kuhaya, man dhir mi kwen, ku bedoyo mi mierolembe ni i ie man i nyige; kadok mio tego ni cing’ jacan kadi jacanpiny de emio ngo.

Ezekiel 28:2

Wod dhanu, wac ni jaditmawijo mi Turo kumae, Rwoth Yehova wacu kumae: Kum adundeni tingre malu, man iwacu kumae, An a mungu, abedo wi kom pa Mungu, i die nam; ento in i dhanu, man Mungu ngo, kadok iketho adundeni calu adunde Mungu;

Ezekiel 30:9

I ceng’ maeca jukwenda biwok woko i wang’a i combo kara ginyai lworo i Juethiopia ma paru lembe ngo; man ndiba bibedo i wigi, calu i ceng’ mi Misiri; kum, nen, ebino.

Daniel 11:36

Man ubimo bitimo calu ie yenyo; man ebiyungre gire, man ebikethre dwong’ wi mungu kubang’gi ceke, man ebiyero lembe ma wang’uic kum Mungu mi mungu; man lembe pare bibedo miero cil ma ng’ecwiny bithum ko; kum maeno m’ukethre ebitimbre.

Daniel 4:22

en e in, E ubimo, m’idongo idoko tek de; kum dwong’ peri dongo, man etundo cil i polo, man bim peri tundo i kajik mi ng’om.

Daniel 4:27

Kum kumeno, E Ubimo, wek lembapora para yire iri, man ijig dubo peri ku tic mi bedopwe, kier peri de ku nyutho kisa ni jucan; kuno nyo bedoyo peri bimedre.

Daniel 4:30

Ubimo yero man ewacu kumae, Maeni Babeli ma dit ungo, m’agomo pi kabedo mi ker, ku tego mi tek para man ni yung mi dwong’ para?

Daniel 4:4

An, a Nebukadnezar, abeyom i ot para, man lembe bedo ira miero i odker para.

Daniel 5:23

ento itingri giri kum Rwoth m’i polo; man gikelo agulu mi ot pare i weng’i, man in ku judongo peri, ku mon peri, man mon peri m’araga, gimadhu pigulok kud i igi; man ipaku mungu mi mola ma tar ku mola ma kwar, man mi mola, mi nyunyu, mi yen, man mi kidi, ma neno piny ungo, ma winjo de ngo, ma ng’eyo de ngo: man Mungu ma yuyo peri ni i cinge, man yo peri ceke pare, iyunge ngo.

Daniel 5:30

I diewor nica junego Belcazar m’ubimo mi Jukaldayo.

Nahum 1:10

Kum ka gimoko calu ukudho, gimer de calu ku giramadha migi, giwang’ pet calu soka m’uthwo.

Nahum 3:4

kum udul asara pa won asara ma nen ber, ma en e dhaku mir ajoga, m’eloko thek ni kum asara pare, man juudi ni kum ajoga pare.

Habakuk 1:7

Gin ung’oindiri man junyai lworo; pokolembe migi ku dwong’ migi ai i bang’gi gigi.

Zefania 2:15

Maeni adhura mi mutoro ma paru lembe moko ngo, m’uwacu i adundene kumae, Anuti, man ng’atu moko mange mbe an a kenda: aka thwo dwok ma judwoke ko ni uvuru mire ma, kabedo mi yedi ma givuto i ie! ku ba dhanu ceke m’ukadhu kud i vute biewie, man ebiyengo cinge.

2 Jutesaloniki 2:4

en m’ejai etingre gire kum gin ceke ma julwong’o ya Mungu kadi ma jurwo i bang’gi de; ketho ebedo i hekalu pa Mungu, m’ekethre gire ya en e Mungu.

Jupoklembe 18:27

E gigamu maeno ma Mika timo, man jalam m’ebedo ko, e gibino Laie, ba dhanu m’ubedo yo man museme, man gigoyogi ku lak palamularu; giwang’u adhura de ku mac.

Jupoklembe 18:7

Dhanu abic gilund gicidho, man gibino Laie, e gineno dhanu ma gini i ie, maram gibedo ko museme, calu Jusidoni gibedo, yo man museme; kum jumoko mbe i ng’om, ma weg ng’ol, ma copo nyayu lewic i wigi i gin moko, man gibedo bor ku Jusidoni, man gibedo ku lembe mi jukupiny ungo ku ng’atu moko.