Isaya 45:7 - The Holy Bible In Alur (Lur) Revised Orthography

⁷ Atimo der, man acwio mudho; atimo kwiocwiny, man aketho lem ma rac; an a Yehova, m’utimo gin maeni ceke.

Isaya 45:7 ပူးပေါင်းရင်းမြစ်များ

2 Ubimo 19:25

Iwinjo ngo maram atimo ko maeni con, man atime i nindo ma coni? kawono aketho etimbre kakare, kara ebed tic peri ya inyoth adhura ma tek udok ni udhuru mi nyoth.

Kitabu Pa Yob 10:13

Ento gin maeni ipanu i cwinyi; Ang’eyo nia maeni ni i beng’i:

Kitabu Pa Yob 2:10

Ento ewacu ire kumae, Iweco calu kind mon ma jukusegu acel weco. Ang’o? wabijolo gin ma ber kud i cing’ Mungu, man wabijolo gin ma rac ungo? I maeni ceke Yob udubo ngo ku dendhoge.

Kitabu Pa Yob 34:29

Kinde m’emio yom, ng’a ke ma copo gonjo? Man kinde m’epanu wang’e, ng’a ke ma copo nene? Ceke acel tek etimbre ni thek, kadi ni dhanu:

Zaburi 105:28

Eoro mudho, man edwoke col; Man gijai kum lembe pare ngo.

Zaburi 29:11

Yehova bimio tego ni dhanu pare; Yehova bimio mugisa ni dhanu pare ku kwiocwiny.

Zaburi 74:16

Dieceng’ en e peri, diewor de en e peri: Iketho der ku ceng’.

Zaburi 75:7

Ento Mungu en e japoklembe: Ejwigo acel, man edodo mucelo.

Zaburi 8:3

Kinde m’apido pi polo peri ma tic m’i cingi, Dwi ku cero, m’iketho;

Ai 14:20

man ebino i kind gonjo mi Misiri ku gonjo mir Israel; e afuru ku mudho nuti, ento emio der ku diewor: man acel tundo kum wadi ngo diewor soro.

Isaya 31:2

Ento en bende e riek, man ebikelo lembe ma rac, man ebigamu lembe pare kendo ngo, ento ebiai kum ot mi jutimrac, man kum kony mi ju m’utimo kier.

Isaya 42:16

Man abikelo abinga kud i yo ma ging’eyo ngo; abipeyogi i yo ma ging’eyo ngo; abidwoko mudho ni der i wang’gi, man abitiro ka m’ugondre. Abitimo gin maeni, man abikunogi ngo.

Isaya 44:24

Yehova, ma Jawarni, man ng’atu m’ung’ini kud i ic, ewacu kumae: An a Yehova, m’atimo gin ceke; m’arieyo polo a kenda; m’amoyo ng’om kpe (ng’a ma ni kuda?);

Isaya 47:11

Ka kumeno lem ma rac biwok i kumi; ibing’eyo rupinje ngo: man lem ma rac bipodho i wii; ibicopo core cen ungo: e nyoth bibino i wii pio pio, m’ing’eyo ngo.

Yeremia 10:16

Makapiny pa Yakobo calu maeni ngo; kum en e ma kwong’a mi gin ceke; man Israel en e suru mir aba pare: nyinge Yehova mir udul.

Yeremia 13:16

Mi dwong’ ni Yehova Mungu mu, ma fok’ewodho mudho, man ma fodi tiendwu kukier ungo wi gudi mi mudho, man, kinde ma wukio der, eloke ni tipopiny mi tho, man edwoke ni mudho ma bii.

Yeremia 31:35

Yehova, m’umio ceng’ ni der ku dieceng’, man lembapoka mi dwi man mi cero ni der ma ku diewor, m’utugo nam, ketho nia mukurane woi; nyinge Yehova mir udul: uwacu kumae,

Yeremia 51:20

In i lei mi lwiny para man jamtho mir ali: man abituro thek nziki nziki ni kumi; man abinyotho ker ni kumi;

Ywak 3:38

Gin ma ber ku gin ma rac wok kud i dhu Ng’atu ma Malu Ngbir ungo?

Ezekiel 32:8

Der ceke m’i polo m’urieny abiketho gidoko ni mudho i wii, man abiketho mudho wi ng’om peri. Rwoth Yehova wacu.

Daniel 2:22

enyutho gin ma thuth ku gin m’amung’a; eng’eyo gin ma ni i mudho, man der ubedo kude.

Yoel 2:2

ceng’ mi mudho man mi piny ma gbuku, ceng’ mir afuru man mi mudho ma mbitu, calu piny ma ru moire wi gudi; dhanu ma dongo ma jutego de; fodi gibedo calu maeni ngo, kadok yo ng’eigi de bibedo kumeni ngo cil i rundi mi dhanum’utuk dupa.

Amos 3:6

Jubikudho agwara i adhura, ma lworo kunego dhanu ngo? lem ma rac bipodho kum adhura, ma Yehova kutime en ungo?

Amos 4:13

Kum, nen, ng’atu m’ung’ino gudi, m’ucwio yamu de, man m’uyero ni dhanu maram pidoic pare bedo ko; m’uloko kugweno ni mudho, man m’unyono ka ma malu mi ng’om, Yehova, Mungu mir udul, en e nyinge.

Amos 5:6

Wuyeny Yehova, e wubibedo kwo: emaru moc calu mac i ot pa Yusuf, man ewang’ piny, e ng’atu moko mbe ma binege i Beth-el.

Nahum 1:8

Ento ebijigo kakare ndhu ku pi m’ucore i wie, man ebilubo tok jukwoje cil i mudho.

Tic Mi Jukwenda 4:28

ya gitim gin ma yang’ cingi ku lembapora peri gilar giketho ya bitimbre.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

Yakobo 1:17

Giramia ceke ma ber kubang’gi kubang’gi man giramia ceke ma ndhu cu kubang’gi kubang’gi, uai malu, uloro piny ku ba Wego mi der, ma lokri rr umbe kude, kadok tipopiny ma podho kum lokri rr.

Yuda 1:13

gi mukura m’i nam ma dhongo, ma gibedhuro lewic migi gigi; gi cero m’ubewire rr, ma mudho ma col bii kandre igi mi rondo ku rondo.

Yuda 1:6

Man ke malaika de ma gigwoko ka ker migi gigi ngo, ento giweko kakagi m’umakugi, egwoko i kol ma nja ku nja the mudho, cil i lembapoka mi ceng’ ma dwong’ nini.