Isaya 45:1 - The Holy Bible In Alur (Lur) Revised Orthography

¹ Yehova wacu kumae ni ng’atu ma juwiro pare, ni Kuro, m’amaku cinge ma yor acwic, kara anyon thek i wang’e, man abigonyo pier ju m’ubimo: kara ayab dhugola i wang’e, e jubiciko dhugang’ ungo:

Isaya 45:1 ပူးပေါင်းရင်းမြစ်များ

1 Ubimo 19:15

Man Yehova wacu ire kumae, Cidhi, dok i yo peri ba langa mi Dameski: man kan ibino, ibiwiro Hazael ubed ni ubimo wi Cami;

Ezra 1:1

Nie i rundi ma kwong’ane pa Kuro m’ubimo mir Ajemi, kara lembe pa Yehova ma ku dhu Yeremia copo timbre kakare, Yehova ting’o cwiny Kuro m’ubimo mir Ajemi, ketho eoro kwenda i ker pare ceke mba mba, man ekethe i lembagora bende, ewacu kumae,

Ezra 1:2

Kuro m’ubimo mir Ajemi wacu kumae, Yehova, Mungu m’i polo, mio ira ker ceke m’i ng’om; man eng’olo ira ya agom ire ot i Yerusalem, ma ni i Yuda.

Kitabu Pa Yob 12:21

Ekonjo cac wi judongomawijo, Man egonyo del mi jutego.

Zaburi 73:23

Ento wabedo karacelo wakudi thiri thiri: Imaku cinga ma yor acwic.

Isaya 13:2

Wuketh abera wi got ma lelele, wuting’ dwal i bang’gi, wuwir cing’, kara gicidh i dhugang’ mi Weg yung.

Isaya 13:3

Ang’olo ni dhanu para ma jukoyogi, eyo, alwong’o dhanu para ma jutego mi ng’ecwiny para, en e dhanu para m’utingre ku kuhaya.

Isaya 41:13

Kum an, Yehova, Mungu peri, abimaku cingi ma yor acwic, m’awacu ko iri kumae, Lworo kud unegi; abikonyi.

Isaya 41:2

Ng’a m’uting’o ng’atu acel ku yo nyangu, m’elwong’o i bedopwe ba tiende? emio thek i wang’e, man eketho ebim wi ju m’ubimo; emiogi calu utur ni palamularu pare, calu soka m’ukoto ni atum pare.

Isaya 41:25

Ating’o ng’atu acel malu ku yor ariwa ma malu, e ebino; ku yo ku wokceng’ ng’atu m’ulwong’o nyinga: man ebibino wi jubim calu wi ulobo, man calu jacwiagulu nyono ulobo.

Isaya 42:6

an a, Yehova, alwong’i i bedopwe, man abimaku cingi, e abigwoki, man abimii ni lembariba mi dhanu, ni der mi Thekdhanumange;

Isaya 44:28

m’abiwacu pi Kuro kumae, En e jakwac para, man ebitimo gin ceke m’amaru, m’ebiwacu cil pi Yerusalem kumae, Jubigome; man pir hekalu kumae, Jubiketho theri.

Isaya 45:5

An a Yehova, man ng’atu moko mange mbe; Mungu moko mbe m’umeda. Abitwio pieri, kadok fodi ing’eya ngo;

Isaya 48:15

An, en e an, ayero; eyo, alwong’e; akele, man ebiketho yo pare bedo miero.

Yeremia 27:6

E kawono amio ng’om maeni ceke i cing’ Nebukadnezar m’ubimo mi Babeli, ma jatic para; e yedi m’i thim bende amio ire kara utim ire.

Yeremia 43:10

man iwac igi kumae, Yehova mir udul, Mungu mir Israel, uwacu kumae: Nen, abioro man abimaku Nebukadrezar m’ubimo mi Babeli, ma jatic para, man abiketho komker pare wi kidi maeni m’akanu; man ebipedho hema pare mi ker i wigi.

Yeremia 50:3

Kum thek uidho malu i kume ku yor ariwa ma malu, ma bidwoko ng’om pare ni uvuru, e ng’atu moko mbe ma bibedo i ie: giringo, gicidho, dhanu ku lim bende.

Yeremia 50:35

Palamularu ni wi Jukaldayo, Yehova wacu, man wi ju m’ubedo i Babeli, man wi judongomawijo pare, man wi jurieko pare.

Yeremia 51:11

Pak athero, mak ban ki: Yehova thubo cwiny ju m’ubimo mi Jumedi; kum lembakeca pare en e kum Babeli, kara unyothe: kum en e culokwor pa Yehova, culokwor mi hekalu pare.

Yeremia 51:30

Jurukara mi Babeli giweko kiedo, gidong’ i ka ma tek migi; tego migi voc; gidoko calu mon: jucwinyo mac kum kabedo pare; utwindine tur.

Yeremia 51:58

Yehova mir udul uwacu kumae: Jubirwombo gang’kidi ma lac mi Babeli kot, man dhugang’ pare ma wiu jubiwang’u ku mac; man kodhidhanu bimuli ku tic mi gin ma ie nanu, man thek ke pi mac; e gibiol.

Ezekiel 29:20

Amio ng’om Misiri ire ni sukulia pare kum tic m’etimo, kum gitimo ira, Rwoth Yehova wacu.

Daniel 5:6

Wang’ ubimo lund ulokre i ie, man pidoic pare ng’abre; man ujonj piere lokni, man conge goire ku wadi.

Daniel 7:5

Man nen, yedi mange, mir arionde, calu wai; man etingre malu wi ng’ete kurucel, man wel ng’et adek ni i dhoge i kind lake: e giwacu ire kumae, Ai malu, cam ring’o dit.

Daniel 8:3

Alund ating’o wang’a malu, man aneno, man, nen, nyog rombo ma tunge ario ucungo nyim kulo: man tunge ario gi boco; ento acel bor ma sagu wagi, man ma bor ma sagu idho ma cen.

Daniel 8:4

Aneno nyog rombone ubegudo yo reto, man yor ariwa ma malu, ku yor ariwa ma piny; man yedi moko mbe ma copo cungo i wang’e, kadok gin moko de mbe ma copo bodho piny kud i cinge; ento etimo calu ie yenyo, man eyungre gire.

Nahum 2:6

Dhugang’ mi kulo ma dongo juyabu, man odker uloi.

Nahum 3:13

Nen, dhanu peri ma ni i beng’i gi mon; dhugang’ mi ng’om peri gibedo thwolo ni judegini: mac uwang’u ukol peri.