Isaya 43:3 - The Holy Bible In Alur (Lur) Revised Orthography

³ Kum an a Yehova Mungu peri, Ng’atu Maleng’ mir Israel, Jalarni; amio Misiri calu jambwar peri, man Ethiopia ku Seba kakeri.

Isaya 43:3 ပူးပေါင်းရင်းမြစ်များ

Thangambere 10:7

Man wot Kuc gi eni: Seba, man Havila, man Sabta, ku Rama, man Sabteka; man wot Rama gi eni: Ceba, man Dedan.

Zaburi 72:10

Ju m’ubimo mi Tarcic man mi songa gibikelo ajok: Ju m’ubimo mi Ceba ku Seba gibithiero girathiera.

Ai 10:7

E jutic pa Farao giwacu ire kumae, Dhanu maeni bibedo ni uwic iwa rokani? wek dhanu ma co gicidhi, kara gitim ni Yehova Mungu migi: fodi ing’eyo ngo nia Misiri nyothre?

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Lembrieko 11:8

Ng’atu ma pwe both kud i can; Man jadubo bino kakare.

Lembrieko 21:18

Judubo en e jambwar ni weg bedopwe; Man won aroi bino ka ng’atu m’atira.

Isaya 19:20

Man ebibedo ni giranyutha man ni mulembe ni Yehova mir udul i ng’om Misiri; kum gibiywak ba Yehova kum jusend, e ebioro igi jabodh, man jacungikum, e ebilarugi.

Isaya 20:3

E Yehova wacu kumae, Calu jatic para ma Isaya wotho muneru man umbe wara rundi adek ni giranyutha ku musana pi Misiri man pir Ethiopia;

Isaya 30:11

wuai kud i yo, wulokru cen kud i gengi, wuketh Ng’atu Maleng’ mir Israel ujik kud i wang’wa.

Isaya 41:14

Lworo kud unegwu, in i ukoko ma Yakobo, man wun wu dhanu mir Israel; abikonyi, Yehova wacu, man Jawarni en e Ng’atu Maleng’ mir Israel.

Isaya 42:8

An a Yehova, maeni nyinga; man dwong’ para abimio ni ng’atu mange ngo, kadok pak para de abimio ngo ni ayi gin m’acwia m’ang’ika.

Isaya 43:11

An, ndhu an, an a Yehova; man jalar moko mbe m’umeda.

Isaya 45:14

Yehova wacu kumae, Tic mi muli mi Misiri, man kuloka mir Ethiopia, ku dhanu mi Seba, dhanu ma boco, gibikadhu i beng’i, e gibibedo peri: gibilubo ng’ei; gibibino atwia ku nyoro; man gibipodho piny i beng’i, gibikwayu kwac i beng’i, gibiwacu kumae, Andha Mungu ni kudi; man ng’atu moko mbe, Mungu moko mbe.

Isaya 45:15

Andha in i Mungu m’ipondo giri, E Mungu mir Israel ma Jalar.

Isaya 45:21

Wuyer, man wuwodhe woko; eyo, wek gipor lembe karacelo: ng’a m’unyutho maeni ugambre i nindo ma coni? ng’a m’uyero maeni ugambre coni? an ungo, Yehova? man Mungu mange mbe m’umeda, Mungu ma pwe man Jalar; ng’atu moko mbe m’umeda.

Isaya 49:26

Man abimio cam ni ju m’usendi ku ring’gi gigi; e gibimer ku ring’gi gigi, calku pigulok ma lim lim: e weg kum ceke bing’eyo nia an, Yehova, an a Jalarni, man Jawarai, Ng’atu ma Jatego pa Yakobo.

Isaya 60:16

Ibidhodho cak mi thek bende, man ibidhodho thuno mi ju m’ubimo; man ibing’eyo nia an, an a Yehova, an a Jalarni, man Jawarni, ma Ng’atu Matek pa Yakobo.

Isaya 63:8

Kum ewacu kumae, Andha, gi dhanu para, nyithindho ma gitimo ku ndra ngo: kum kumeno en e Jalar migi.

Yeremia 14:8

E in i genogen mir Israel, Jalame i nindo mi can, nedi ibedo calu umondo i ng’om, man calu jawoth m’ulokre cen kara egonj ku diewori?

Yeremia 16:21

Ka kumeno, nen, abiketho ging’eyo, wang’ acel maeni abiketho ging’eyo cinga man tegona; e gibing’eyo nia nyinga Yehova.

Ezekiel 39:7

Man abiketho nyinga ma leng’ ung’eire i kind dhanu para Israel; kadi abiyio jucido nyinga ma leng’ kendo ngo: thek bing’eyo nia an a Yehova, Ng’atu Maleng’ mir Israel.

Hoseya 13:4

Ento an a Yehova Mungu peri ugambre kud i ng’om Misiri; man kud ing’ei mungu moko ndhu an, man jalar moko mbe m’umedo an.

Lembe Mi Julawi 11:44

Kum an a Yehova Mungu mu: ka kumeno wudwokru giwu leng’, man wubed leng’; kum an a leng’: kadok acida de kud wucidru ku kwond gin moko ma lak ma wotho wi ng’om.

Amos 9:7

Wun wu calu nyithindho mi Juethiopia ira, E nyithindho mir Israeli? Yehova wacu. Awodho nyithindho mir Israel ungo kud i ng’om Misiri, man Jufilisti kud i Kaftor, man Jucami kud i Kiri?

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Yuda 1:25

ni Mungu m’e kende ma Jalar mwa, ni kum Yesu Kristu ma Rwoth mwa, ire yung, ku dwong’, ku kero man tego, m’ugambre por con, kawono de, man cil rondo ku rondo. Amen.