Isaya 42:7 - The Holy Bible In Alur (Lur) Revised Orthography

⁷ mi yabu wang’ abinga, mi wodho jukol woko kud i odkol, man ju m’ubedo i mudho kud i odkol.

Isaya 42:7 ပူးပေါင်းရင်းမြစ်များ

Zaburi 97:7

Wek lewic umak dhanu ceke ma rwo ni ayi gin m’acwia m’ang’ika. Ma giluli gigi kum mungu m’araga: Wurwo ire, wu mungu ceke.

Isaya 29:18

E i ceng’ maeca ju m’udhing’ biwinjo lembe mi kitabu, man ju ma abinga bineno kud i ka ma col man kud i mudho.

Isaya 35:5

E wang’ abinga bilund yabre, man ith udhing’ bilund yabre.

Isaya 42:16

Man abikelo abinga kud i yo ma ging’eyo ngo; abipeyogi i yo ma ging’eyo ngo; abidwoko mudho ni der i wang’gi, man abitiro ka m’ugondre. Abitimo gin maeni, man abikunogi ngo.

Isaya 42:22

Ento maeni en e dhanu ma jumayu juyaku de; kagi ceke jumakugi i uwic i vur, man jupanugi i odkol: e gi mir amaci, man ng’atu moko mbe m’abodho; mir ayeki, man ng’atu moko mbe m’uwacu kumae, Dwoki.

Isaya 49:9

m’iwac ko kumae ni ju m’ubedo atwia, Wuwok woko; ni ju ma ni i mudho ke kumae, Wunyuthru giwu. Gibicamu i yo, man kakwae migi bibedo wi ng’om m’utingre ceke ma thwolo.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Isaya 9:2

Dhanu m’uwotho i mudho gineno der ma dit: gi ju ma gibedo i ng’om mi tipo mi tho, der urieny i wigi.

Mika 7:9

Abiciro ng’ecwiny pa Yehova, kum adubo ire, maram ebikoro ko i lembe para, man etim lembapoka ira: ebiwodha woko ba der, e abineno bedopwe pare.

Matayo 11:5

ju ma abinga maku nenopiny, weg abala bende gibewotho, weg joi de kumgi lony, ju ma ithgi dhing’ bende giwinjo, ju m’utho ndhu de gicer, jucan bende jubeyero igi lembanyong’a ma juboth ko.

Luka 24:45

Elund eyabu pidoigi, karafging’ei lembagora pa Mungu;

Yohana 9:39

Yesu wacu kumae, Kum lembapoka abino i ng’ombuni, kara ju ma neno piny ungo ginen; man kara ju ma neno piny ke gidok ni abinga.

Yohana 9:7

ewacu ire kumae, Cidhi, ilog i kut mi Siloam (thelembene ka juloke, Or). Ka kumeno ecidho, elogo de, man ebino m’eneno.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

2 Timoteo 2:26

kara giai gigi kud i uwic pa wonabali, m’edaru makugi ni ayeki ni yeny ma ie yenyo.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

Lembanyutha 3:18

amio iri rieko nia ing’ieu mola ma kwar i bang’a m’uwang’ i mac, kara idok m’i lony; ku kendi ma tar, kara ironjri, kara lewic mi muneru peri kud unen: man mo m’i wang’ de m’iwir ko weng’i, kara inen.