Isaya 42:4 - The Holy Bible In Alur (Lur) Revised Orthography

⁴ Ebijik ungo, kadi cwinye de biai ungo, maram ebiketho ko pokolembe i ng’om; man cula bikuro cik pare.

Isaya 42:4 ပူးပေါင်းရင်းမြစ်များ

Thangambere 49:10

Uludhker biai ungo ba Yuda, Kadi uluth pa jabim ku kind tiende, Cil ma Cilo bino ko; Man woro mi kodhidhanu bibedo ire

Zaburi 22:27

Tung’ ng’om ceke bipoi man gibilokri ba Yehova; Man wat ceke mi thek birwo i weng’i.

Isaya 40:22

En e ng’atu m’ubedo malu wi twodri mi ng’om, e ju m’ubedo i ie gi calu usene; m’urieyo polo calu bongu m’ang’aba, man epedhogi calu hema ma jubedo i ie;

Isaya 40:28

Ing’eyo ngo? iwinjo ngo kumae? Mungu ma bedo rondo ku rondo, Yehova, Jacwi tung’ ng’om, voc ungo, kadi eol de ngo; ng’eyong’ec pare yenjre ngo.

Isaya 41:5

Cula neno, man lworo negogi; tung’ ng’om uyengre; gicoro ceng’ni, man gibino.

Isaya 42:10

Wuwer wer ma nyen ni Yehova, man pak pare ugambre i tung’ ng’om; wun ma wuloro piny ba nam, ku gin ceke ma ni i ie, cula, ku ju m’ubedo i ie de.

Isaya 42:12

Wek gimi dwong’ ni Yehova, man giyer pak pare i cula.

Isaya 42:21

Enyayu mutoro i Yehova, ni kum bedopwe pare, ya eyungo cik, man edwoke mi yung.

Isaya 49:1

Wuwinja, E cula; man wucik ithwu, wu kodhidhanu, ku bor: Yehova goyo wia kud i ic; elwong’o nyinga kud i ma:

Isaya 51:4

Wuwinja, E dhanu para; man wucik ithwu ira, E thek para: kum cik biai kud i bang’a, man abiketho bedopwe para ni der ni kodhidhanu.

Isaya 51:5

Bedopwe para ni ceng’ni, both para wok woko, man bota bipoko lembe mi kodhidhanu; cula bikura, e gibigeno bota.

Isaya 55:5

Nen, ibilwong’o thek m’ing’eyo ngo; man thek m’ung’ei ngo biringo i beng’i, ni kum Yehova Mungu peri, man ni kum Ng’atu Maleng’ mir Israel; kum eyungi.

Isaya 60:9

Andha cula bikura, man combo mi Tarcic ma kwong’ane, kara gikel woti ku bor, mola ma tar migi ku mola ma kwar migi karacelo kugi, pi nying’ Yehova Mungu peri, man pi Ng’atu Maleng’ mir Israel, kum eyungi.

Isaya 66:19

E abiketho giranyiitha i kindgi, man abioro wadi ju m’uboth m’i kindgi ba thek, ba Tarcic, ku Pul, man Lud, ma kilo atum, ba Tubal, man Yavan, ba cula bor cen, ma fod uwinjo pira ngo, kadok dwong’ para de gineno ngo; man gibiyero pi dwong’ para kind thek.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Zekaria 2:11

Man thek dupa gibiribri ba Yehova i ceng’ maeca, man gibibedo dhanu para; man abibedo i kindi, e ibing’eyo nia Yehova mir udul uora i beng’i.

Matayo 12:21

Man i nyinge Thekdhanumange bigeno.

Marko 3:3

Man ewacu ni ng’atu ma cinge lindre kumae, Cung i diere.

Jurumi 16:26

ento kawono enyuthre, man ni kum lembagora pa Mungu mi jubila, calku lembang’ola pa Mungu ma nja, juketho eng’eire cil ni thek ni woro mi yioyic:

1 Jukorinto 9:21

ni ju ma cik umbe kugi, calu m’ambe ku cik, ma an ke ambe ku cik ungo ku ba Mungu, endre ani the cik ni Kristu, kara alim ju ma cik umbe kugi.