Isaya 41:9 - The Holy Bible In Alur (Lur) Revised Orthography

⁹ in m’agamu kud i tung’ ng’om, man alwong’o kud i gunde, awacu de iri kumae, In i jatic para, afoi man abei woko ngo;

Isaya 41:9 ပူးပေါင်းရင်းမြစ်များ

Zaburi 135:4

Kum Yehova goyo wi Yakobo ire gire, Man Israel ni piny pare gire.

Zaburi 94:14

Kum Yehova bibayu dhanu pare ngo, Kadok aba pare de ebikune ngo.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 14:1

Kum kisa binego Yehova kum i Yakobo, e ebifoyo Israel kendo, man ebikethogi i ng’om migi ma dhe: e umondo biribre gire kugi, man gibimoko kum ot pa Yakobo.

Isaya 41:2

Ng’a m’uting’o ng’atu acel ku yo nyangu, m’elwong’o i bedopwe ba tiende? emio thek i wang’e, man eketho ebim wi ju m’ubimo; emiogi calu utur ni palamularu pare, calu soka m’ukoto ni atum pare.

Isaya 41:8

Ento in, Israel, ma jatic para, Yakobo m’afoyo, kodhi pa Ibrahim ma jarimba,

Isaya 42:1

Nen, jatic para, m’ajengo; ng’atu m’afoya para, ma anyong’a nego cwinya i kume: aketho Tipo para i wie; ebikelo pokolembe ba Thekdhanumange.

Isaya 44:1

Ento kawono winji, E Yakobo ma jatic para, man Israel, m’agoyo wie:

Isaya 45:4

Ni kum Yakobo ma jatic para, man Israel m’afoyo, alwong’i ku nyingi: acaku nyingi mi pak, kadok fodi ing’eya ngo.

Malaki 1:2

Amaruwu, Yehova wacu. Ento wuwacu kumae, Imaruwa ni kum ang’o? Esau en e umin Yakobo ngo? Yehova wacu: ento amaru Yakobo:

Luka 13:29

Gibiai yo nyangu ku yo reto, man yor ariwa ma malu ku yor ariwa ma piny, e gibibedo piny i ker pa Mungu.

Poi Mi Cik 14:2

Kum in i thek ma leng’ ni Yehova Mungu peri, man Yehova goyo wii ibed thek ni piny pare gire, ma sagu kodhidhanu ceke ma ni i wang’ ng’om.

Yakobo 2:5

Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,

1 Samwil 12:22

Kum Yehova biweko dhanu pare ngo kum nyinge ma dwong’, kum enyayu mutoro i Yehova ya edwokwu ni dhanu ire gire.