Isaya 41:4 - The Holy Bible In Alur (Lur) Revised Orthography

⁴ Ng’a m’uporo man m’utimo maeni, m’ulwong’o dhanum’utuk ugambre i thekri? An a Yehova, ma kwong’a, man ma cen, an a en.

Isaya 41:4 ပူးပေါင်းရင်းမြစ်များ

Zaburi 102:27

Ento ibedo cal acel, Man rundi peri kajikne mbe.

Zaburi 102:28

Nyithindho mi jutic peri gibibedo asu, Man kodhigi bicungo tek i weng’i.

Isaya 40:12

Ng’a ma poro pi i die cinge, man ma poro polo ku jampor, ma ng’eyo mukero mi kwio m’i ng’om de, man ma poro gudi ku mukero, ungulu gudi de ku mukero?

Isaya 40:26

Wung’ai weng’wu malu, man wunen ng’atu m’ucwio maeni, m’uwodho udulgi woko ku wel; elwong’ogi ceke ku nying’gi; ku dit mi tego pare, man kum en e jatego i tego, acel de mbe m’urem.

Isaya 41:20

kara ginen, man ging’ei, igi pid de, man ging’ei thelembe karacelo, nia cing’ Yehova timo maeni, man Ng’atu Maleng’ mir Israel ucwio maeni.

Isaya 41:26

Ng’a m’uyero maeni ugambre i thekri, kara wang’ei? man ma fodi nindo kutundo ngo, kara wawac kumae, En e atira? eyo, ng’atu moko mbe m’uyero, eyo, ng’atu moko mbe m’unyutho, eyo, ng’atu moko mbe m’uwinjo lembe peri.

Isaya 41:3

Eriemogi, man ekadhu museme, cil kud i yo ma fodi ewotho i ie ngo ku tiende.

Isaya 42:24

Ng’a m’umio Yakobo mir ayeki, man Israel ni weg ayeki? Yehova timo en ungo? en e ng’atu ma wadubo ire, man ng’atu ma gikwero wotho i yo pare, kadok cik pare de giworo ngo.

Isaya 43:10

Wun wu jumulembe para, Yehova wacu, man jatic para m’agoyo wie; kara wung’ei man wuyia, man wung’ei nia an a en: Mungu moko mbe ma jular jucwio ira, kadi ma bibedo nuti yo ng’eya.

Isaya 43:13

Eyo, ugambre ma ceng’ nuti an a en; man ng’atu moko mbe ma copo bodho kud i cinga: abitimo tic, e ng’a ma copo cero maeni?

Isaya 46:10

m’ubeyero kajik ugambre i thekri, man ugambre i nindo ma con gin ma fod’utimbre ngo; m’awacu kumae, Lembapora para bicungo, man abitimo gin m’amaru ceke;

Isaya 48:12

Wuwinja, E Yakobo, man Israel para ma julwong’o: an a en; an a ma kwong’a, an a ma cen bende.

Matayo 1:23

Nen, nyaku ma sumba ma ng’won bibedo ku ic, man ebinyolo nyathin ma nico, Man gibilwong’o nyinge Imanuel; thelembene, ka juloke, Mungu wakugi.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Tic Mi Jukwenda 15:18

Rwoth uwacu en, m’eketho gin maeni ng’eire ugambre por yang’ con.

Tic Mi Jukwenda 17:26

man etimo thek ceke mi dhanu kud acel kara gibed i wang’ ng’om ceke, nwang’u eng’olo rundi migi m’aketha, ku kieu mi kabedo migi;

Poi Mi Cik 32:39

Nen kawono nia an, cil an, an a en, Man mungu moko mbe ma wakude: Anego, man aketho cer; Atong’o lero, man acangu: Man ng’atu moko mbe ma copo bodho kud i cinga.

Lembanyutha 1:11

m’uwacu kumae, Gin m’ineno, gor i kitabu man iore ba kanisa abiro: bang’ Efeso, ba Smurna de, ba Pergamo de, ba Thuatera de, ba Sardi de, ba Filadelfia de, man ba Laodikia bende.

Lembanyutha 1:17

E kan anene, apodho the tiende pami ng’atu m’utho. Man eketho cinge ma yor acwic i kuma, ewacu kumae, Lworo kud unegi; an a ma kwong’a ku ma cen de,

Lembanyutha 1:8

An a Alfa kud Omega, Rwoth Mungu wacu, ng’atu ma tic ma yang’ de etie m’ebibino bende, m’e Jategokpo.

Lembanyutha 2:8

Man ni malaika mi kanisa ma ni i Smurna kieu kumae: Ng’atu ma en e ma kwong’a ku ma cen de, m’etho, man ebedo kwo kendo ewacu gin maeni kumae:

Lembanyutha 22:13

An a Alfa kud Omega, ma kwong’a man ma cen, thangambere man kajik.