Isaya 41:26 - The Holy Bible In Alur (Lur) Revised Orthography

²⁶ Ng’a m’uyero maeni ugambre i thekri, kara wang’ei? man ma fodi nindo kutundo ngo, kara wawac kumae, En e atira? eyo, ng’atu moko mbe m’uyero, eyo, ng’atu moko mbe m’unyutho, eyo, ng’atu moko mbe m’uwinjo lembe peri.

Isaya 41:26 ပူးပေါင်းရင်းမြစ်များ

Isaya 44:7

Man ng’a, ma calu an, ma bilwong’o, man biyere de, man bikethe kakare pira, ugambre m’aketho dhanu ma coni? man gin ma bibino, man ma bitimbre, wek giyer.

Isaya 41:22

Wek giwodhgi woko, man giyer iwa gin ma bitimbre: wuyer gin ma kwong’a, maram gibedo ko, kara wapar pigi, man wang’ei kajik migi; kadi wunyuth iwa gin ma bibino.

Isaya 45:21

Wuyer, man wuwodhe woko; eyo, wek gipor lembe karacelo: ng’a m’unyutho maeni ugambre i nindo ma coni? ng’a m’uyero maeni ugambre coni? an ungo, Yehova? man Mungu mange mbe m’umeda, Mungu ma pwe man Jalar; ng’atu moko mbe m’umeda.

Isaya 43:9

Wek thek ceke cokre karacelo, man wek kodhidhanu cokri karacelo: ng’a m’i kindgi ma copo yero lembe maeni, man ma copo nyutho iwa gin ma kwong’a wek gikel jumulembe migi, kara jugony lembe m’i wigi; kadi wek giwinji, man giwac kumae, En e andha.

Isaya 41:4

Ng’a m’uporo man m’utimo maeni, m’ulwong’o dhanum’utuk ugambre i thekri? An a Yehova, ma kwong’a, man ma cen, an a en.

Isaya 46:9

Wupoi kum gin ma kwong’a ma con: kum an a Mungu, man ng’atu mange mbe; an a Mungu, man ng’atu mange mbe ma calu an;