Isaya 41:17 - The Holy Bible In Alur (Lur) Revised Orthography

¹⁷ Jucan man jucanpiny giyenyo pi, man pi mbe, e lebgi tal kum rieu; an, a Yehova, abiloko igi lembe, an, a Mungu mir Israel, abikunogi ngo.

Isaya 41:17 ပူးပေါင်းရင်းမြစ်များ

Thangambere 28:15

Man, nen, wanuti wakudi, man abigwoki ka ma tek icidho i ie, e abikeli kendo i ng’om maeni: kum abiweki ngo, ma fok’atimo lembe m’ayero pire iri ngo.

1 Ubimo 17:8

E lembe pa Yehova bino i bang’e, uwacu kumae,

2 Lemkei 6:17

Ka kumeno kawono, E Yehova, Mungu mir Israel, wek lembe peri bed andha, m’iyero ni jatic peri ma Daudi.

Zaburi 22:15

Tego para tal calu dekle: Leba moko kum Iwoknina: Man ikela i utur mi tho.

Zaburi 34:6

Jacan maeni ywak, e Yehova winje, Elare de kud i can pare ceke.

Zaburi 37:25

Naka an a aradu, kawono ati; Ento fodi aneno won bedopwe ngo ma jukuno, Kadi kodhine m’ukwayu kwen.

Zaburi 42:2

Rieu nego ng’eyong’ec para pi Mungu, pi Mungu ma kwo: Abibino awene m’anen ko wang’ Mungu?

Zaburi 50:15

Man ilwong’a i ceng’ mi can: Abibodhi, man ibiyunga.

Zaburi 74:21

A kud iyi ju ma jusendogi gidwog ku lewic: Wek jucan ku jucanpiny gipak nyingi,

Zaburi 94:14

Kum Yehova bibayu dhanu pare ngo, Kadok aba pare de ebikune ngo.

Ai 17:3

E rieu pi nego dhanu keca; e dhanune ging’ur kum Musa, man giwacu kumae, Pirang’o iwodhowa ku i Misiri, kara inegwa ku nyithindho mwa ku lim mwa ku rieu pi?

Ai 17:6

Nen, abicungo i weng’i kuca wi cana i Horeb; e ibigoyo canane, e pi biai kud i ie, kara dhanu gimadhi. E Musa timo kumeca i wang’ judongo mir Israel.

Isaya 30:19

Kum dhanu bibedo i Sayuni i Yerusalem; ibiywak kendo ngo; ebinyutho bero iri andha kan iywak i bang’e; kinde m’ebiwinjo, ebiloko iri lembe.

Isaya 42:16

Man abikelo abinga kud i yo ma ging’eyo ngo; abipeyogi i yo ma ging’eyo ngo; abidwoko mudho ni der i wang’gi, man abitiro ka m’ugondre. Abitimo gin maeni, man abikunogi ngo.

Isaya 43:20

Yedi m’i thim biyunga, utho ku udo kum amio pi i yamba, man kulo ma dit i ng’omngele kara ami giramadha ni dhanu para, gi ju m’agoyo wigi,

Isaya 44:3

Kum abikonjo pi wi ng’atu ma rieu nege, man kulo wi ng’om m’uthwo; abikonjo Tipona wi kodhini, man mugisa para wi nyikwei:

Isaya 48:21

E rieu negogi ngo kinde m’etelo wigi kud i ng’omngele; eketho pi thwogre kud i cana igi; eng’enyo cana bende, e pi thwogre woko.

Isaya 49:10

Kec kadi rieu de binegogi ngo; kadok lietho kadi ceng’ de bigoyogi ngo: kum ng’atu ma kisa nege i kumgi bitelo wigi, ebitelo wigi cil ba kulo mi pi.

Isaya 55:1

Ae, ku ba dhanu ceke ng’atu ma rieu benege, wubin ba pi, man ng’atu ma sente mbe kude; wubin, wung’ieu, man wucam; eyo, wubin, wung’ieu pigulok ku cak ma sente mbe man welpiny de mbe.

Isaya 58:11

e Yehova bitelo wii thiri thiri, man ebikwio ng’eyong’ec peri i ka m’uthwo, man ebidwoko cogoni tek; e ibibedo calu podho ma jukwoyo pi i wie, man calu kulo mi pi, ma pige dwono ngo.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Isaya 62:12

Man gibilwong’ogi kumae, Dhanu ma leng’, man, Ju ma juwaru pa Yehova: e jubilwong’i kumae, Ng’atu ma juyenyo, man, Adhura ma juweko ngo.

Isaya 65:13

Ka kumeno Rwoth Yehova wacu kumae, Nen, jutic para bicamu, ento kec binego wu; nen, jutic para bimadhu, ento rieu binegowu; nen, anyong’a binego jutic para, ento jubinyayu lewic i wiwu;

Isaya 65:24

Man ebitimbre nia, ma fodi gilwong’o ngo, abiloko lembe; man kinde ma fodi gibeweco, abiwinjo.

Isaya 66:2

Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Yeremia 31:25

Kum ayeng’o ng’eyong’ec m’uol, man adwoko ng’eyong’ec mi can kubang’e kubang’e.

Ywak 4:4

Leb nyathin ma dhoth umoko kum dande ni rieu: Nyithindho ma thindho gipenjo kwen, e ng’atu moko mbe m’ung’wenye igi.

Ezekiel 47:8

Elund ewacu ira kumae, Pi maeni mol yor i ng’om ma yo nyangu, man gibicidho piny i Araba; man gibicidho yor i nam; pi ma juketho uwok woko bicidho i nam; e jubicangu pige.

Matayo 5:3

Mugisa ni jucan mi tipo: kum ker m’i polo en e migi.

Matayo 5:6

Mugisa ni ju ma kec ku rieu de benegogi kum bedopwe: kum gibiyeng’.

Luka 16:24

E ekok ewacu kumae, Vwa Ibrahim, bed ku kisa i kuma, man ior Lazaro, kara eroi wi lwete i pi, ekwi ko leba; kum abedo i ndiba i lebmac maeni.

2 Jukorinto 12:9

Man ewacu ira kumae, Berona romi: kum tegona doko ndhu cu i ng’ic. Kum kumeno abilula kum ng’ic para kud anyong’a m’usagu dit, kara tego pa Kristu bed i kuma.

Lembanyutha 21:6

Man ewacu ira kumae, Gidaru timbri. An a Alfa kud Omega, ma thangambere ku kajik. Abimio kum pi ma dhenyni mi kwo k’abamba ni ng’atu ma rieupi nege.

Lembanyutha 22:17

Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.