Isaya 41:16 - The Holy Bible In Alur (Lur) Revised Orthography

¹⁶ Ibiyekogi, man yamu biduny kugi cen, atido de bikethogi; man anyong’a binegi ni kum Yehova, ibiyungri ni kum Ng’atu Maleng’ mir Israel.

Isaya 41:16 ပူးပေါင်းရင်းမြစ်များ

Zaburi 1:4

Judubo bedo kumeno ngo, Ento gi calu cung’ ma yamu duny ko.

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Isaya 17:13

Thek bicore calu cori mi pi dupa: ento ebijukogi, man gibiringo bor cen, man jubiriemogi calu cung’ mi gudi i wang’ yamu, man calu utur mir atido i wang’ wavuvu.

Isaya 25:9

E jubiwacu i ceng’ maeca kumae, Nen, maeni Mungu mwa; wakure, e ebibodhowa: maeni Yehova; wakure, anyong’a ku mutoro binegowa i both pare.

Isaya 28:5

I ceng’ maeca Yehova mir udul bidoko ni jamkermiwic mi dwong’, man giratwiamiwic mi bero, ni dong’ dhanu pare m’udong’;

Isaya 29:19

Ju ma mol bende binyayu mutoro migi i Yehova, man anyong’a binego jucan ma kind dhanu ni kum Ng’atu Maleng’ mir Israel.

Isaya 29:5

Ento udul judegini bibedo calu ng’ili utur, man udul jundiri calu cung’ ma kadhu woko: eyo, ebibedo i kinde ma nyagwil pio.

Isaya 35:10

e ju ma juwaru pa Yehova bidwogo, man gibibino ku wer ba Sayuni; man mutoro mi nja bibedo i wigi: e gibinwang’u mutoro kud anyong’a, e can ku gamucwiny bipiei woko.

Isaya 40:24

Eyo, jupidhogi ngo; eyo, jucoyogi ngo; eyo, dundyen migi guro ulage i ng’om ungo: man ke ekudho wigi, e giner, man atido terogi cen calu soka.

Isaya 51:3

Kum Yehova juko Sayuni; ejuko kar uvuru pare ceke, man edwoko langa pare calu Aden, man ng’omngele pare calu podho pa Yehova; mutoro kud anyong’a binwangre i ie, man foyofoc, ku dwal mi werower.

Isaya 60:19

Ceng’ bibedo der peri kendo ngo ku dieceng’; kadi dwi de bimio iri der mi rieny ungo: ento Yehova bibedo iri ni der mi nja, man Mungu peri bibedo ni dwong’ peri.

Isaya 65:18

Ento mutoro kud anyong’a negwu thiri thiri i gin m’acwio; kum, nen, acwio Yerusalem ni anyong’a, man dhanu pare ni mutoro.

Yeremia 15:7

Man apiedhogi kud udheru i dhugang’ m’i ng’om; ayaku nyithindho migi, anyotho dhanu para; gilokri ngo kud i yo migi.

Yeremia 51:2

Man abioro juwirok i Babeli ma bipiedhe; e gibiweko i ng’om pare nanu: kum i ceng’ mi can gibibedo i kume gbur.

Yeremia 51:20

In i lei mi lwiny para man jamtho mir ali: man abituro thek nziki nziki ni kumi; man abinyotho ker ni kumi;

Yeremia 51:33

Kum Yehova mir udul, Mungu mir Israel, uwacu kumae: Nya Babeli calu lelacam i nindo ma juyoko ie cam; nindo dong’ nok, e nindo mi mwoka bibino ire.

Daniel 2:35

E nyunyu, kud ulobo, ku mola, man mola ma tar, ku mola ma kwar, ulund ung’eny nziki nziki karacelo, man edoko calu cung’ ma wi lelacam mi dwij lietho; e yamu dunye ceke, ketho kakagi nwangre ngo igi: man kidi m’ugoyo ayi gin m’acwiane doko ni got ma dit, man epong’o ng’om yu.

Hoseya 11:9

Abitimo ku lak ng’ecwiny para ngo, abidwogo ninyotho Efraim ungo: kum an a Mungu, an a dhanu ngo; Ng’atu Maleng’ i kindi; e abibino ku kwinyo ngo.

Yoel 2:23

Ka kumeno anyong’a negwu, wu nyithindho mi Sayuni, man anyong’a negwu kum Yehova Mungu mu: kum emio iwu koth ma kwong’a i mukero ma pwe, man ekonjo koth iwu, koth ma kwong’a man koth ma cen, i dwi ma kwong’ane.

Mika 5:8

Man dong’ Yakobo bibedo i kind thek, i die kodhidhanu dupa, calu umvor i kind yedi m’i luli, calu nyathin umvor i kind udul rombe; ma, tek ekadhu akadha, enyono piny man eyeco nziki nziki, e ng’atu moko mbe ma laru.

Habakuk 3:18

Ento anyong’a binega ni kum Yehova, Mutoro de binega ni kum Mungu mi both para.

Matayo 3:12

udheru pare ni i cinge, man ebililo laru pare mii; man ebicoko nganu pare i dero, ento ebiwang’u cunge ku mac ma negre ngo.

Jurumi 5:11

man kumeni kende ngo, ento anyong’a negowa bende i Mungu ni kum Rwoth mwa Yesu Kristu, ma ni kume wajolo kawono pot ma cwinyjo poto ko.

Jufilipi 3:3

kum wan wa weg yaa, ma warwo ku Tipo pa Mungu, e walula i Kristu Yesu, man wageno mwa kum ungo: