Isaya 41:10 - The Holy Bible In Alur (Lur) Revised Orthography

¹⁰ lworo kud unegi, kum wanuti wakudi; cwinyi kud ung’abre, kum an a Mungu peri; abimio iri tego; eyo, abikonyi; eyo, abijengi ku cing’ ma yor acwic mi bedopwe para.

Isaya 41:10 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

Thangambere 26:24

Man Yehova nyuthre ire i diewor nica, man ewacu kumae, An a Mungu pa Ibrahim ma wuru: lworo kud unegi, kum wanuti wakudi, man abimio mugisa iri, man abimedo kodhini ni kum Ibrahim ma jatic para.

Thangambere 31:5

man ewacu igi kumae, Aneno wang’ wegwu, nia ebedo yor i bang’a calu ma naka ngo; ento Mungu pa vwa, bedo kuda.

Thangambere 49:24

Ento atum pare bedo i tego, Man bot mi cinge, judwoko tek, Ku cing’ Ng’atu Matek pa Yakobo (Jakwac uai keca, en e kidi mir Israel),

2 Samwil 22:19

Gicori i wia i ceng’ mi ruvwa para; Ento Yehova en e jeng’ para.

I Lemkei 12:18

Tipo lund ubino wi Amasai, ma jadit mi dhanu pier adek, man ewacu kumae, Wan wa peri, Daudi, man wa jubeng’i, in i wod Yese: kwiocwiny, kwiocwiny ubed iri, man kwiocwiny ubed ni ju m’ukonyi; kum Mungu peri bekonyi. E Daudi lund ujologi, man ekethogi ni jego mir udul.

2 Lemkei 20:17

Can kiedo i lwiny maeni binegowu ngo: wuther giwu, wucung ling’, man wunen both pa Yehova ma ni kudwu, E Yuda ku Yerusalem; lworo kud unegwu: kadi cwinywu de kud ung’abre: urwo wucidh i kumgi; kum Yehova ni kudwu.

2 Lemkei 32:8

karacelo kude bot mi ring’kum; ento karacelo kudwa Yehova Mungu kara ukonywa, man ukied lwiny mwa. E dhanu gijengri gigi kum lembe pa Hezekia m’ubimo mi Yuda.

Zaburi 144:11

Bodha, man ilara kud i cing’ juwirok, Ma dhoggi yero abombi, Ma cing’gi ma yor acwic de en e cing’ ma yor acwic mi ndra.

Zaburi 144:8

Ma dhoggi yero abombi, Man cing’gi ma yor acwic en e cing’ mi ndra.

Zaburi 145:14

Yehova jengo dhanu ceke m’upodho Man eting’o dhanu ceke m’ugung’ piny.

Zaburi 147:12

Pak Yehova, E Yerusalem; Pak Mungu peri, E Sayuni.

Zaburi 18:36

Ikoko dhu dakutielo para the tienda, Man tienda kier ungo.

Zaburi 27:1

Yehova en e der para ku both para; i Abilworo ng’a? Yehova en e tego mi kwo para; Lworo binega kum ng’a?

Zaburi 29:11

Yehova bimio tego ni dhanu pare; Yehova bimio mugisa ni dhanu pare ku kwiocwiny.

Zaburi 33:12

Mugisa ni thek ma Mungu migi en e Yehova, Gi dhanu m’egoyo wigi ni aba pare ma dhe.

Zaburi 37:17

Kum bot judubo bitur; Ento Yehova jengo weg bedopwe.

Zaburi 37:24

Kadok epodho, jubiredhe piny ma gwei ungo; Kum Yehova ting’e ku cinge.

Zaburi 41:12

Man an, ijenga i bedocu para, Man iketha i weng’i mi nja.

Zaburi 46:11

Yehova mir udul ni kudwa; Mungu pa Yakobo en e kapondo mwa. [Sela.

Zaburi 46:7

Yehova mir udul ni i bang’wa; Mungu pa Yakobo en e kapondo mwa. [Sela.

Zaburi 63:8

Ng’eyong’ec para lubo toki pir: Cingi ma yor acwic ujenga.

Zaburi 65:5

Ibiloko lembe iwa i bedopwe ku gin ma ng’oyo ndiri, E Mungu mi both mwa, In m’i genogen mi tung’ ng’om ceke, Man mi ju ma gini bor wi nam:

Zaburi 99:4

Tego mir ubimo bende maru poko lembe; Iketho lembatira cungo; Itimo pokolembe ku bedopwe ni Yakobo.

Ai 14:13

E Musa wacu ni dhanune kumae, Lworo kud unegwu, wucung ki, man wunen both pa Yehova, m’ebitimo iwu tin: kum Jumisiri ma wuneno tin, wubinenogi kendo nge mi nja.

Ai 20:20

E Musa wacu ni dhanu kumae, Lworo kud unegwu: kum Mungu bino mulo iwu, man kara lworo pare bed i weng’wu, kara kud wudubi.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 35:4

Wuwac ni ju ma lworo nego adundegi kumae, Wubed tek, lworo kud unegwu: nen, Mungu mu bibino ku culokwor, ku culo wang’ lembe pa Mungu; ebibino man ebilaruwu.

Isaya 37:6

E Isaya wacu igi kumae, Wuwac kumae ni rwoth mu, Yehova wacu kumae, Lworo kud unegi kum lembe m’iwinjo, ma jutic p’ubimo mir Ascur ucida ko.

Isaya 43:5

Lworo kud unegi; kum wanuti wakudi: abigamu kodhini ku yo nyangu, man abicoki ku yo reto;

Isaya 44:2

Yehova m’ucwii, m’ung’ini kud i ic, ma bikonyi, uwacu kumae: Lworo kud unegi, E Yakobo ma jatic para; man in, yecurun, m’agoyo wii.

Isaya 49:8

Yehova wacu kumae, I nindo m’uyire aloko iri lembe, man i ceng’ mi both akonyi; man abigwoki, man abimii ni lembariba ni dhanu, kara iting’ ng’om malu, kara iketh gimak aba m’udong’ ni uvuru;

Isaya 50:9

Nen, Rwoth Yehova bikonya; ng’a ma bigonja? nen, kagi ceke gibiti calu kendi; abirbir bicamugi.

Isaya 52:7

Tiend ng’atu m’ukelo rwonglembe ma ber wi gudi ber mire ma, m’urieyo kwiocwiny, m’ukelo rwonglembe ma ber mi gin ma ber m’urieyo pi both, m’uwacu ni Sayuni kumae, Mungu peri camu ker mire!

Isaya 60:19

Ceng’ bibedo der peri kendo ngo ku dieceng’; kadi dwi de bimio iri der mi rieny ungo: ento Yehova bibedo iri ni der mi nja, man Mungu peri bibedo ni dwong’ peri.

Ywak 3:57

Icoro ceng’ni i ceng’ m’alwong’i; iwacu kumae, Lworo kud unegi.

Daniel 10:12

Elund ewacu ira kumae, Lworo kud unegi, Daniel; kum ugambre i ceng’ ma kwong’a m’iketho ie adundeni kara ing’ei, man kara ijwigri giri i wang’ Mungu peri, lembe peri winjre: man abino kum lembe peri.

Daniel 6:16

E ubimo lund ung’olo, man jukelo Daniel, e gibole i odumvor. Nie ubimo yero man ewacu ni Daniel kumae, Mungu peri m’itimo ire thiri thiri, ebibodhi.

Hoseya 1:9

E Yehova wacu kumae, Lwong’ nyinge Lo-ami; i kum wun wu dhanu para ngo, man abibedo Mungu mu ngo.

Hagai 1:13

Hagai ma jakwenda pa Yehova lund uyero i lembe pa Yehova ni dhanu, ewacu kumae, Wanuti wakudu, Yehova wacu.

Hagai 2:5

calku lembe ma waribo wakudu ka wuai kud i Misiri, man Tipona bedo i kindwu: kud wulwor.

Zekaria 10:12

E abimio tego igi i Yehova; man gibiwotho malu ku piny i nyinge, Yehova wacu.

Zekaria 10:6

E abimio tego ni ot mi Yuda, man abibodho ot pa Yusuf, e abidwokogi; kum kisa nega i kumgi; man gibibedo calu abayugi ngo: kum an a Yehova Mungu migi, man abiwinjogi.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Luka 1:13

Ento malaika wacu ire kumae, Lworo kud unegi, Zakaria: kum kwac peri winjre, cegi Elisabeti binyolo iri nyathin ma nico, man ibilwong’o nyinge Yohana.

Luka 1:30

Malaika de wacu ire kumae, Lworo kud unegi, Mariamu: kum inwang’u bero ba Mungu.

Jurumi 8:31

Wabilund yero ang’o kum gin maeni? Tek Mungu en e jabang’wa, ng’a ke ma goyo kore i kumwa?

2 Jukorinto 12:9

Man ewacu ira kumae, Berona romi: kum tegona doko ndhu cu i ng’ic. Kum kumeno abilula kum ng’ic para kud anyong’a m’usagu dit, kara tego pa Kristu bed i kuma.

Juefeso 3:16

kara emi iwu, calku lonyo mi dwong’ pare, ya tego medre iwu ni kum Tipo pare i ng’atu m’i iwu;

Poi Mi Cik 20:1

Kinde m’icidho ba lwiny kum judegi peri, man ineno riuni, ku magali, man dhanu ma welgi segi, lworo kud unegi i kumgi; kum wunuti wuku Yehova Mungu perigi, m’uwodhi woko kud i ng’om Misiri.

Jufilipi 4:13

Acopo timo gin ceke ni kume m’emio ira tego.

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Jupoklembe 6:16

Man Yehova wacu ire kumae, Wabibedo wakudi andha, man ibigoyo Jumidiani calu ng’atu acel.