Isaya 41:1 - The Holy Bible In Alur (Lur) Revised Orthography

¹ Wubed ling’ i wang’a, E cula; man wek tego ma nyen udwog ni kodhidhanu: wek gicor ceng’ni; wek gilund giweci; wek wabin ceng’ni karacelo ba pokolembe.

Isaya 41:1 ပူးပေါင်းရင်းမြစ်များ

Kitabu Pa Yob 38:3

Kawono twi pieri calu dhanu; Kum abiyenyo i beng’i, e iyer ira.

Zaburi 46:10

Wubed ling’, man wung’ei nia an a Mungu: Abibedo dwong’ i kind thek, abibedo dwong’ i ng’om.

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 34:1

Wubin ceng’ni, wu thek, kara wuwinji; man wuwinji, wu kodhidhanu: wek ng’om uwinji, kupong’ne; ng’om, ku gin ceke m’uai i bang’e.

Isaya 40:31

ento ju m’ukuro Yehova tego ma nyen bidwogo igi; gibituk ku bomb ma calu acur: gibiringo, e gibiol ungo; gibiwotho, e gibivoc ungo.

Isaya 41:5

Cula neno, man lworo negogi; tung’ ng’om uyengre; gicoro ceng’ni, man gibino.

Isaya 43:26

Poya; wek wapor lembe karacelo: wodh lembe peri, kara jugony lembe m’i wii.

Isaya 43:9

Wek thek ceke cokre karacelo, man wek kodhidhanu cokri karacelo: ng’a m’i kindgi ma copo yero lembe maeni, man ma copo nyutho iwa gin ma kwong’a wek gikel jumulembe migi, kara jugony lembe m’i wigi; kadi wek giwinji, man giwac kumae, En e andha.

Isaya 48:16

Wubin ceng’ni an, wuwinj maeni; ugambre i thangambere ayero mung’ mung’ ungo; ugambre i nindo m’enuti, ani keca: man kawono Rwoth Yehova ora, man Tipo pare.

Isaya 49:1

Wuwinja, E cula; man wucik ithwu, wu kodhidhanu, ku bor: Yehova goyo wia kud i ic; elwong’o nyinga kud i ma:

Isaya 50:8

Ng’atu m’ugonyo lembe m’i wia ni ceng’ni; ng’a ma wabi-ii wakude? wek waeung karacelo: ng’a ma jasendna? wek ebin ceng’ni i bang’a.

Habakuk 2:20

Ento Yehova ni i hekalu pare ma leng’: wek ng’om ngung’ ubed ling’ i wang’e.

Zekaria 2:13

Kum ceke, wubed ling’ i wang’ Yehova; kum eceu kud i kabedo pare ma leng’.