Isaya 40:8 - The Holy Bible In Alur (Lur) Revised Orthography

⁸ Lum ner, thiuboko kite rwinyo; ento lembe pa Mungu mwa bicungo mi nja.

Isaya 40:8 ပူးပေါင်းရင်းမြစ်များ

Zaburi 111:8

Gicungo rondo ku rondo; Jutimogi i lemandha man atira.

Isaya 59:21

Man pira, maeni lembariba para ma wakugi, Yehova wacu: Tipo para ma ni i wii, man lembe para m’aketho i dhogi, biai kud i dhogi ngo, kadi kud i dhu kodhini de ngo, kadi kud i dhu kodhi mi kodhini de ngo, Yehova wacu, ugambre kawono cil nja.

Yeremia 44:29

E maeni bibedo ni giranyutha iwu, Yehova wacu, nia abisendowu i ka maeni, kara wung’ei nia lembe para bicungo andha i kumwu ni gin ma rac:

Zekaria 1:6

Ento lembe para ku cik para, m’ang’olo ni jutic para ma jubila, ginwang’u kwaruwu ngo? man gilokri giwacu kumae, Calu i Yehova mir udul upido ya etim iwa, calku yo mwa, man calku giratima mwa, e etimo kumeca i bang’wa.

Kitabu Mir Ang’wende Pa Musa Wel 23:19

Mungu en e dhanu ngo, ma nia ecwayu ndra, Kadok wod dhanu de, ma nia eloko cwinye: Ewacu, man ebitime ngo? Kadi eyero, man ebiketho etundo kakare ngo?

Matayo 24:35

Polo ku ng’om bikadhu woko, ento lembe para bikadhu woko ngo.

Matayo 5:18

Kum awacu iwu andha kumae, Cil ma polo ku ng’om ukadhu woko, nyiguta acel kadi ng’et nyiguta acel de bikadhu woko ki ngo kud i cik, ma fodi gin ceke kutimbre kakare ngo.

Marko 13:31

polo ku ng’om de bikadhu woko: ento lembe para bikadhu woko ngo.

Yohana 10:35

Tek elwong’o gi mungugi, ma lem pa Mungu wok i bang’gi (lembagora pa Mungu de copo tur ungo),

Yohana 12:34

Ka kumeno udul dhanu loko lembe ire kumae, Wawinjo i cik nia Kristu bedo rondo ku rondo: ka in iwacu nenedi kumae, Jubikoting’o Wod dhanu malu be? Wod dhanune en e ng’a?

1 Petro 1:25

Ento lembe pa Rwoth bedo rondo ku rondo. Maeni lembe mi lembanyong’a ma juboth ko ma juyero iwu.