Isaya 40:7 - The Holy Bible In Alur (Lur) Revised Orthography

⁷ Lum ner, man thiuboko kite rwinyo, kum yuyo pa Yehova kudho wie; andha dhanu en e lum.

Isaya 40:7 ပူးပေါင်းရင်းမြစ်များ

Kitabu Pa Yob 14:2

Etwi calu thiuboko, e juthume piny: Eringo bende calu tipopiny, e ebedo ngo.

Kitabu Pa Yob 4:9

Girwinyo ni kum yuyo pa Mungu, E githum ku koto mi ng’ecwiny pare.

Kitabu Pa Yob 41:21

Yuyo pare opo cukmac, Man lebmac wok woko kud i dhoge.

Zaburi 102:4

Jugoyo adundena calu lum, man ener; Kum wia wil kum camu kwen para.

Zaburi 103:15

Nindo mi dhanu calu lum; Calu thiuboko m’i thim, evugni kumeno.

Zaburi 103:16

Kum yamu kadhu kud i wie, e embe; Man kakare bing’eye kendo ngo.

Zaburi 90:5

Imologi calu pi m’upong’; gibedo calu nindo ma junindo: Kugweno gi calu lum m’udongo.

Zaburi 90:6

Kugweno etwi, man edongo; Uthieno jujwere, man ener.

Isaya 11:4

ento ebipoko lembe mi jucan ku bedopwe, man ebijuko ju ma mol m’i ng’om de ku bedopwe; e ebigoyo ng’om ku dul mi dhoge; man ebinego judubo ku yuyo mi dendhoge.

Isaya 37:27

Ka kumeno ju m’ubedo i igi tego migi nok, igi wang’ lii man cwinygi ng’abre; gibedo calu lum m’i thim, man calu uboko ma numu, calu lum ma wi udi, man calu podho mi cam ma fodi dongo ngo.

Isaya 40:24

Eyo, jupidhogi ngo; eyo, jucoyogi ngo; eyo, dundyen migi guro ulage i ng’om ungo: man ke ekudho wigi, e giner, man atido terogi cen calu soka.

Isaya 51:12

An, en c an, an a ng’atu in’ajukowu: in i ng’a, ma lworo nege kum dhanu ma bitho, man kum wod dhanu ma jubidwoko calu lum:

Hagai 1:9

Wuneno kara wunwang’ dit, man, nen, edoko nyathigi: man ka wukele pacu, ayuyo i wie. Nedi? Yehova mir udul uwacu. Kum ot para m’ubedo ni uvuru, kinde ma wuringo kubeng’wu kubeng’wu ng’atuman ba ot pare gire.

Yakobo 1:10

jalonyo bende, kum jujwige: kum ebikadhu woko pami thiuboko m’i lum.

Yakobo 1:11

Kum ceng’ dongo ku yamu ma lieth, man enero lum: e thiubokone podho, man ke bero mi kite nyothre: kumeno bende jalonyo birwinyo woko i woth pare.