Isaya 40:5 - The Holy Bible In Alur (Lur) Revised Orthography

⁵ E dwong’ pa Yehova binyuthre, man weg kum ceke binene karacelo; kum dhu Yehova yero maeni.

Isaya 40:5 ပူးပေါင်းရင်းမြစ်များ

1 Ubimo 14:11

Dhanu pa Yeroboam m’utho i adhura gwogi bicamu; man ng’atu m’utho i podho winyo ma kor polo bicamu: kum Yehova yero maeni.

Zaburi 102:16

Kum Yehova gomo Sayuni; Ewok i dwong’ pare;

Zaburi 102:17

Eneno rwo mi ju ma kendgi, Man ecayu rwo migi ngo.

Zaburi 72:19

Man mugisa mak nyinge mi dwong’ mi nja; Man wek ng’om ngung’ upong’ ku dwong’ pare. Amen, man Amen.

Zaburi 96:6

Yung ku dwong’ ni i wang’e: Tego ku bero ni i kamaleng’ pare.

Zaburi 97:6

Polo yero pi bedopwe pare, Kodhidhanu ceke gineno dwong’ pare.

Ai 16:7

man kugweno, wubilund neno dwong’ pa Yehova; kum ewinjo ng’ur mu ma kum Yehova: man wan wa ng’a, ma nia wung’ur i kumwa?

Isaya 1:20

ento tek wukwero man wujai, palamularu bicamuwu kum dhu Yehova yero maeni.

Isaya 11:9

Gibitimo rac kadi nyotho de ngo kum got para ma leng’ ceke; kum ng’om bibedo pong’ ku ng’eyong’ec pa Yehova, calu pi umo ng’om.

Isaya 26:15

Imedo thek, E Yehova, imedo thek; juyungi; imedo kieu ceke m’i ng’om.

Isaya 34:16

Wuyeny ku i kitabu pa Yehova, e wusom: acel de mbe i kind maeni ma bibedo mbe, ma vonge moko mbe ma bibedo ku ma wode ngo; kum dhoga, eng’olo, man Tipo pare, ecokogi.

Isaya 35:2

Ebithiwo dit, man anyong’a binege cil ku mutoro man wer; jubimio ire dwong’ mi Lebanon, dwong’ mi Karmel ku Caron: gibineno dwong’ pa Yehova, dwong’ pa Mungu mwa.

Isaya 40:4

Jubiting’o poga kubang’e kubang’e malu, man jubidwoko gudi kud ungulu gudi piny kubang’e kubang’e; man ka ma cung’ cung’ jubipoto, man ka ma tek ni pambu:

Isaya 41:20

kara ginen, man ging’ei, igi pid de, man ging’ei thelembe karacelo, nia cing’ Yehova timo maeni, man Ng’atu Maleng’ mir Israel ucwio maeni.

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 52:10

Yehova wanyu bote ma leng’ i wang’ thek ceke; man kajik mi ng’om ngung’ uneno both pa Mungu mwa.

Isaya 58:14

ibilund ketho anyong’a negi ni kum Yehova; man abiketho iwotho ku ka ma malu m’i ng’om; man abikeki kud aba pa Yakobo ma kwaru: kum dhu Yehova yero maeni.

Isaya 6:3

Man acel ulwong’o ba wadi, man ewacu kumae, Yehova mir udul leng’, leng’, leng’: ng’om ngung’ upong’ ku dwong’ pare.

Isaya 60:1

Ai, rieny; kum der peri bino, man der pa Yehova wok i wii.

Isaya 66:16

Kum Yehova bitimo lembapoka wi weg kum ceke, ku mac man ku palamularu pare; man ju ma junego pa Yehova bibedo dupa.

Isaya 66:18

Kum ang’eyo tic migi ku pidoic migi: nindo bino, m’abicoko ie thek ceke ku leb ceke; e gibibino, man gibineno dwong’ para.

Isaya 66:23

Man ebitimbre, nia ugambre kum dwi ma por acel cil kum mange, man ugambre kum sabatu acel cil kum mange, weg kum ceke bibino rwo i wang’a, Yehova wacu.

Yeremia 32:27

Nen, an a Yehova, Mungu mi weg kum ceke: gin moko nuti ma tek ma voya?

Yeremia 9:12

Ng’a ma jarieko, ma copo ng’eyothelembe maeni? man ng’a ma dhu Yehova weco i bang’e, kara eyer maeni? pirang’o ng’om unyothre man ewang’ kot calu langa, ketho nia ng’atu moko mbe m’ukadhu kud i ie?

Yoel 2:28

Man ebitimbre yo ng’eye, nia abikonjo Tipo para wi kum ceke; man wotwu ku nyigwu gibiewo, dhanu m’uti mu bileko lek, awobi mu bineno ginmawokiwang’:

Mika 4:4

Ento gibibedo kubang’gi kubang’gi ng’atuman the yendulok pare man the yendubolo pare; e ng’atu moko mbe ma binyayu lworo i igi: kum dhu Yehova mir udul uyero maeni.

Habakuk 2:14

Kum ng’om bipong’ ku ng’eyong’ec mi dwong’ pa Yehova, calu pi umo nam.

Zekaria 2:13

Kum ceke, wubed ling’ i wang’ Yehova; kum eceu kud i kabedo pare ma leng’.

Luka 2:32

En e der mi nyuthonyuth ni Thekdha numange, Man dwong’ mi dhanu peri Israel.

Luka 3:6

Man kum ceke de bineno both pa Mungu.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 12:41

Isaya wacu gin maeni kum eneno dwong’ pare; man eyero pire.

Yohana 17:2

cil calu imio ire ng’ol wi kum nzu, kara emi kwo ma rondo ku rondo ni ceke m’imio ire.

Tic Mi Jukwenda 2:17

Mungu wacu kumae, Gini bitimbre i kajik ceng’, Abikonjo kum Tipo para moko wi weg kum ceke: Man wotu ku nyigu gibiewo, Awobi mu de gibineno ginmawokiwang’, Judongo mu m’uti ke gibileko lek:

2 Jukorinto 3:18

Ento wan ceke, ma bongu mbe i wang’wa ma wabeneno dwong’ pa Rwoth calu i kieu, e walokra wadoko calu ayi maeni m’uai i dwong’ utundo de i dwong’, cil calu m’eai ba Rwoth ma Tipo.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

Juebrania 1:3

en m’e car m’ucare mi dwong’ pare, man en e ayi mi kit kume, man gin ceke thiere ni kum lembe mi tego pare, kan etimo lwok mi dubo, ejany piny yo ku cing’ ma yor acwic mi Dwong’ ka ma malu;

Lembanyutha 21:23

Man adhurane can ceng’ umbe i kume, kadok mi dwi de, nia urieny i wie: kum dwong’ pa Mungu care, man thalane en e Nyathi Rombo.