Isaya 40:30 - The Holy Bible In Alur (Lur) Revised Orthography

³⁰ Cil awia ma co gibivoc man gibiol, man awobi bipodho ma gwei:

Isaya 40:30 ပူးပေါင်းရင်းမြစ်များ

Zaburi 33:16

Ubimo moko mbe ma both ni kum udul ma dit: Ng’atu ma tek both ungo ni kum tego ma dit.

Zaburi 34:10

Nyithindh umvor giyeng’ ungo, man kec unegogi; Ento ju m’uyenyo Yehova re gin moko ma ber umbe ma cande binegogi.

Zaburi 39:5

Nen, iketho nindo para ro ku laccing’; Man nindo mi camung’om para en e calu gin moko ngo i weng’i: Andha ku ba dhanu ceke en e mananu kende i bedo pare ma cu. [Sela.

Eklizia 9:11

Adwogo, man aneno the ceng’, nia jung’wec sagu gin ungo i kwaya, kadi i lwiny de jutego sagu gin ungo, kadok kwen de jurieko nwang’u gin ungo, kadi lonyo de weg ng’eyothelembe nwang’u gin ungo, kadi bero de jubodho nwang’u gin ungo; ku ba dhanu ceke ng’atuman bedo ku nindo pare man gagi ma podho ire.

Isaya 13:18

Man atum migi bituro awobi nziki nziki; man ngisi binegogi ngo kum nying’ mi ic; kisa binego wang’gi ngo kum nyithindho.

Isaya 9:17

Ka kumeno anyong’a binego Rwoth ungo kum awobi migi, kadok ngisi de binege ngo kum tic migi ku mon ma coggi tho; kum kubang’gi ceke ng’atuman en e ng’atu m’ucido man jatim rac, man ku ba dhok ceke weco lem ma kite mbe. Kadok maeni ceke timbre de ng’ecwiny pare lokre woko ngo, ento cinge rieire asu.

Yeremia 48:15

Judwoko Moab ni uvuru, man giidho malu i adhura pare, man awobi pare m’aradu ma jugoyo wigi giloro piny ba nek, Ubimo wacu, ma nyinge Yehova mir udul.

Yeremia 6:11

Ka kumeno apong’ ku kwinyo pa Yehova; aol ku ciro lembe: konje woko wi nyithindho ni gengi, man wi cokri mi dhanu m’aradu karacelo; kum jubimaku cil nico karacelo ku dhaku, jadit karacelo ku ng’atu ma nindo pare pong’o.

Yeremia 9:21

Kum tho idho malu i wang’ udi mwa, emondo i udi ma beco mwa; kara ukab nyithindho ku woko, man awobi kud i gengi.

Amos 2:14

Man ringo ng’wec birwinyo ni jung’wec; man jatego bidwoko tego pare tek ungo; kadok jatego de bibodhre gire ngo;

1 Samwil 30:10

Ento Daudi lubo tokgi, en ku dhanu dak ang’wen; kum dhanu dak ario gidong’ cen, ma givoc ketho gicopo kadhu kulo Bezor ungo.