Isaya 40:2 - The Holy Bible In Alur (Lur) Revised Orthography

² Wuyer lemjuk ni Yerusalem; wulwong’ i bang’e, nia ali pare thum, nia juweko kier pare, nia ejolo pi dubo pare wang’ ario kud i cing’ Yehova.

Isaya 40:2 ပူးပေါင်းရင်းမြစ်များ

Thangambere 34:3

Man ng’eyong’ec pare moko kum Dina ma nya Yakobo, e emaru nyakune, man eweco ber ba nyakune.

2 Lemkei 30:22

E Hezekia yero lemjuk ni Julawi ceke ma gibedo ku ng’eyong’ec ma ber i timotim pa Yehova. Kum kumeno gicamu i agba ceke mi ceng’ abiro, ma gibethiero lam mi kwiocwiny, ma gibetuco de ni Yehova, Mungu pa kwaru migi.

Zaburi 32:1

Mugisa ni ng’atu ma juweko kier pare, Ma juumo dubo pare.

Zaburi 85:3

Ikabu kwinyo peri ceke woko; Ilokri giri ni lak ng’ecwiny peri.

Ai 22:3

Tek piny uru i wie, e culo rimo bibedo nuti pire; ebiculo: tek ebedo ku gin moko ngo, jubilund loke pi kwo pare.

Eklizia 3:4

nindo mi ywak, man nindo mi ng’iero; nindo mi nduru, man nindo mi miel;

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 14:3

Man ebitimbre i ceng’ ma Yehova bimio iri yom i can peri man ni ang’abacwiny peri, man ni tic ma tek ma juketho itimo i ie,

Isaya 27:9

Ka kumeno ku maeni kier pa Yakobo biwekre woko, man maeni en e nying’ ceke mi kabu dubo pare cen: nia edwoko kidi ceke mi pemblam calu kidi mi nunu ma juturo, ketho nia mungu m’araga kud ayi gin m’acwia mi ceng’ biai kendo ngo.

Isaya 33:24

Man ng’atu m’ubedo i ie biwacu ngo kumae, Kuma lith: jubiweko kier mi dhanu m’ubedo i ie.

Isaya 35:4

Wuwac ni ju ma lworo nego adundegi kumae, Wubed tek, lworo kud unegwu: nen, Mungu mu bibino ku culokwor, ku culo wang’ lembe pa Mungu; ebibino man ebilaruwu.

Isaya 43:25

An, en e an, an a ng’atu m’uyweyo gondri peri woko pira gira; e abipoi kum dubo peri ngo.

Isaya 44:22

Araco gondri peri woko, calu afuru ma ndhu, man dubo peri, calu afuru: dwog i bang’a; kum aweri.

Isaya 49:25

Ento Yehova wacu kumae, Cil ng’eca pa jarukara jubikabu cen, man jubimio amaci mi weg ndiri; kum abi-ii ku ng’atu m’uii kudi, e abilaru nyithindhi.

Isaya 51:17

Ceu, ceu, cungi, E Yerusalem, m’imadhu kikombe mi kwinyo pa Yehova kud i cinge; imadhu tabu mi kikombe mi mielkum, man idare.

Isaya 53:5

Ento jutong’o lero i kume pi gondri mwa, junyayu rem i kume kum kier mwa; ponji mi kwiocwiny mwa ni i wie; man wacangu ni kum goc pare.

Isaya 53:6

Kawa ceke wakier calu rombe; wakier kubang’wa kubang’wa ng’atuman i yoje gire man i yoje gire; man Yehova ketho kier mwa ceke i wie.

Isaya 54:15

Nen, gicopo cokri karacelo, ento ni kuma ngo: dhanu ma tek bicokri karacelo i kumi bipodho ni kumi.

Isaya 54:17

Jambali moko mbe ma jucwio i kumi ma bibedo miero; man ibigonjo leb ceke kubang’e kubang’e ma biai i kumi i pokolembe. Maeni en e aba mi jutic pa Yehova, man bedopwe migi m’uai i bang’a, Yehova wacu.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Isaya 6:7

man emulo ko dhoga, e ewacu kumae, Nen, maeni mulo dendhogi; e kier peri kabre woko, man juweko dubo peri.

Isaya 61:7

Wubibedo ku piny wang’ ario ka lewic mu; man anyong’a binegogi ni kum makapiny migi ka cac: ka kumeno gibibedo ku piny wang’ ario i ng’om migi; mutoro mi nja bibedo igi.

Isaya 66:13

Calu ng’atu ma min juko, e abijukowu kumeca; e wubibedo ajuka i Yerusalem.

Yeremia 16:18

Man abilar culo kier migi ku dubo migi wang’ ario, kum gicido ng’om para kud avu mi ginmajudagu migi, man gipong’o aba para ku ginmajudagu migi.

Yeremia 17:18

Wek lewic umak ju m’usenda, ento kud iwek lewic umaka; wek cwinygi ng’abre, ento kud iyi cwinya ng’abre; kel ceng’ ma rac i wigi, man inyothgi ku nyoth wang’ ario.

Yeremia 29:11

Kum ang’eyo pidoic m’aparu yor i beng’wu, Yehova wacu, pidoic mi kwiocwiny, man mi lem ma rac ungo, kara umi iwu genogen i kajik mu ma cen.

Yeremia 51:10

Yehova wodho bedopwe mwa woko: wubin, man wek wayeru pi tic pa Yehova Mungu mwa i Sayuni.

Ywak 4:22

Masendi mi kier peri timbre, E nya Sayuni; ebiteri cen i ng’eca kendo ngo: Ebiliewo kier peri, E nyar Edom; ebiyabu dubo peri.

Ezekiel 16:42

Kum kumeno abiketho kwinyo para ma yor i beng’i yom, man nyeko para biai kud i beng’i, man abibedo yo, e ng’ecwiny binega kendo ngo.

Daniel 11:35

Man jumoko mi kind ju ma riek bipodho, kara judwokgi leng’, man kara julonygi, man judwokgi tar, cil i nindo mi kajikne; kum fodi en e mi nindo ma jung’olo.

Daniel 12:4

Ento in, E Daniel, cik dhu lembene, man imwon ayi kum kitabu, cil i nindo mi kajikne: dupa biringo kun ku kun, man ng’eyong’ec bimedre.

Daniel 12:9

Man ewacu kumae, Cidh i yo peri, Daniel; kum lembene juciko dhoge man jumwono ayi i kume cil i nindo mi kajikne.

Daniel 9:12

Man etimo lembe pare kakare, m’eyero i kumwa, man i kum jupoklembe mwa ma gipoko lembe i wiwa, ku kelo lembe ma’rac dit i wiwa; kum the polo ceke gin moko mbe m’utimbre calu m’utimbre kum Yerusalem.

Daniel 9:2

i rundi ma kwong’ane mi camuker pare, an a Daniel ang’eyo wel rundi ni kum kitabu maram lembe pa Yehova bino ko ba Yeremia ma jabila, mi daru uvuru mi Yerusalem, en e rundi pier abiro.

Hoseya 2:14

Ka kumeno, nen, abibidhe, man abikele i langa, man abiyero lembjuk ire.

Hoseya 2:16

Man ebibedo i ceng’ maeca, Yehova wacu, nia ibilwong’a Ici, man ibilwong’a Balif kendo ngo.

Habakuk 2:3

Kum ginmawokiwang’ fodi en e pi nindo ma juketho, man etimo pio i dhu kajikne, man ebicwayu ndra ngo: kadok egalu, kure; kum ebibino andha, ebigalu ngo.

Zefania 3:15

Yehova kabu pokolembe peri woko, ebayu jadegini woko: ubimo mir Israel, en e Yehova, eni i kindi; lworo binegi kendo ngo kum lem ma rac.

Zekaria 1:13

E Yehova loko lembe ni malaika ma waweco wakude ku lembe ma ber, en e lembe mi juk.

Zekaria 1:15

Man adhunjo dit ni thek ma gibedo abeda kum naka adhunjo nyanok, man ginyayu masendi.

Zekaria 9:12

Wulokru ba ka ma tek, wu jukol mi genogen: cil tinuni ayero nia abimio wang’ario iri.

Tic Mi Jukwenda 1:7

E ewacu igi kumae, Meni iwu ngo ma nia wung’ei nindone kadi orone, ma Wego ketho gire ka tegone.

Jugalatia 4:4

ento ka nindo m’uromo wok, Mungu oro Wode, ma nyaku nyolo, ma junyolo the cik,

Lembanyutha 18:6

Wumi ire cil calu emio, man wumi ire wang’ ario calku tic pare: i kikombe m’ejebo i ie, jeb ire wang’ ario.