Isaya 40:11 - The Holy Bible In Alur (Lur) Revised Orthography

¹¹ Ebikwayu udul rombe pare calu jakwac, ebicoko nyithi rombe i bote, man ebiting’ogi i kore, man ebipeyo ju ma nyithindhgi nuti yo.

Isaya 40:11 ပူးပေါင်းရင်းမြစ်များ

Thangambere 33:13

Man ewacu ire kumae, Rwoth para ng’eyo nia nyithindho gi tek ungo, man udul rombe ku dhok ma ni kuda gibedo ku nyithindhgi: man tek gilekogi ma sagu i ceng’ acel, udulne ceke bitho.

Thangambere 49:24

Ento atum pare bedo i tego, Man bot mi cinge, judwoko tek, Ku cing’ Ng’atu Matek pa Yakobo (Jakwac uai keca, en e kidi mir Israel),

Zaburi 100:3

Wung’ei nia Yehova, en e Mungu: En e en m’etimowa, man wa pare; Wan wa dhanu pare, man rombe mi kwac pare.

Zaburi 27:10

Kinde ma vwa ku ma gikuna, Yehova bilund ting’a malu.

Zaburi 28:9

Bodh dhanu peri, man imi mugisa kum aba peri: Bed jakwac migi bende, man iting’gi malu rondo ku rondo.

Zaburi 37:3

Gen Yehova, man itim ber; Ka kumeno ibibedo i ng’om, man ibicamu m’ibedo agwoka.

Zaburi 80:1

Cik ithi, E Jakwac mir Israel, In m’itelo wi Yusuf calu udul rombe; In m’ibedo malu wi kerubi, irieny.

Isaya 42:3

Usi m’unyoc ebituro ngo, bonguthala m’udunyo yiro ebinego ngo: ebiwodho pokolembe i lemandha.

Isaya 63:11

Elund epoi kum nindo ma con, pi Musa ku dhanu pare, ewacu kumae, Ng’atu m’uwodhogi woko kud i nam karacelo ku jukwac mir udul rombe pare ni kani? ng’atu m’uketho Tipo pare ma leng’ i kindgi ni kani?

Yeremia 31:10

Wuwinj lembe pa Yehova, E wu thek, man wuyer maeni i cula ma bor; man wuwac kumae, Ng’atu m’ulalu Israel bicoke, ebigwoke de, calu jakwac gwoko udul rombe pare.

Yeremia 31:8

Nen, abigamugi kud i ng’om ma yor ariwa ma malu, man abicokogi kud i ng’et ng’om ma wi tung’, man karacelo kugi ju ma abinga ku weg abala, dhaku ma ku nyathin man dhaku ma ku remokum mi nyodo gikude: udul ma dit gibidwogo keni.

Ezekiel 34:15

An gira abibedo jakwac mi rombe para, man abiketho givuto piny, Rwoth Yehova wacu.

Ezekiel 34:16

Abiyenyo maeno m’urwinyo, man abidwoko maeno ma juriemo woko, man abitwio maeno m’utur, man abimio tego ni maeno ma kume lith; ento m’ucwe ma jutego de abinyotho; abikakugi ku pokolembe.

Ezekiel 34:2

Wod dhanu, cu lembe kum jukwac mir Israel, cu, man iwac igi, en e ni jukwac kumae, Rwoth Yehova wacu kumae: Can ni i wi jukwac mir Israel m’ukakri gigi ku cemo! maku jukwac gikak rombe ku cam ungo?

Ezekiel 34:23

Man abiketho jakwac acel i wigi, e e’oikakugi ku cam, en e jatic para ma Daudi; ebikakugi ku cemo, man ebibedo jakwac migi.

Ezekiel 34:31

E wun wu rombe para, rombe mi kakwae para, wu dhanu, man an a Mungu mu, Rwoth Yehova wacu.

Ezekiel 37:24

Man jatic para ma Daudi bibedo ubimo i wigi; man kagi ceke gibibedo ku jakwac acel: gibiwotho i lembapoka para bende, man gibiworo cik para, gibitimogi de.

Mika 5:4

Man ebicungo e ebikwayu udul pare ku tego pa Yehova, ku dwong’ mi nying’ Yehova Mungu pare: e gibibedo; kum kawono ebibedo dit cil i tung’ng’om.

Mika 7:14

Bim dhanu peri kud uluth peri, udul mir aba peri, m’ubedo kende, i luli i die Karmel: wek gicam i Bacan ku Gilead, calu i nindo ma con.

Zekaria 11:7

Kum kumeno akwayu udul rombe mi thum, andha ma ng’ic i kind udul rombe. Man agamu ira uluth ario; acel alwong’o Ber, man mucelo alwong’o Giratwia; e akwayu udul rombe.

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

Juebrania 13:20

Nie Mungu mi kwiocwiny, m’ekelo jakwac ma dit mi rombe kendo m’ecer ku kind ju m’utho ni kum rimo mi lembariba mi nja, en e Rwoth mwa ma Yesu,

1 Petro 2:25

Kum nwang’u wubekiewo calu rombe; ento kawono wudwogo ba Jakwac ku Jalieu mi ng’eyong’ec mu.

1 Petro 5:4

E ka Jakwac ma dit binyuthre, wubigamu jamkermiwic mi dwong’ ma duny woko ngo.

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.