Isaya 40:10 - The Holy Bible In Alur (Lur) Revised Orthography

¹⁰ Nen, Rwoth Yehova bibino calu jarukara, man bote bibimo pire: Nen, sukulia pare ni kude, man sukulia pare ni i wang’e.

Isaya 40:10 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

Zaburi 110:6

Ebipoko lembe kind thek, Ebipong’o kakagi kud avu; Ebigoyo wie i ng’om dupa.

Zaburi 66:3

Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

Isaya 28:2

Nen, Rwoth ubedo ku ng’atu ma tek ma jarukara de; calu wavuvu mi pei, atido ma nyotho, calu wavuvu mi pi ma dit m’ucore, ebiredho piny i ng’om ku cing’.

Isaya 33:2

E Yehova, bed ku bero i kumwa; wakuri: bed bot mwa ku ba rupiny ku ba rupiny, both mwa bende i nindo mir ang’abacwiny.

Isaya 49:4

Ento awacu kumae, Amula ku tic mananu, alalu tego para pi gin moko ngo ku gin ma ie nanu; ento pokolembe m’umaka ni ku Yehova andha, man sukulia para ni ku Mungu para.

Isaya 51:5

Bedopwe para ni ceng’ni, both para wok woko, man bota bipoko lembe mi kodhidhanu; cula bikura, e gibigeno bota.

Isaya 53:12

Ka kumeno abipoko ire makapiny karacelo ku ju ma dwong’, man ebipoko ayeki karacelo ku jurukara; kum ekonjo ng’eyong’ec pare ni tho, man jukwane karacelo ku weg gondri: ento eyeyo dubo mi dhanu dupa, man ekwayu kwac pi weg gondri.

Isaya 59:15

Eyo, lemandha rem; man ng’atu m’uweko dubo edwokre gire ni amaci. E Yehova neno maeni, man enyayu ng’ecwiny i ie kum pokolembe mbe.

Isaya 59:16

Man eneno nia ng’atu moko mbe, e ie wang’ lii kum jakindjo mbe: ka kumeno bote ma dhe kelo both ire; man bedopwe pare, ejenge.

Isaya 59:18

Calku giratima migi, ebiculo kumeca, kwinyo ni jusendne, cul nijudegine; ebidwoko cul ni cula.

Isaya 62:11

Nen, Yehova yero ni kajik mi ng’om kumae, Wuwac ni Nyasayuni kumae, Nen, both peri bino; nen, sukulia pare ni kude, man sukulia pare ni i wang’e.

Isaya 63:5

E aneno, man ng’atu moko mbe mi kony; e ia wang’ kum ng’atu moko mbe mi jeng: ka kumeno bota gira kelo both ira; man kwinyo para, ujenga.

Yeremia 31:16

Yehova wacu kumae; Cer dwendi ni ywak, man weng’i ni piwang’; kum jubimio sukulia kum tic peri, Yehova wacu; e gibidwogo kendo kud i ng’om pa jadegi.

Malaki 3:1

Nen, aoro jakwenda para, man ebiyiko yo i wang’a: man Rwoth, ma wuyenyo, ebiwok mbwang’ i hekalu pare; man jakwenda mi lembariba, ma mutoro negowu i kume, nen, ebino, Yehova mir udul uwacu.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Yohana 12:13

gimaku jang thith, gicirombo ko kude man gikok kumae, Hosana: Mugisa ni ng’atu m’ubebino ku nying Rwoth, en e Ubimo mir Israel.

Yohana 12:15

Lworo kud unegi, nya Sayuni: nen, Ubimo peri bebino, ebedo wi nyathi kana.

Juebrania 2:14

Kum nwang’u nyithindho gr jurib ring’o ku rimo, en gire bende egamu maeno nino kumeca; kara ni kum tho ethir ng’atu ma jatego mi tho, ma en e wonabali;

1 Yohana 3:8

ng’atu ma timo dubo en e pa wonabali; kum wonabali dubo ugambre ku kwong’a. Kum lembe maeni Wod Mungu nyuthre, kara enyoth tic pa wonabali.

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 20:11

Man aneno komker ma tar m’ulwar, ku ng’atu m’ujany i wie de, man ng’om ku polo de giringo wang’e; man kakagi nwangre ngo igi.

Lembanyutha 22:12

Nen, abino pio; man sukulia para ni i bang’a, m’amio ni dhanu ceke kubang’gi nzu ng’atuman calku tic pare.