Isaya 4:2 - The Holy Bible In Alur (Lur) Revised Orthography

² I ceng’ maeca jang Yehova bibedo leng’ man mi dwong’, man nying’ ng’om bibedo ber hai man mi bero ni ju ma giboth mir Israel.

Isaya 4:2 ပူးပေါင်းရင်းမြစ်များ

Zaburi 67:6

Ng’om ucego nyaine: Mungu, en e Mungu mwa ma dhe, ebimio mugisa iwa.

Zaburi 72:16

Cam bibedo dit i ng’om wi gudi; Nyinge biyengre calu Lebanon: Man lembe mi dhanu mir adhura bibedo miero calu lum mi ng’om.

Ai 28:2

Man itim kendi ma leng’ ni Harun m’umeru, mi dwong’ man mi bero.

Isaya 11:4

ento ebipoko lembe mi jucan ku bedopwe, man ebijuko ju ma mol m’i ng’om de ku bedopwe; e ebigoyo ng’om ku dul mi dhoge; man ebinego judubo ku yuyo mi dendhoge.

Isaya 26:1

I ceng’ maeca jubiwero wer maeni i ng’om mi Yuda: Wabedo kud adhura ma tek; ebiketho both ni gang’kidi ku ot ma tek.

Isaya 27:6

I nindo ma bibino Yakobo biguro ulage; Israel bithiwo man ebikudo; e gibipong’o wang’ ng’om ku nying’gi.

Isaya 30:23

Man ebimio koth ni kodhi peri, m’ibicoyo kudo ng’om; man kwen ni kum nyai m’i ng’om, man ebibedo mio man dupa. I ceng’ maeca lim peri bicamu i kakwae ma lac;

Isaya 45:8

Wucwi, wu polo, ku malu, man wek polo konj bedopwe piny: wek ng’om uyabi, kara eceg both, man wek eketh bedopwe loth karacelo; an a Yehova, acwio maeni.

Isaya 53:2

Kum edongo i wang’e calu girapidha ma ng’ic, man calu ulag piny kud i ng’om m’uthwo: kite kadi berone de mbe; man kinde ma wanene, bero moko mbe ma nia wayenye.

Isaya 60:15

Kum ebedo nia juweki man judegi, ketho nia ng’atu moko kadhu ngo kudii, abidwoki ni dwong’ mi nja, ni mutoro ni dhanum’utuk dupa.

Isaya 60:21

Dhanu peri bende bibedo pwe ceke; gibicamu ng’om ni aba mi nja, en e jangpiny m’apidho an, ma tic m’i cinga, kara juyunga.

Isaya 61:11

Kum calu ng’om twio kudone, man calu podho ketho gin ma jucoyo i ie loth; e Rwoth Yehova biketho bedopwe ku pak loth kumeca i wang’ thek ceke.

Yeremia 23:5

Nen, nindo bino, Yehova wacu, nia abiting’o Jang ma pwe ni Daudi, man ebicamu ker calu ubimo man ebitimo ku rieko, e ebitimo pokolembe ku bedopwe i ng’om.

Yeremia 33:15

I ceng’ maeca, man i nindo maeca, abiketho Jang mi bedopwe dongo ni Daudi; man ebitimo pokolembe ku bedopwe i ng’om.

Yeremia 44:14

ketho nia ng’atu moko mbe mi dong’ Yuda m’udong’, m’ucidho i ng’om Misiri ni umondo kuca, ma biboth kadi ma bidong’, ma gibidwogo i ng’om Yuda, ma ava dok bedo kuca nuti kugi: kum ng’atu moko bidwogo ngo ndhu wadi ju m’uboth.

Yeremia 44:28

Man ju m’uboth ni palamularu bi dwogo kud i ng’om Misiri i ng’om Yuda, ma welgi lam; man dong’ Yuda m’udong’ ceke, m’ucidho i ng’om Misiri ni umondo kuca, bing’eyo nia lembe pa ng’a ma bicungo, para, kadi migi.

Ezekiel 34:29

Man abiting’o igi podho mi yung, man ndru m’i ng’om bidarugi kendo ngo, kadi thek biketho lewic i kumgi kendo ngo.

Ezekiel 36:8

Ento wun, E gudi mir Israel, wubilodho jengwu, man wubicego nyingwu ni dhanu para Israel, kum gini ceng’ni ku bino.

Ezekiel 7:16

Ento ju m’i kindgi m’uboth gibiboth, man gibibedo wi gudi calu akuru m’i poga, kagi ceke ma gicur acura, kubang’gi kubang’gi ng’atuman i kier pare.

Yoel 2:32

Man ebitimbre, nia ng’atu ma tek bilwong’o nying’ Yehova ebiboth; kum ju m’uboth bibedo i got Sayuni man i Yerusalem, calu Yehova wacu, man ju ma Yehova lwong’o bibedo i kind donge m’udong’.

Yoel 3:18

Man ebitimbre i ceng’ maeca, nia gudi bitono pigulok ma lim lim, man ungulu gudi bimolo cak man kulo ceke mi Yuda bimolo pi; man kulo mi pi bidhenjre kud i ot pa Yehova, man ebidwoko poga mi Citim ng’ic.

Obadia 1:17

Ento i got Sayuni ju m’uboth bibedo nuti, man ebibedo leng’; man ot pa Yakobo bimwonyo piny migi.

Zekaria 3:8

Kawono winji, E Yocuwa ma jalam ma dit, in ku juwedu m’ubedo i weng’i; kum gi dhanu ma gibedo ni giranyutha: kum, nen, abiwodho jatic para ma Jang.

Zekaria 6:12

man iwac ire kumae, Yehova mir udul uwacu kumae, Nen, ng’atu ma nyinge Jang: man ebiloth ku i kakare; e ebigomo hekalu pa Yehova;

Zekaria 9:17

Kum karamb dit mi bero pare, man karamb dit mi leng’ pare mire ma! cam bicweyo awobi, pigulok ke nyir.

Malaki 3:17

E gibibedo para, Yehova mir udul uwacu, cu piny para ma dhe, i ceng’ m’atimo ie maeni; e kisa binega i kumgi, calu kisa nego dhanu kum wode ma dhe ma timo ire.

Matayo 24:22

Man tek jukujwigo ceng’ maeno ngo, kuno di kum moko mbe m’ubin uboth: ento ni ju ma yang’ jugoyo nying’gi re ceng’ nino jubijwigo.

Luka 21:36

Ento wuki ku ba nindo ceke, ku kwayukwac de, kara wusegru ni both ni gin maeni ceke ma bitimbre, wucung de i wang’ Wod dhanu.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

2 Petro 1:16

Kum wakulubo lembuda ngo ma jutheko ku rieko, ka waketho wung’ei tego ku bino pa Rwoth mwa Yesu Kristu, ento wan wa jumulembe ma ku wang’ mi dwong’ pare.