Isaya 39:3 - The Holy Bible In Alur (Lur) Revised Orthography

³ Isaya ma jabila lund ubino bang’ ubimo ma Hezekia, man ewacu ire kumae, dhanu maeni wacu ang’o? man giai kani ma gibino ko i beng’i? E Hezekia wacu kumae, Giai i ng’om ma bor gibino i bang’a, cu i Babeli.

Isaya 39:3 ပူးပေါင်းရင်းမြစ်များ

2 Samwil 12:1

Man Yehova oro Nathan ba Daudi. Man ebino i bang’e, ewacu ire kumae, Dhanu ario ginuti i adhura acel; acel jalonyo, wadi ke jacan.

2 Lemkei 16:7

Man i nindo maeca Hanani ma jaeulembe ubino ba Asa m’ubimo mi Yuda, man ewacu ire kumae, Kum igeno ubimo mi Cami, man igeno Yehova Mungu peri ngo, ka kumeno udul mir ubimo mi Cami uboth kud i cingi.

2 Lemkei 19:2

Man Yehu ma wod Hanani ma jaeulembe wok woko kara eromb kude, man ewacu ni ubimo ma Yehocafat kumae, Emaku piny nia ikony judubo, man imar ju m’udagu Yehova? kum gin maeni kwinyo m’uai i wang’ Yehova ni i wii.

2 Lemkei 25:15

Kum kumeno ng’ecwiny pa Yehova opo kum Amazia, man eoro jabila i bang’e, m’uwacu ire kumae, Nedi iyenyo tok mungu mi dhanu, m’ubodho dhanu migi ngo kud i cingi?

Isaya 38:1

I nindo maeca kum Hezekia make mi tho. Man Isaya ma jabila ma wod Amoz ubino i bang’e, man ewacu ire kumae, Yehova wacu kumae, Yik ot peri; kum ibitho, ibibedo kwo ngo.

Isaya 38:5

Cidhi, man iwac ni Hezekia kumae, Yehova, Mungu pa Daudi ma kwaru, uwacu kumae, Awinjo rwo peri, aneno piweng’i: nen, abimedo rundi apar wi abic kum nindo peri.

Isaya 39:4

Elund ewacu kumae, Gineno ang’o i ot peri? E Hezekia loko lembe kumae, Gineno gin ceke ma ni i ot para: gin moko mbe i kind piny m’akana para ma k’anyutho igi ngo.

Yeremia 4:16

Wuyer ni thek; nen, wurwei lembe kum Yerusalem, nia julib uai i ng’om ma bor, man gi wodho dwandgi kum adhura mi Yuda.

Yeremia 5:15

Nen, abikelo thek i wiwu ku bor, E ot mir Israel, Yehova wacu: en e thek ma tek, en e thek ma con, thek ma dhokne ing’eyo ngo, kadok gin ma giweco de ing’eyo ngo.

Yeremia 8:19

Nen, dwal mi ywak pa nya dhanu para kud i ng’om ma ni bor ngbir kumae: Yehova ni i Sayuni ngo? Ubimo pare ni i ie ngo? Nedi ginyayu ng’ecwiny i ia kud ayi gin m’acwia m’apaya migi, man ku gin ma ie nanu ma tung’i?

Poi Mi Cik 28:49

Yehova bikelo thek i kumi ku bor, kud i tung’ ng’om, calu acur m’uberingo; thek m’ibiwinjo dhoggi ngo;

Yocuwa 9:6

Man gicidho ba Yocuwa i kagonjo i Gilgal, man giwacu ire, man ku dhanu mir Israel kumae, Waai i ng’om ma bor: ka kumeno kawono wutim lembariba kudwa.

Yocuwa 9:9

Man giwacu ire kumae, Jutic peri giai kud i ng’om ma bor ngbir kum nying’ Yehova Mungu peri: kum wawinjo rwonglembe pare, ku gin ceke m’etimo i Misiri,