Isaya 38:3 - The Holy Bible In Alur (Lur) Revised Orthography

³ man ewacu kumae, Kawono poi, E Yehova, akwei, maram awotho ko i weng’i ku lemandha man kud adunde ma ndhu cu, man atimo gin m’ubedo ber i weng’i. Man Hezekia ywak mi can.

Isaya 38:3 ပူးပေါင်းရင်းမြစ်များ

Thangambere 17:1

Man kinde ma rundi pa Abram a pier abung’wen wi abung’wen, Yehova nyuthre ni Abram, man ewacu ire kumae, An a Mungu ma Jategokpo; woth i wang’a, man ibed ndhu cu.

Thangambere 6:9

Maeni dhanum’utuk pa Noa. Noa en e ng’atu ma pwe, en e ng’atu ma ndhu cu i kind dhanum’utuk pare: Noa wotho ku Mungu.

1 Ubimo 15:14

Ento jukabu ka ma malu woko ngo; ento adunde Asa bedo ndhu cu ku Yehova i nindo pare ceke.

1 Ubimo 2:4

kara Yehova keth lembe pare cungi m’eyero pira, m’ewacu kumae, Tek nyithindhi bedo ku wang’gi kum yo migi, kara giwoth i wang’a i lemandha kud adundegi ceke man ku ng’eyong’ec migi ceke, e dhanu birem iri ngo (ewacu) ma bibedo wi komker mir Israel.

2 Ubimo 18:3

E etimo gin m’ubedo atira i wang’ Yehova, calku gin ceke ma Daudi ma kwaru mire timo.

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

I Lemkei 29:19

man mi ni Suleman, ma woda adunde ma cu, kara ewor lembang’ola peri, ku lembatuca peri, man cik peri, man kara etim gin maeni ceke, man egom ot ma ber, m’ayiko piny pire.

I Lemkei 29:9

Anyong’a lund unego dhanu, kum githiero ku berocwinygi, kum kud adundegi ma cu githiero ku berocwinygi ni Yehova: man Daudi m’ubimo bende anyong’a nege kud anyong’a ma dit.

2 Lemkei 16:9

Kum wang’ Yehova ringo kun ku kun i ng’om ngung’ ma mba mba, kara enyuthre gire tek ni ju ma adundegi bedo ndhu cu yor i bang’e. I maeni itimo kasegu; kum ugambre kawono ibibedo kud ali.

2 Lemkei 25:2

Man etimo gin m’atira i wang’ Yehova, ento kud adunde ma ndhu cu ngo.

Ezra 10:1

Nie ka Ezra berwo etuco de, m’eywak m’eredhre piny de i wang’ot pa Mungu, udul ma dit apila ucokri i bang’e kud i Israel mi co ku mon ku nyithindho; kum dhanune ywak dit.

Nehemia 1:4

Man etimbre, kinde m’awinjo lembe maeni, nia abedo piny man aywak, e can unega nindo moko; man aweko cam arwo de i wang’ Mungu m’i polo,

Nehemia 13:14

Poi pira, E Mungu para, pi maeni, man kud iruc tic ma ber para woko m’atimo pi ot pa Mungu para, man pi gin pare m’ang’ola.

Nehemia 13:22

Man ang’olo ni Julawi ya gidwokri gigi leng’, man nia gibin gikur dhugang’, kara gidwok ceng’ sabatu leng’. Poi pira, E Mungu para, pi maeni bende, man iweka calku dit mi mer mi beroni.

Nehemia 13:31

man pi girathiera mi yen, i nindo ma jung’olo, man pi mwoka. Poi pira ber, E Mungu para.

Nehemia 5:19

Poi pira, E Mungu para, pi bero, gin ceke m’atimo pi dhanu maeni.

Zaburi 101:2

Abitingra gira ku rieko i yo ma cu: A ibibino i bang’a awene? Abiwotho kud adundena ma cu i ot para.

Zaburi 102:9

Kum acamu vuru calu kwen, Man ajebo giramadha para ku ywak;

Zaburi 119:80

Wek adundena bed cu kum cik peri, Kara lewic kud umaka.

Zaburi 16:8

Aketho Yehova i wang’a thiri thiri: Kum eni i cinga ma yor acwic, cwinya biringo ngo.

Zaburi 26:3

Kum mer mi bero peri ni i wang’a; Man awotho i lemandha peri.

Zaburi 32:2

Mugisa ni ng’atu ma Yehova kwanu kier pare ngo, Man ma tipone mbe kud abombi.

Zaburi 6:6

Aol ku cur para; Ku ba diewor atobo kavuto para; Akwoyo kavuto para ku piwang’a,

Zaburi 6:8

Wuai kud i kuma, wu jutim kier ceke; Kum Yehova winjo dwal mi ywak para.

Isaya 38:2

E Hezekia lund uloko wang’e yo kum kor ot, e erwo ni Yehova,

Isaya 38:4

E lembe pa Yehova lund ubino bang’ Isaya, m’uwacu kumae,

Hoseya 12:4

eyo, ebedo ku tego wi malaika, man esagu; eywak, man epaku dhoge ire: enwang’e i Beth-el, man waweco wakude kuca,

Yohana 1:47

Yesu neno Nathanael ubebino i bang’e, man ewacu pire kumae, Nen, Jaisraeli mandha ma abombi mbe i ie!

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

Poi Mi Cik 6:18

Man itim gin ma pwe man ma ber i wang’ Yehova; kara ibed ber, man kara imond man imwony ng’om ma ber ma Yehova kwong’o ni kwaru,

Juebrania 5:7

En ma i ceng’ maeni mi kume, nwang’u ewodho rwo ni Mungu ku kwayukwac ma ku ywak ma tek ku piwang’ ni ng’atu ma copo lare ni tho, m’ewinjre de ni kum lworo pare ma ayi Mungu ni i kume,

Juebrania 6:10

kum Mungu en e won gondri ngo ma nia wie wil kum tic mu man mer ma wunyutho kum nyinge, kum wutimo ni jumaleng’, man wubetimo asu.