Isaya 38:16 - The Holy Bible In Alur (Lur) Revised Orthography

¹⁶ E Rwoth, dhanu kwo ni kum gin maeni; Man kwo mi tipona ni i ie ceke: Kum kumeno canga, man iketha kwo.

Isaya 38:16 ပူးပေါင်းရင်းမြစ်များ

Zaburi 119:25

Ng’eyong’ec para moko kum utur: Yep cwinya calku lembe peri.

Zaburi 119:71

E ber ira kum jusenda; Kara amak ng’eyo cik peri.

Zaburi 119:75

Ang’eyo nia lembapoka peri e pwe, E Yehova, Man nia isenda i bedo mandha.

Zaburi 30:3

E Yehova, iwodho ng’eyong’ec para kud i liel: Igwokama kwo, karakud alor pinyi vur.

Zaburi 39:13

A weka, kara adok tek kendo, Ma fok’acidho kamange ngo, man abedo mbe kendo.

Zaburi 71:20

In, m’inyutho iwa can dupa man ma rac, Ibiketho wakwo kendo. Man ibiting’owa kendo kud i thuth m’i ng’om.

Isaya 64:5

Irombo ku ng’atu m’anyong’a nege man m’utimo bedopwe, ju m’upoi piri i yo peri: nen, kwinyo negi, man wadubo: wabedo i igi ugambre con; e wabibothi?

Matayo 4:4

Ento eloko lembe ewacu kumae, Egore kumae, Dhanu bibedo ni kum kwen kende ngo, ento ku lembe ceke m’uai dhu Mungu.

1 Jukorinto 11:32

Ento ka jupoko lembe mwa, e Rwoth ponjowa, kara ku jubin jupok lembe mwa rac karacelo ku ng’om;

2 Jukorinto 4:17

Kum can mwa ma yot, ma nyagwil, etimo iwa ter mi dwong’ ma nja ku nja ma sagu dit apila;

Poi Mi Cik 8:3

E ejwigi, eyio de ya kec unegi, man ekeki ku mana, m’ing’eyo ngo, kadok kwaru de ging’eyo ngo; kara eketh ing’ei nia dhanu bedo kwo ku cam kende ngo, ento ku gin ceke m’uai dhu Yehova e ma dhanu bedo kudo kwo.

Juebrania 12:9

Mange ke wabedo ku wegwa ma ku kum ma ponjo wa, man wajwigra igi: esagu ngo ya wabed wor ni Won tipo, man wabed kwo?