Isaya 32:6 - The Holy Bible In Alur (Lur) Revised Orthography

⁶ Kum jakasegu biyero lem ma kite mbe, man cwinye bitimo kier, kara ecikutimo lembacidi, man kara eyer kier kum Yehova, kara eketh ng’eyong’ec mi ju ma kec unegogi bed ma ie nanu, man kara eketh giramadha mi ju ma rieu benegogi ujiki.

Isaya 32:6 ပူးပေါင်းရင်းမြစ်များ

Zaburi 141:4

Kud ilok adundena ba gin moko ma rac, M’uketh atim tic mi dubo Karacelo ku dhanu ma timo kier: Man kud iyi acam cemo migi ma mit.

Lembrieko 19:3

Kasegu mi dhanu nyotho yo pare; Man adundene jai ni Yehova.

Lembrieko 24:7

Rieko ni malu hai ni jakasegu: Eyabu dhoge ngo i dhugang’.

Isaya 10:2

kara ulok jacanpiny cen ni pokolembe, man kara ukwal ng’ol migi ba jucan mi dhanu para, kara mon ma coggi tho bed ayeki migi, man kara gidwok kic ni amaci migi!

Isaya 10:6

Abiore kum thek m’ucido, man abimio ire ng’ol kum dhanu mi kwinyo para, kara emak ayeki, man emak amaci, man kara enyongi piny calu unzabu m’i gengi.

Isaya 26:10

Wek junyuth bero ni jadubo, ento ebiponjo ng’eyo bedopwe ngo; ebitimo kier i ng’om m’atira, man ebineno dwong’ pa Yehova ngo.

Isaya 3:15

the lembang’o m’uketho wunyono dhanu para, man wung’inyo wang’ jucani? Rwoth, Yehova mir udul uwacu.

Isaya 31:2

Ento en bende e riek, man ebikelo lembe ma rac, man ebigamu lembe pare kendo ngo, ento ebiai kum ot mi jutimrac, man kum kony mi ju m’utimo kier.

Isaya 59:13

ma wabegondra man wabekwero Yehova, ku lokri cen ku lubo Mungu mwa, ma wabeyero pi masendi ku jai, ma wabeporo man wabeweco lemndra kud i cwiny.

Isaya 59:7

Tiendgi ringo ba lem ma rac, man gitimo pio kara gicwir rimo m’umbe dubo: pidoic migi en e pidoic mi kier; uvuru man nyoth ni i yo migi.

Isaya 9:17

Ka kumeno anyong’a binego Rwoth ungo kum awobi migi, kadok ngisi de binege ngo kum tic migi ku mon ma coggi tho; kum kubang’gi ceke ng’atuman en e ng’atu m’ucido man jatim rac, man ku ba dhok ceke weco lem ma kite mbe. Kadok maeni ceke timbre de ng’ecwiny pare lokre woko ngo, ento cinge rieire asu.

Yeremia 13:23

Jaethiopia copo loko dendkume, kadi ng’u de copo loko kume ma cukucuku? tek kumeno e wun de wucopo timo ber, ma wung’io kutimo rac.

Ezekiel 34:18

Ebedo iwu ni gin ma noki ya w’ucamu i kakwac ma ber, ento w’ukow’unyono piny be ku tiendwu dong’ kakwac m’udong’i? man ya wumadhu pi ma terere, ento wukowunyotho donge m’udong’ be ku tiendwu?

Daniel 12:10

Dhanu dupa gibidwokri leng’, man gibidwokri tar, man jubimulo igi; ento judubo gibitimo dubo; man ng’atu moko mbe ma kind judubo ma bing’eyo thelembe; ento ju ma gi riek gibing’eyo thelembe.

Amos 8:6

kara wang’ieu jucan ku mola ma tar, man jucanpiny ku wara ario, man walok cung’ nganu?

Matayo 15:19

Kum pidoic ma rac ai ku i adunde, ku negonek, ku gier, ku tarwang’, ku kwo, ku cwayu ndra, ku cayucac:

Matayo 23:13

Ento can i wiwu, jugorcik ku Jufarisayo, weg ambili! kum wuciko dhu ker m’i polo i wang’ dhanu: kum wun giwu wumondo ngo, kadok ju m’ubemondo de wuyio ngo ya gimondi.

Yakobo 1:27

Kisoma m’alili ma cido de ngo i wang’ Mungu mwa ma Wegwa e ee, ya julieu kic ku mon ma coggi tho i can migi, man ke gwok ma jugwokri ko gijo ni ng’om ma jukuvukri ngo.

1 Samwil 24:13

Calu lembayera mi ju ma con uwacu kumae, Dubo wok woko ku i judubo; ento cinga bibedo i kumi ngo.