Isaya 32:2 - The Holy Bible In Alur (Lur) Revised Orthography

² Man dhanu bibedo calu kapondo ni yamu, kapondo de ni wavuvu, calu kulo mi pi i ka m’uthwo, calu tipo mi cana ma dit i ng’om mi olo.

Isaya 32:2 ပူးပေါင်းရင်းမြစ်များ

Zaburi 143:9

E Yehova, bodha ni judegi para: Aringo i beng’i nipondo.

Zaburi 32:7

In i kapondo para; ibigwoka ni can; Ibitieka ku wer mi both. [Sela.

Zaburi 63:1

E Mungu, in i Mungu para; abiyenyi ku cwinya ceke: Rieu ma piri nego ng’eyong’ec para, man avani nego ring’kuma, I ng’om m’uthwo mi olo, ka ma pi mbe i ie,

Zaburi 91:1

Ng’atu m’ubedo i kapondo pa Ng’atu ma Malu Ngbir Bibedo i tipopiny pa ng’atu ma Jategokpo.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 16:3

Mi lembapora, tim lembapoka ma pwe; tim tipopiny peri calu diewor i kind dieceng’; pan ju ma juriemo; kud icib ng’atu m’upiei.

Isaya 25:4

Kum ibedo ka ma tek ni jucan, ka ma tek ni jucanpiny i can pare, kavogo ni wavuvu, tipopiny ni lietho, kinde ma atido mi ju mi ndiri bedo calu wavuvu kum gang’kidi.

Isaya 28:17

Man abiketho pokolembe ni thol, man bedopwe ni jamtir; man pei biyweyo kapondo mi ndra cen, e pi bimwonyo kapondo.

Isaya 41:18

Abiyabu kulo wi ka m’utingre m’ubedo mananu, man pi ma dhenyni i die poga; abidwoko langa ni kut mi pi, man ng’om m’uthwo ni kulo roi pi.

Isaya 43:19

Nen, abitimo gin ma nyen; kawono ebiloth; wubing’eye ngo? abitimo yo cil i yamba, man kulo ma dit i ng’omngele.

Isaya 43:20

Yedi m’i thim biyunga, utho ku udo kum amio pi i yamba, man kulo ma dit i ng’omngele kara ami giramadha ni dhanu para, gi ju m’agoyo wigi,

Isaya 44:3

Kum abikonjo pi wi ng’atu ma rieu nege, man kulo wi ng’om m’uthwo; abikonjo Tipona wi kodhini, man mugisa para wi nyikwei:

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Yeremia 33:14

Nen, ceng’ ubino, Yehova wacu, nia abitimo lembe ma ber maeni m’ayero pi ot mir Israel man pi ot mi Yuda.

Ywak 4:20

Yuyo mi odiumwa, wa ju ma Yehova wiro, jumaku i vur migi; Ma wawacu pire kumae, Wabikwo kind thek the tipopiny pare.

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

Yohana 7:37

Nie i kajikceng’, ma en e ceng’ ma dwong’ mir agba Yesu cungo ekok akoka, ewacu kumae, Tek rieu nego ng’atu moko, dong’ ebin i bang’a emadhi.

1 Timoteo 3:16

Ebedo mi piem ungo nia giramung’a mi bedo ma ayi Mungu ni kume e dit; Ng’atu m’unyuthre ku kum, Tipo nwang’u lembe pare ber, Malaika de gineno, Juyero pire de i kind thek, Juyic de i ng’om, Jujole de malu i dwong’.

Lembanyutha 22:1

Man enyutho ira kulo mi pi mi kwo, ma rieny calu kidi ma ie pelele, m’eai kud i komker pa Mungu man pa Nyathi Rombo,