Isaya 31:3 - The Holy Bible In Alur (Lur) Revised Orthography

³ Nie Jumisiri gi dhanu, Mungu re ngo; riuni migi de ring’kum tipo de ngo: man kinde ma Yehova birieyo cinge, e ng’atu m’ukonyo bikier, man ng’atu ma jubekonyo bipodho, e gin ceke gibinyothri karacelo.

Isaya 31:3 ပူးပေါင်းရင်းမြစ်များ

Isaya 9:17

Ka kumeno anyong’a binego Rwoth ungo kum awobi migi, kadok ngisi de binege ngo kum tic migi ku mon ma coggi tho; kum kubang’gi ceke ng’atuman en e ng’atu m’ucido man jatim rac, man ku ba dhok ceke weco lem ma kite mbe. Kadok maeni ceke timbre de ng’ecwiny pare lokre woko ngo, ento cinge rieire asu.

Ezekiel 28:9

Ibiwacu asu i wang’ ng’atu m’unegi kumae, An a Mungu, ento in i dhanu, Mungu ngo, i cing’ ng’atu m’utong’o lero i kumi.

Yeremia 15:6

Ikwera, Yehova wacu, icoro cen: ka kumeno arieyo cinga i kumi, man anyothi; aol ku lokocwiny.

Isaya 30:7

Kum Misiri konyo mananu, man ma kulokane mbe: ka kumeno alwong’e Rahab m’ubedo ling’.

Zaburi 33:17

Riuni en e gin mananu mi both; Kadok abodha de ebodho ng’atu moko ngo ku tego pare ma dit.

Zaburi 9:20

Nyai lworo i igi, E Yehova: Wek thek ging’ei gigi nia gi dhanu kende. [Sela.

Isaya 36:9

Ka kumeno icopo loko wang’ jego acel ma gi nok i kind jutic pa rwoth para, man iketh gen peri kum Misiri pi magali man pi riuni?

Isaya 36:6

Nen, igeno uluth mir usi maeni m’unyoc, en e Misiri, ma tek dhanu jengri i kume, ebimondo i cinge, man ebicobe: Farao m’ubimo mi Misiri bedo kumeni ni dhanu ceke m’ugene.

Isaya 30:5

Lewic binegogi ceke kum dhanu ma copo bedo ni kuloka igi ngo, ma gibedo ni kony kadi kuloka de ngo, ento lewic, man cac bende.

Matayo 15:14

Wekgi: gi jutelwidhanu ma gin de gin abinga. Man tek abinga telo wi abinga, gin ario de gibipodho i vur.

Zaburi 118:8

Pondo ba Yehova e ber Sagu geno dhanu.

Isaya 10:3

E wubitimo ang’o i ceng’ mi lieu, man i nyoth ma biai bon? wubiringo ba ng’a mi konyi? man wubiweko dwong’ mu kani?

Isaya 20:6

Man ng’atu m’ubedo dhu wath maeni biwacu ceng’ maeca kumae, Nen, genogen mwa kumeni, ka ma waringo i ie mi kony kara jubodhwa ni ubimo mir Ascur: e wan, wabiboth nenedi?

Isaya 30:16

ento wuwacu kumae, Ungo, kum wabiringo ku wi riuni; ka kumeno wubiringo: man, Wabiringo wi jung’wec; ka kumeno ju m’uriemowu bibedo jung’wec.

Yeremia 17:5

Yehova wacu kumae: Kwong’ ni wi ng’atu m’ugeno dhanu, man m’uketho ring’kum ni bote, man ma cwinye ai ku ba Yehova.

Ezekiel 28:2

Wod dhanu, wac ni jaditmawijo mi Turo kumae, Rwoth Yehova wacu kumae: Kum adundeni tingre malu, man iwacu kumae, An a mungu, abedo wi kom pa Mungu, i die nam; ento in i dhanu, man Mungu ngo, kadok iketho adundeni calu adunde Mungu;

Amos 2:15

kadok ng’atu ma kilo atum de bicungo ngo; man ng’atu ma jang’wec ma ku tielo de bibodhre gire ngo; kadok ng’atu ma wotho ku riuni de bibodhre gire ngo;

2 Lemkei 32:8

karacelo kude bot mi ring’kum; ento karacelo kudwa Yehova Mungu kara ukonywa, man ukied lwiny mwa. E dhanu gijengri gigi kum lembe pa Hezekia m’ubimo mi Yuda.

Isaya 20:4

e ubimo mir Ascur bicidho ku dhanu mi ng’eca mi Misiri kumeca, ku dhanu ma judaku mir Ethiopia, ju m’aradu ku ju m’uti, muneru man umbe wara, man ku thegi ma ngbeng’, ni lewic mi Misiri.