Isaya 30:9 - The Holy Bible In Alur (Lur) Revised Orthography

⁹ Kum en e dhanu mi jai, nyithindho mi cwayu ndra, nyithindho ma biwinjo cik pa Yehova ngo;

Isaya 30:9 ပူးပေါင်းရင်းမြစ်များ

2 Lemkei 33:10

Man Yehova yero ni Manase, man ni dhanu pare; ento giparu pire ngo.

Zaburi 78:8

Man ku gibed calu kwaru migi, Dhanum’utuk ma juco man jung’ai, Dhanum’utuk ma yiko adundegi ngo, Man ma cwinygi moko ngo kum Mungu.

Zaburi 81:12

Kum kumeno aweko gilub tok lembe ma adundegi yenyo, Kara giwoth ku lembapora migi gigi.

Lembrieko 28:9

Ng’atu ma loko ithe cen kum winjo cik, Cil rwo pare en e ginmajudagu.

Isaya 1:10

Wuwinj lembe pa Yehova, wu jubim mi Sodoma; wucik ithwu kum cik pa Mungu mwa, wu dhanu mi Gomora.

Isaya 1:2

Wuwinji, E polo, man icik ithi, E ng’om; kum Yehova yero kumae: Agwoko man atungo nyithindho, e gijai ira.

Isaya 1:4

A thek mi dubo, dhanu ma kier unurogi, kodhi mi jutim rac, nyithindho m’utimo gin mi nyoth mire! giweko Yehova, gicayu Ng’atu Maleng’ mir Israel, gikoc man gicoro cen.

Isaya 10:5

E Jaascuri, in i uluth mi ng’ecwiny para, in i dul ma kwinyo para ni i cingi!

Isaya 10:6

Abiore kum thek m’ucido, man abimio ire ng’ol kum dhanu mi kwinyo para, kara emak ayeki, man emak amaci, man kara enyongi piny calu unzabu m’i gengi.

Isaya 24:5

Ng’om bende cido the ju m’ubedo i ie; kum gikadhu ku wi cik, gidubo lembang’ola, gituro lembariba mi nja.

Isaya 28:15

Kum wuwacu kumae, Watimo lembariba ku tho, man waripo lembe ku liel; kinde ma goc m’ucore bikadhu kud i ie, ebiwok i kumwa ngo; kum waketho ndra ni kapondo mwa, man wapondo the lemndra:

Isaya 30:1

Can i wi nyithindho mi jai, Yehova wacu, m’uporo lembe, ento i bang’a ngo; man m’utimo lembariba, ento ku Tipona ngo, kara gimed dubo kum dubo;

Isaya 48:4

Kum ang’eyo nia in i udhuko, man ng’uti en e ler mi nyunyu, man ternyimi mola;

Isaya 5:24

Ka kumeno calu lebmac wang’u soka, man calu lum m’uthwo rungre i lebmac, e ulaggi bibedo kumeca calu gin m’utop, man thiugi biduny calu utur; kum gikwero cik pa Yehova mir udul, man gicayu lembe pa Ng’atu Maleng’ mir Israel.

Isaya 63:8

Kum ewacu kumae, Andha, gi dhanu para, nyithindho ma gitimo ku ndra ngo: kum kumeno en e Jalar migi.

Isaya 65:2

Athang’u cinga ceng’ du ni dhanu ma juco, m’uwotho i yo ma ber ungo, tok pidoic migi ma dhe;

Yeremia 35:14

Lembe pa Yonadab ma wod Rekab, m’eng’olo ni woic, ya ku gimadh pigulok, jutimo; man cil i ceng’ ma tin gimadhu moko ngo, kum giworo lembang’ola pa kwarugi. Ento ayero iwu, m’aai ko pir man ayero; e wuwinjo dwanda ngo.

Yeremia 7:13

E kawono, kum wutimo tic maeni ceke, Yehova wacu, man ayero iwu, m’aai ko pir man ayero, ento wuwinjo ngo; man alwong’owu, ento wuloko lembe ngo:

Yeremia 7:28

E ibiwacu igi kumae, Maeni thek m’uwinjo dwand Yehova Mungu migi ngo, kadi m’ujolo ponji de ngo: lemandha nyothre, man ekabre woko kud i dhoggi.

Yeremia 9:3

Man gigomo lebgi, calu en e atum migi, mi yero ndra; e gidoko tek i ng’om, ento mi lemandha ngo: kum gicikucidho ugambre kum lem ma rac utundo kum lem ma rac, e ging’eya ngo, Yehova wacu.

Ezekiel 24:3

Man iyer lembabola ba ot mi jai, man iwac igi kumae, Rwoth Yehova wacu kumae, Keth ajiku ma dit, kethe, man ikonj pi i ie bende:

Hoseya 4:2

Gin moko mbe ndhu kwong’ ma kadhukuwilembe, ku negonek, man kwalukwo, ku dubriswa; gimojo rop, man rimo mulo rimo.

Zefania 3:2

Eworo dwal ungo; ejolo ponji de ngo; egeno Yehova ngo: ecoro ceng’ni Mungu pare ngo.

Tic Mi Jukwenda 7:51

Wun ma ng’utwu cikre ma wukutimo yaa ngo kum adundewu kum ithwu de, wucero Tipo Maleng’ thiri thiri: calu ma yang’ kwaruwu gibegitimo, e wun bende wutimo kumeca.

Poi Mi Cik 32:20

Man ewacu kumae, Abipanu wang’a i kumgi, Abineno maram kajik migi bibedo ko: Kum gi dhanum’utuk ma ng’oc dit, Nyithindho ma lemandha mbe i igi.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.