Isaya 30:3 - The Holy Bible In Alur (Lur) Revised Orthography

³ Ka kumeno tego pa Farao bibedo lewic mu, man pondo i tipopiny mi Misiri ang’abacwiny mu.

Isaya 30:3 ပူးပေါင်းရင်းမြစ်များ

2 Ubimo 18:21

Kawono, nen, igeno uluth mir usi m’unyoc maeni, en e wi Misiri; ma tek ng’atu moko jeng’ i kume, ebimondo i cinge, man ebicobe: e Farao m’ubimo mi Misiri bedo kumeno ni dhanu ceke m’ugene.

Zaburi 108:12

Mi kony iwa kum jasend; Kum kony mi dhanu en e mananu.

Lembrieko 25:19

Genogen ma kum ng’atu ma won bedo mandha ngo i nindo mi can E calu lak m’utur, man tielo m’uwil.

Isaya 20:5

E cwinygi biringo man cwinygi bing’abre, kum Ethiopia ma genogen migi, man kum Misiri ma dwong’ migi.

Isaya 20:6

Man ng’atu m’ubedo dhu wath maeni biwacu ceng’ maeca kumae, Nen, genogen mwa kumeni, ka ma waringo i ie mi kony kara jubodhwa ni ubimo mir Ascur: e wan, wabiboth nenedi?

Isaya 36:6

Nen, igeno uluth mir usi maeni m’unyoc, en e Misiri, ma tek dhanu jengri i kume, ebimondo i cinge, man ebicobe: Farao m’ubimo mi Misiri bedo kumeni ni dhanu ceke m’ugene.

Yeremia 2:36

Iwotho kun ku kun kumeni nedi kara ilok yo peri? lewic binegi kum Misiri bende, calu lewic unegi kum Ascur.

Yeremia 42:18

Kum Yehova mir udul, Mungu mir Israel, uwacu kumae: Calu ng’ecwiny para ku kwinyo para konjre woko wi ju m’ubedo i Yerusalem, e kwinyo para bikonjre woko i kumwu kumeca, kinde ma wubimondo i Misiri; e wubibedo ni lam, man ni wang’uic, man ni kwong’, man ni cac; e wubineno kakeni kendo ngo.

Yeremia 42:22

Ka kumeno kawono wung’ei andha nia wubitho ku palamularu, man ku ndru, man ku thong’om, i ka ma wuyenyo wucidh i ie kuca ni umondo.

Yeremia 46:25

Yehova mir udul, Mungu mir Israel, uwacu kumae: Nen, abisendo Amon mi No, ku Farao, man Misiri, karacelo ku mungu pare, man ju m’ubimo pare; en e Farao, ku ju m’ugene:

Ezekiel 29:7

Kinde ma gimeki ku cing’gi, itur, man iyeco gokgi ceke; man kinde ma gijengri i kumi, itur, man iketho piergi ceke miel.

Hoseya 10:6

Jubitere Ascur bende pi giramia ni ubimo Yareb: Efraim binwang’u lewic, man lewic binego Israel kum lembapora pare gire.

Jurumi 10:11

Kum lembagora pa Mungu wacu kumae, Ng’atu ma tek uyie jubinyayu lewic i wie ngo.

Jurumi 5:5

man genogen ketho lewic ungo; kum mer pa Mungu konjre hau i adunde mwa ni kum Tipo Maleng’ m’umire iwa.