Isaya 3:5 - The Holy Bible In Alur (Lur) Revised Orthography

⁵ Man jubisendo dhanu, ku ba dhanu ceke ng’atuman wadi bisende, man ku ba dhanu ceke ng’atuman jadhugola pare bisende: nyathin bitimbre ku kuhaya kum jadit, man ng’atu ma sai kum won yung.

Isaya 3:5 ပူးပေါင်းရင်းမြစ်များ

2 Ubimo 2:23

Man eai ku keca ecidho Beth-el; man kinde m’ebeidho malu kud i yo, awia ma co giai i adhurane, man ging’iere e giwacu ire kumae, Idh malu, in ma wii wang’; idh malu, in ma wii wang’.

Isaya 1:4

A thek mi dubo, dhanu ma kier unurogi, kodhi mi jutim rac, nyithindho m’utimo gin mi nyoth mire! giweko Yehova, gicayu Ng’atu Maleng’ mir Israel, gikoc man gicoro cen.

Isaya 11:13

Nyeko pa Efraim bende biai, man jubikabu ju m’usendo Yuda woko: nyeko binego Efraim ungo kum Yuda, man Yuda bisendo Efraim ungo.

Isaya 19:2

Man abithubo Jumisiri kum Jumisiri: man gibikiedo kubang’gi kubang’gi ng’atuman kum umin man kum umin, man ku ba dhanu ceke man ku jadhugola pare man kum jadhugola pare; adhura kum adhura, man ker kum ker.

Isaya 9:18

Kum dubo wang’u calu mac; ewang’u ucok kud ukudho; eyo, ecwinjre i kind susu mi luli, e giidho malu i mbegi mi yiro.

Yeremia 22:17

Ento weng’i kud adundeni bedo kum gin mange ngo ndhu mi ketho cwinyi hai kum piny, man mi cwiro rimo m’umbe dubo, man mi masendi, ku mi rop, nitime.

Ezekiel 22:12

Gigamu jamblembe mi cwiro rimo ii; igamu kuloka ku nyai, man igamu kuloka ba wedu ma kisa mbe, man wii wil pira, Rwoth Yehova wacu.

Lembe Mi Julawi 19:32

Ai malu i wang’wie ma ju lwar man iyung wang’ ng’atu m’uti, man ilwor Mungu peri: an a Yehova.

Amos 4:1

Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Mika 3:11

Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Mika 7:2

Dhanu ma ayi Mungu ni i kume rwinyo woko kud i ng’om, e ng’atu moko m’atira mbe i kind dhanu: kagi ceke gikanu adhi mi rimo; ku ba dhanu ku ba dhanu ng’atuman dwaru umin ku voi.

Zekaria 11:6

Kum kisa binega kendo ngo kum dhanu m’ubedo i ng’om, Yehova wacu; ento, nen, abiketho dhanu kubang’gi kubang’gi i cing wadi, man i cing ubimo pare; man gibigoyo ng’om, e abibodhogi ngo kud i cing’gi.

Malaki 3:5

E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Matayo 26:67

E gimaku ng’ulo lau i wang’e gipade de ku diecing’gi,

Marko 14:65

E jumoko maku ng’ulo lau i kume, giumo wang’e de, gipade, giwach ire kumae, Cu: asikari de gijole ku cwany mi cing’gi.

Luka 22:64

Man gitwio wang’e ku kitambala, e gipenje, giwacu kumae, Cu: ng’a m’ucwenyi?

Yakobo 2:6

Ento wuranju jucan. Julonyo givoyowu ngo, man ke gin nica e ma giywayuwu i wang’ kom mi pokolembe ngo?

Yakobo 5:4

Nen, sukulia mi jutic m’unyaru i podho mu, ma wutwonogi kud azindi, ubeywak: man ywak mi ju m’unyaru mondo i ith Rwoth mir udul.