Isaya 3:19 - The Holy Bible In Alur (Lur) Revised Orthography

¹⁹ man nzir, man gwang’, ku bongu ma bor mi wang’;

Isaya 3:19 ပူးပေါင်းရင်းမြစ်များ

Thangambere 24:22

Man etimbre, kinde ma ngamia daru madhu, nia ng’atuno ting’o lagith mi mola ma kwar ma pekne ng’et cekel, ku gwang’ ario mi cinge ma pekne mola ma kwar cekel apar,

Thangambere 24:30

Man etimbre kinde m’eneno lagith, ku gwang’ i cing’ nyamin, man kan ewinjo lembe pa Rebeka ma nyamin, m’ewacu kumae, Ng’atuno yero kumeni ira; nia ebino ba ng’atuno; man, nen, ecungo i ng’et ngamia dhu kulo.

Thangambere 24:53

Man jaticne wodho ruko mi mola ma tar, man ruko mi mola ma kwar, ku kendi, man emiogi ni Rebeka: emio gin ma pire tek ni umin bende man ni min.

Thangambere 35:4

E gimio mungu ma juwirok ceke ma gini i cing’gi ba Yakobo, ku nzir ma ni i ithgi; e Yakobo yikogi the bongu ma ni i Cekem.

Thangambere 38:18

Man ewacu kumae, Mukwatu ma nedi m’abimio iri? E ewacu kumae, Ayi peri, man thondh pieri, kud uluth peri ma ni i cingi. Man emiogi ire, man ebino i bang’e, e egamu ie kude.

Thangambere 38:25

Kinde ma juwodhe woko, eoro kwenda ba kwaru mire, ewacu kumae, Agamu ia ku ng’atu ma won gin maeni: man ewacu kumae, Akwei, ng’i maeni gi piny pa ng’a, ayi, ku thol de, man uluth.

Ai 32:2

Man Harun uwacu igi kumae, Wutur nzir mi mola ma kwar, ma ni i ith mon mu woko, man mi wotwu, ku mi nyigwu de, man wukel gi i bang’a.

Ai 32:3

Man dhanu ceke gituro nzir mi mola ma kwar ma ni i ithgi woko, man gikelogi ba Harun.

Ai 35:22

Man gibino, co ku mon de, dhanu ceke m’andundegi yenyo, e gikelo jambruko mi kor, ku nzir m’i ith, man lagith mir ayi, ku pogo, jambruko ceke mi mola ma kwar; en e ku ba dhanu ceke m’uthiero girathiera mi mola ma kwar ni Yehova.

Isaya 3:18

I ceng’ maeca Rwoth bikabu bero mi gwang’ migi, man giraruka mi voi, kud ayi dwi;

Isaya 3:20

man giratwia mi wie, ku nyoro mi tielo, manthondpiermiruko, kusanduk mi gin ma ng’wice ng’ar, man sibra mi tielo;

Ezekiel 16:11

Man aruki ku jambruko, man aketho gwang’ i cingi, ku nyoro i ng’uti,

Ezekiel 16:12

Man aketho gwilo i umi, ku nzir i ithi, man jamkermiwic ma ber i wii.

Kitabu Mir Ang’wende Pa Musa Wel 31:50

Man wakelo girathiera pa Yehova, gin ma dhanu ceke kubang’gi kubang’gi ginwang’u, mi ruko mi mola ma kwar, ku nyoro mi ng’udi tielo, man gwang’, ku Jagith mir ayi, ku gwilo mi ith, man alotnbe mi bot, kara utim adunya pi ng’eyong’ec mwa i wang’ Yehova.