Isaya 27:7 - The Holy Bible In Alur (Lur) Revised Orthography

⁷ Egoyogi calu egoyo ju m’ugoyogi? kadi junegogi calku nek mi ju ma junego i kumgi?

Isaya 27:7 ပူးပေါင်းရင်းမြစ်များ

Isaya 10:12

Kum kumeno ebitimbre, nia, kinde ma Rwoth utimo tic pare ceke wi got Sayuni man kum Yerusalem, e abisendo nying adunde ma tek mir ubimo mir Ascur, man dwong’ mi nen pare ma malu.

Isaya 10:17

Man der mir Israel bibedo ni mac, man Ng’atu Maleng’ pare ni lebmac; e ebiwang’u man ebicamu ukudho pare kud ucok pare i ceng’ acel.

Isaya 17:14

Uthieno, nen, ndiri; e ma fodi kugweno kuwok ungo gimbe. Maeni makapiny mi ju m’unyothowa, man gagi m’upodho wi ju m’uyakuwa.

Isaya 17:3

Man ot ma tek bijik i Efraim, man ker i Dameski, man dong Cami m’udong’; gibibedo calu dwong’ mi nyithindho mir Israel, Yehova mir udul uwacu.

Isaya 30:31

Kum ni kum dwand Yehova cwiny Jaascuri bing’abre; ebigoye kud uluth pare.

Isaya 31:8

E Jaascuri bipodho ku palamularu, mi dhanu ngo; e palamularu, ma mi dhanu ngo, binyothe; e ebiringo palamularu, man awobi pare jubiketho kum tic mi olo.

Isaya 31:9

E cana pare bikadhu woko ni kum ndiri, man cwiny judongomawijo pare bing’abre ni kum abera, Yehova wacu, ma mac pare ni i Sayuni, man uka pare ni i Yerusalem.

Yeremia 50:40

Calu ka Mungu ng’ielo Sodom ku Gomora kud adhura ma ceng’ni kugi, Yehova wacu, e ng’atu moko mbe ma bibedo kuca kumeca, kadok wod dhanu moko de bibedo ngo i ie ni umondo.

Yeremia 51:24

Man abiculo kum Babeli man kum ju m’ubedo i Kaldayo ceke lem ma rac ceke ma gitimo i Sayuni i weng’wu, Yehova wacu.

Nahum 1:14

Man Yehova mio lembang’ola piri, kara ku jucoi mi nyingi kendo: abithumo ayi gin m’acwia m’ang’ika man ayi gin m’acwia m’atwaga kud i ot pa mungu peri; abitimo liel peri; kum i ng’ic hai.

Nahum 3:19

Jwik mi rem peri mbe; lero peri dit: dhanu ceke m’uwinjo rwongi giteng’o cing’gi i wii; kum ng’a ma dubo peri kukadhu thiri thiri ngo i wie?