Isaya 26:7 - The Holy Bible In Alur (Lur) Revised Orthography

⁷ Yo pa won bedopwe en e atira: in m’ibedo atira itiro yo pa won bedopwe.

Isaya 26:7 ပူးပေါင်းရင်းမြစ်များ

I Lemkei 29:17

Ang’eyo bende, Mungu para, nia iponjo adunde, man anyong’a negi i bedopwe. An gira, i bedopwe mir adundena athiero ku beroewinya gin maeni ceke: man kawono aneno kud anyong’a dhanu peri, ma ginuti keni, githiero iri ku berocwiny.

Kitabu Pa Yob 31:6

(Wek jupora i mukero ma rom rom, Kara Mungu ng’ei bedocu para);

Zaburi 1:6

Kum Yehova ng’eyo yo mi ju ma pwe; Ento yo mi judubo birwinyo.

Zaburi 11:4

Yehova ni i hekalu pare ma leng’; Yehova, komker pare ni i polo; Wang’e neno, biendwang’e mulo, nyithindho mi dhanu.

Zaburi 11:7

Kum Yehova en e pwe; emaru bedopwe: Ju m’atira bineno wang’e.

Zaburi 25:4

Nyuth ira yo peri, E Yehova: Ponja ku yo peri.

Zaburi 25:5

Tel wia i lemandha peri, man iponja; Kum in i Mungu mi both para; Akuri ceng’ du.

Zaburi 27:11

Ponja ku yo peri, E Yehova; Man itel wia i yo m’atira, Kum judegina.

Zaburi 5:9

Kum lemandha mbe i dhoggi; Igi en e dubo mandha; Dwandgi en e odliel ma thwolo; Gibombo ku lebgi.

Lembrieko 11:5

Bedopwe pa ng’atu ma cu binyutho ire yo; Ento jadubo bipodho ku dubo pare gire.

Lembrieko 20:7

Ng’atu ma pwe ma wotho i bedocu pare, Nyithindho pare bedo jumugisa yo ng’eye.

Lembrieko 21:8

Yo pa ng’atu m’unur ku dubo gondre apila, Ento pi ng’atu ma leng’, tic pare atira.

Lembrieko 3:6

Ng’eye i yo peri ceke, Man ebinyutho yo peri.

Lembrieko 4:18

Ento yo mi ju ma pwe calu der mi rupiny, Ma cikusagre asaga ku rieny cil kum ceng’ ma cu.

Isaya 30:18

E ka kumeno Yehova bikuro, kara ebed ku bero i kumi; e ka kumeno ebidodre, kara kisa nege i kumi: kum Yehova en e Mungu mi pokolembe; mugisa kwany dhanu ceke m’ukure.

Isaya 35:8

Man gengi bibedo kuca, ku yo, man jubilwong’e kumae, Yo mi leng’cwiny; gin m’ucido bikadhu kud i wie ngo; ento ebibedo ni ju ma juwarugi: juwoth, eyo jukusegu, bikier i ie ngo.

Isaya 42:16

Man abikelo abinga kud i yo ma ging’eyo ngo; abipeyogi i yo ma ging’eyo ngo; abidwoko mudho ni der i wang’gi, man abitiro ka m’ugondre. Abitimo gin maeni, man abikunogi ngo.

Isaya 52:12

Kum wubiwok woko ku ng’wec ungo, kadok aringa de wubicidho ngo: kum Yehova bicidho i weng’wu; man Mungu mir Israel bibedo ni jamgwok i ng’eiwu.

Isaya 57:2

Emondo i kwiocwiny; giyom i kavuto migi, kubang’gi kubang’gi ng’atu m’uwotho i lembatira pare.

Yeremia 10:23

E Yehova, ang’eyo nia yo mi dhanu en e i ie gire ngo; telo wi dakutielo pare mbe ba dhanu ma wotho.

Hoseya 14:9

Ng’a ma riek, kara eng’ei thelembe mi gin maeni? won pidoic, kara eng’eigi? kum yo pa Yehova en e atira, man won bedopwe biwotho i igi; ento weg kier bipodho i ie.

Zefania 3:5

Yehova i diere en e pwe; ebitimo dubo ngo; ekelo lembapoka pare kamaleng’ ku ba rupiny ku ba rupiny, erem ungo; ento ju ma pwe ngo ging’eyo lewic ungo.

1 Jukorinto 4:5

Kum kumeno kud wupok lembe moko ma fodi nindone kutundo ngo, cil ma Rwoth biwok ko, m’ebiwodho gin m’i mudho m’upondo uwok i der, man ke ebinyutho lembapora mir adunde; e ku ba dhanu ku ba dhanu man bilund bedo ku pak pare m’uai ba Mungu.

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

Juefeso 2:10

Kum wan wa bodho pare, ma jucwiowa i Kristu Yesu pi tic ma ber, ma Mungu lar uyiko kara wawoth i igi.

1 Yohana 3:10

I maeni nyithindho pa Mungu nyuthri, man nyithindho pa wonabali: ng’atu ma tek timo bedopwe ngo nwang’u en e pa Mungu ngo, kadok ng’atu m’umaru umin ungo bende.

1 Yohana 3:7

Nyithindho para ma thindho, kud wuyi ng’atu moko tel wiwu ariri swa; ng’atu ma timo bedopwe nwang’u ebedo pwe, cil calu en ebedo pwe: