Isaya 26:3 - The Holy Bible In Alur (Lur) Revised Orthography

³ Ibigwoko ng’atu ma pidoie moko i kumi i kwiocwiny ma ndhu cu; kum egeni.

Isaya 26:3 ပူးပေါင်းရင်းမြစ်များ

I Lemkei 5:20

E jukonyogi kum jono, man jumio Juhagri i cing’gi, ku dhanu ceke ma ni i bang’gi; kum gilwong’o Mungu i ali, e ewinjogi, kum giketho genogen migi i kume.

2 Lemkei 13:18

Juvoyo nyithindho mir Israel i nindo maeca kumeni, man nyithindho mi Yuda gisagu, kum gigeno Yehova, Mungu pa kwaru migi.

2 Lemkei 16:8

Jukuci man Julubi gin udul m’apila ngo, ku magali man weg riuni dit apila? ento, kum igeno Yehova, emiogi i cingi.

Zaburi 119:165

Ju m’umaru cik peri gibedo ku kwio cwiny ma dit; Man lembe moko mbe kugi mi kier.

Zaburi 125:1

Ju ma gigeno Yehova Gi calu got Sayuni, ma ai ungo, ento ebedo mi nja.

Zaburi 9:10

Man ju m’ung’eyo nyingi gibiketho genogen migi i kumi; Kum in, Yehova, iweko ju m’uyenyi ngo.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 26:12

Yehova, ibing’olo kwiocwiny piwa; kum itimo tic mwa ceke bende iwa.

Isaya 27:5

Tek kumeno ngo wek emak tego para, kara watim kwiocwiny wakude; eyo, wek wacim kwiocwiny wakude.

Isaya 31:1

Can wi ju m’uloro piny i Misiri pi kony, man m’ugeno riuni, m’ugeno magali de kum gi dupa, ku weg riuni kum gi tek hai, ento gineno ba Ng’atu Maleng’ mir Israel ungo, kadok Yehova de giyenyo ngo!

Isaya 32:17

Tic mi bedopwe de bibedo kwiocwiny; man nying’ bedopwe, en e bedoyo, ku genogen mi nja.

Isaya 32:18

E dhanu para bibedo i kabedo mi kwiocwiny, man i udi ma museme, man i kayom ma ti.

Isaya 42:19

Ng’a m’abinga, ma k’e jatic para ngo? kadi m’udhing’, calu jakwenda para m’aoro? ng’a m’abinga ma calu ng’atu ma wabedo ku kwiocwiny wakude, man abinga calu jatic pa Yehova?

Isaya 42:6

an a, Yehova, alwong’i i bedopwe, man abimaku cingi, e abigwoki, man abimii ni lembariba mi dhanu, ni der mi Thekdhanumange;

Isaya 48:2

(kum gilwongri gigi mir adhura ma leng’, man gijengri gigi kum Mungu mir Israel; nyinge Yehova mir udul):

Isaya 49:8

Yehova wacu kumae, I nindo m’uyire aloko iri lembe, man i ceng’ mi both akonyi; man abigwoki, man abimii ni lembariba ni dhanu, kara iting’ ng’om malu, kara iketh gimak aba m’udong’ ni uvuru;

Isaya 50:1

Yehova wacu kumae, Waraga mi riem pa meru ni kani, m’arieme kudo? kadi ang’iewowuba jami banja para ma kani? Nen, jung’iewowu kum kier mu, man juriemo meru kum gondri mu.

Isaya 50:10

Ng’a m’i kindwu m’ulworo Yehova, m’uworo dwand jatic pare? ng’atu m’uwotho i mudho, man der umbe kude, wek egen nying’ Yehova, man ejeng’ kum Mungu pare.

Isaya 66:12

Kum Yehova wacu kumae, Nen, abicoro kwiocwiny i bang’e calu kulo ma dit, man dwong’ mi thek calu kulo m’upong’: e wubidhodho kume; jubiting’owu wi dir, man jubithorowu wi cong.

Yeremia 39:18

Kum abibodhi andha, man ibipodho ngo ku palamularu, ento kwo peri bibedo iri ni amaci; kum iketho genogen peri i kuma, Yehova wacu.

Daniel 3:17

Tek ebedo kumeni, Mungu mwa ma watimo ire ecopo bodhowa kud i majuka m’ubogre; man ebibodho wa kud i cingi, E ubimo.

Daniel 3:28

Nebukadnezar uyero lembe man ewacu kumae, Mugisa bed ni Mungu pa Cadrak, ku Mecak, man Abed-nego, m’uoro malaika pare, man ebodho jutic pare m’ugene, man ethiro lem p’ubimo, man ewodho kumgi, kara ku gitim ni mungu mange kadok rwo ire de, ndhu ni Mungu migi ma dhe.

Daniel 6:23

Anyong’a ma dit ulund unego ubimo, man eng’olo nia juting’ Daniel malu kud i odumvor. Ka kumeno juting’o Daniel malu kud i odumvor, e gin moko ma rac umbe ma jungwang’u i kume, kum egeno Mungu pare.

Mika 5:5

E ng’atu maeni bibedo kwiocwiny mwa. Kinde ma Jaascuri bimondo i ng’om mwa, man kinde m’ebiwotho i udiker mwa, e wabilund ting’o jukwac abiro i kume, man judongomawijo abora.

Yohana 14:27

Aweko kwiocwiny i beng’wu; amio iwu kwiocwiny para: amio iwu calu ma ng’om mio ngo. Adundewu kud upidi, kadok lworo de kud unege.

Yohana 16:33

Ayero giki maeni iwu, kara wubed ku kwiocwiny ni kuma. Masendi ni i beng’wu i ng’om: ento dong’ cwinywu bed tek; avoyo ng’om.

Jurumi 5:1

Ka kumeno wan ma lembe m’i wiwa gonjre ni kum yioyic, wabedo ku kwiocwiny ku Mungu ni kum Rwoth mwa Yesu Kristu;

Jufilipi 4:7

Man kwiocwiny pa Mungu, ma sagu ng’eyong’ec ceke, bikuro adundewu ku pidoiwu i Kristu Yesu.