Isaya 26:2 - The Holy Bible In Alur (Lur) Revised Orthography

² Wuyab dhugang’, kara thek ma pwe ma gwoko yioyic umondi.

Isaya 26:2 ပူးပေါင်းရင်းမြစ်များ

Zaburi 106:5

Kara anen mierolembe mi dhanu peri m’igoyo wigi, Kara anyong’a nega ni kum mutoro mi thek peri, Kara mutoro nega karacelo kud aba peri.

Zaburi 118:19

Yab ira dhugang’ mi bedopwe: Abimondo i igi, abifoyo Yehova.

Zaburi 118:20

Maeni dhugang’ pa Yehova; Ju ma pwe gibimondo i ie.

Zaburi 24:7

Wuting’ wiwu malu, E wu dhugang’; Man wutingru malu, wu dhugola ma con: Man Ubimo mi dwong’ bimondo.

Ai 19:6

e wubibedo ira ni ker mi julam, man thek ma leng’. Maeni en e lembe m’ibiwacu ni nyithindho mir Israel.

Isaya 45:25

Jubigonyo lembe ma wi kodhi Israel ceke ni kum Yehova, man gibiyungri.

Isaya 54:14

Jubiketho icungo i bedopwe: ibibedo bor ku masendi, kum lworo binegi ngo; man ni ndiri, kum ebibino ceng’ni i vuti ngo.

Isaya 54:17

Jambali moko mbe ma jucwio i kumi ma bibedo miero; man ibigonjo leb ceke kubang’e kubang’e ma biai i kumi i pokolembe. Maeni en e aba mi jutic pa Yehova, man bedopwe migi m’uai i bang’a, Yehova wacu.

Isaya 58:8

E der peri bilund dhenjre calu rupiny, man cang peri biwodhre pio; bedopwe peri de bicidho i weng’i; dwong’ pa Yehova bibedo ni jamgwok i ng’ei.

Isaya 60:11

Dhugang’ peri bende bibedo ayaba thiri thiri; jubicikogi dieceng’ kadi diewor de ngo; kara dhanu kel lonyo mi thek i beng’i, man ju m’ubimo migi ma jupeyo ni ng’eca.

Isaya 60:18

Jubiwinjo pi rop kendo ngo i ng’om peri, kadi uvuru kadi nyoth yor i kieu peri; ento ibilwong’o gang’kidi peri Both, man dhugang’ peri Pak.

Isaya 60:21

Dhanu peri bende bibedo pwe ceke; gibicamu ng’om ni aba mi nja, en e jangpiny m’apidho an, ma tic m’i cinga, kara juyunga.

Isaya 61:3

kara ang’ol ni ju m’uywak i Sayuni, kara ami igi jambruko ka vuru, man mo mi mutoro ka ywak, man kendi mi pak kar adieng’acwiny; kara julwong’gi yen mi bedopwe, girapidha pa Yehova, kara juyunge.

Isaya 62:1

Abiling’ ungo ni kum Sayuni, man abiyom ungo ni kum Yerusalem, ma fodi bedopwe pare ku dhenjre woko ngo calu der, man both pare calu thala m’uliel.

Isaya 62:10

Wukadhi, wukadh ku dhugang’; wuyik yo mi dhanu; wudhur, wudhur gengi ma malu; wuwodh kidi; wuting’ abera malu mi kodhidhanu.

Isaya 62:2

Man thek bineno bedopwe peri, man ju m’ubimo ceke bineno dwong’ peri; man jubilwong’i ku nying’ ma nyen, ma Yehova bicaku ku dhoge.

Zekaria 8:20

Yehova mir udul uwacu kumae: Fodi ebitimbre, nia kodhidhanu bibino, ku dhanu m’ubedo i adhura dupa;

Tic Mi Jukwenda 2:47

ma gipaku ko Mungu, ma gibedo ku bero de ku ba dhanu ceke. E Rwoth ueikumedo igi ju m’uboth ku ba rupiny ku ba rupiny.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

2 Petro 3:13

Ento, calku lembang’ola pare, wabekio polo ma nyen ku ng’om ma nyen, ma bedopwe bedo i ie.

Yuda 1:3

Jumer, kinde m’abeponjo k’amora ya agor iwu pi both mwa ma wan ceke waribra i ie karacelo, e ia wacu ya akoagor iwu be m’abethoko kowu ya wuii aiia pi yioyic ma jumio wang’ acel pii ni jumaleng’.

Lembanyutha 21:24

Man thek biwotho i derne: man ju m’ubimo m’i ng’om bikelo dwong’ migi i ie.

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,