Isaya 26:11 - The Holy Bible In Alur (Lur) Revised Orthography

¹¹ Yehova, cingi tingre malu ento gineno ngo: ento gibineno ngiri peri ma pi dhanu, e lewic bimakugi; eyo, mac bicamu jusend peri.

Isaya 26:11 ပူးပေါင်းရင်းမြစ်များ

Kitabu Pa Yob 34:27

Kum gilokri cen ku lubo ng’eye, Man gikwero paru pi yo pare moko:

Zaburi 10:12

Ai, E Yehova; E Mungu, ting’ cingi malu: Wii kud uwil kum jacan.

Zaburi 21:8

Cingi binwang’u judegi peri ceke; Cingi ma yor acwic binwang’u ju m’udegi.

Zaburi 28:5

Kum giparu pi tic pa Yehova ngo, Kadi tic mi cinge, Ebiturogi piny man ebigomogi ngo.

Zaburi 78:63

Mac ucamu awobi migi; Man nyir migi bedo ku wer mir ambadha ngo.

Zaburi 86:17

Nyuth ira giranyutha mi bero, Kara ju m’udaga ginene, man lewic umakgi, Kum in, Yehova, ikonya, man ijuka.

Ai 9:14

Kum i kinde maeni abioro masendi para ceke wi adundeni, man wi jutic peri, man wi dhanu peri; kara ing’ei nia ng’atu moko mbe i ng’om ngung’ ma calu an.

Isaya 1:31

Man jutego bibedo calu thondh gonia, tic pare de calu bieimac; e gin ario de gibiwang’ karacelo, e ng’atu moko mbe ma binego maje.

Isaya 10:16

Ka kumeno Rwoth, Yehova mir udul, bioro mok ma jumok ko kind jupare m’ucwe; man jubicwinyo wang’u ma calu wang’upiny mi mac the dwong’ pare.

Isaya 10:17

Man der mir Israel bibedo ni mac, man Ng’atu Maleng’ pare ni lebmac; e ebiwang’u man ebicamu ukudho pare kud ucok pare i ceng’ acel.

Isaya 11:13

Nyeko pa Efraim bende biai, man jubikabu ju m’usendo Yuda woko: nyeko binego Efraim ungo kum Yuda, man Yuda bisendo Efraim ungo.

Isaya 18:3

Wu dhanu ceke ma wubedo i ng’om, man wun umondo ma wi ng’om, kinde ma juting’o abera malu wi gudi, wunen; man kinde ma jukudho agwara, wuwinji.

Isaya 37:32

Kum dong’dhanu biwok woko kud i Yerusalem, man ju ma giboth kud i Sayuni. Ngiri pa Yehova mir udul bitimo maeni.

Isaya 42:13

Yehova biwok woko calu jarukara; ebithubo ngiri pare calu won ali: ebiywak, eyo, ebikok ma tek; ebitimo ku kero kum judegi pare.

Isaya 44:18

Ging’eyo ngo, kadok lembe de gipido ngo: kum emio wang’gi, kara ku ginen; kud adundegi de, kara ku ging’ei.

Isaya 44:9

Ju ma timo ayi gin m’acwia m’ang’ika kagi ceke gi gin ma ie nanu; e gin ma nyayu mutoro i igi kulokane bibedo mbe; man jumulembe migi ma dhe neno ngo, kadi ng’eyo ngo: kara lewic uneggi.

Isaya 5:24

Ka kumeno calu lebmac wang’u soka, man calu lum m’uthwo rungre i lebmac, e ulaggi bibedo kumeca calu gin m’utop, man thiugi biduny calu utur; kum gikwero cik pa Yehova mir udul, man gicayu lembe pa Ng’atu Maleng’ mir Israel.

Isaya 59:17

Man eronyo bedopwe calu asi, ku jamgwok mi both i wie; man eronyo bongu mi culokwor ni kendi, man eronjre ku ngiri calu kanzu.

Isaya 60:14

Man wot ju m’usendi bibino aruma i beng’i; man dhanu ceke m’ucei birum gigi the tiendi; e gibilwong’i kumae, Adhura pa Yehova, man, Sayuni pa Ng’atu Maleng’ mir Israel.

Isaya 63:15

Nen piny kud i polo, man inen kud i kabedo mi leng’ peri man mi dwong’ peri: ngiri peri ku tic peri ma tek ni kani? yeny ma cwinyi yenyo ku ngisi peri giceri ira.

Isaya 66:15

Kum, nen, Yehova bibino ku mac, man magali pare bibedo calu atido; kara ecul ng’ecwiny pare ku kwinyo, man juk pare ku lebmac.

Isaya 66:24

E gibiwok woko, man gibineno wi avu dhanu m’udubo ira: kum ukoko migi bitho ngo, kadok mac migi de binegre ngo; man gibibedo ni ginmajudagu ni weg kum ceke.

Isaya 66:5

Winj lembe pa Yehova, wun ma kumwu miel kum lembe pare: Utumegwu m’udaguwu, m’ubayuwu ni kum nyinga, giwacu kumae, Wek juyung Yehova, kara wanen mutoro mu; ento en e gin e ma jubinyayu lewic i wigi.

Isaya 9:18

Kum dubo wang’u calu mac; ewang’u ucok kud ukudho; eyo, ecwinjre i kind susu mi luli, e giidho malu i mbegi mi yiro.

Isaya 9:19

Ng’om uwang’ kot ni kum kwinyo pa Yehova mir udul; man dhanu bedo calu jambmac: ng’atu moko mbe ma kisa nege kum wadi.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 44:28

Man ju m’uboth ni palamularu bi dwogo kud i ng’om Misiri i ng’om Yuda, ma welgi lam; man dong’ Yuda m’udong’ ceke, m’ucidho i ng’om Misiri ni umondo kuca, bing’eyo nia lembe pa ng’a ma bicungo, para, kadi migi.

Yeremia 5:3

E Yehova, weng’i neno wi lemandha ngo? igoyogi, ento can unegogi ngo; idarugi, ento gikwero jolo ponji: gidwoko wang’gi tek ma sagu cana; gikwero dwogo.

Mika 5:9

Wek cingi tingre malu wi jusend peri, man wek judegi peri ceke thumbri woko.

Mika 7:10

E jadegina bilund neno maeni, man lewic biumo ng’atu m’uwacu ira kumae, Yehova Mungu peri ni kani? Wang’a bineno yeny ma ia yenyo i wie; kawono jubinyone piny i unzabu mi gengi.

Mika 7:16

Thek bineno man lewic binegogi kum tek migi ceke; gibiketho cing’gi wi dhoggi; ithgi bidhing’.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Matayo 25:41

Ebilund wacu ni ju ma ni yo ku cinge ma yor acam bende kumae, Wuai woko kud i vuta, wun ma wubedo akwong’a, i mac ma rondo ku rondo m’ubedo ayika ni wonabali ku malaika pare:

Luka 16:23

Man eng’ayu wang’e malu kud i Hadeya, ma eni i ndiba, e eneno Ibrahim ku bor, man Lazaro de ni kore.

Tic Mi Jukwenda 28:27

Kum adunde dhanu maeni doko nwang’, Ithgi de dhing’, Wang’gi de gimio; Kara ku ginen ku wang’gi, Ku giwinj ku ithgi, Ku ging’ei kud adundegi, Ku gilokri kendo, Ketho acanggi.

2 Jutesaloniki 1:8

m’eculo ko kwor ni ju m’ung’eyo Mungu ngo, man ni ju m’uworo lembanyong’a ma juboth ko pa Rwoth mwa Yesu ngo:

Juebrania 10:27

ento kuro pokolembe ma ku lworo, man kwinyo mi mac ma bicamu jupiem.

1 Petro 3:16

ma wubedo ko ku pidocwiny ma ber; kara, i maeni ma juyero nyingwu i kume, jubin juketh lewic umak ju ma gicayu kura bedo mu ma ber ma i Kristu.

Lembanyutha 19:20

E jumaku yedine, ku jabila mi ndra bende karacelo kude m’etimo giranyutha i wang’e, m’ebombo kudo ju m’ujolo kiedo pa yedi man ju m’urwo ni ayine de: gin ario jubologi ma kwo i nammac ma wang’ ku muganga:

Lembanyutha 3:9

Nen, amio ng’et cokri pa Jok, mi ju m’uwacu nia gi Juyahudi, enke gi kumeno ngo, ento gicwayu ndra; nen, abiketho gibino girwo de nyim tiendi, ging’ei de nia ameri.

1 Samwil 6:9

Man wunen; tek eidho malu ku yo mi kieu pare gire ba Beth-cemec, e nwang’u etimo gin ma rac apila maeni en i kumwa: ento tek ungo, wabilund ng’eyo nia en e cinge ngo m’ugoyowa; nwang’u en e thotok m’uwok i kumwa.