Isaya 26:1 - The Holy Bible In Alur (Lur) Revised Orthography

¹ I ceng’ maeca jubiwero wer maeni i ng’om mi Yuda: Wabedo kud adhura ma tek; ebiketho both ni gang’kidi ku ot ma tek.

Isaya 26:1 ပူးပေါင်းရင်းမြစ်များ

Ezra 3:11

E giwero wer ng’atuman ni wadi man ni wadi i pakupak man i foyofoc ni Yehova, giwacu kumae, Kum en e ber, kum mer mi bero pare bedo nja yo bang’ Israel. Man dhanune ceke gikok ku kok ma dit, ka gipaku Yehova, kum juguro the ot pa Yehova.

Zaburi 31:21

Mugisa bed ni Yehova; Kum enyutho ira mer mi bero pare ma wang’u ijo i adhura ma tek.

Zaburi 48:12

Wuwoth kum Sayuni, man wudhoke; Wukwan odkurne;

Zaburi 48:4

Kum nen, ju m’ubimo gicokri gigi, Gikadhu karacelo.

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 14:31

Goi nduru, E dhugang’; ywaki, E adhura; ing’oi nwe, E Filistia ceke; kum yiro ai ku yor ariwa ma malu, man ng’atu m’udong’ cen umbe i piro pare.

Isaya 2:11

Jubijwigo wang’ mi tingri mi dhanu, man jubinyono kuhaya mi dhanu, e jubidodo Yehova kende i ceng’ maeca.

Isaya 2:20

I ceng’ maeca dhanu bibayu mungu m’araga migi mi mola ma tar, man mungu m’araga migi mi mola ma kwar, ma jutimo kara girwo i bang’gi, ni vuyu man ni ulic;

Isaya 25:9

E jubiwacu i ceng’ maeca kumae, Nen, maeni Mungu mwa; wakure, e ebibodhowa: maeni Yehova; wakure, anyong’a ku mutoro binegowa i both pare.

Isaya 31:5

Calu winyo m’uberiebri wi udigi, e Yehova mir udul bigwoko Yerusalem kumeca; ebigwoke man ebibodhe, ebikadhu i wie man ebigwoke.

Isaya 31:9

E cana pare bikadhu woko ni kum ndiri, man cwiny judongomawijo pare bing’abre ni kum abera, Yehova wacu, ma mac pare ni i Sayuni, man uka pare ni i Yerusalem.

Isaya 33:5

Yehova dodre; kum ebedo malu: epong’o Sayuni ku pokolembe man bedopwe.

Isaya 33:6

Man jamjeng’ bibedo nuti i nindo peri, en e dit mi both, ku rieko, man ng’eyong’ec: lworo Yehova en e piny m’akana peri.

Isaya 4:2

I ceng’ maeca jang Yehova bibedo leng’ man mi dwong’, man nying’ ng’om bibedo ber hai man mi bero ni ju ma giboth mir Israel.

Isaya 5:1

Wek awer wer pa jamerna ni jamerna pi podho mir ulok pare. Jamerna bedo ku podho mir ulok wi ungulu got ma ber hai:

Isaya 56:5

Abimio igi nying’ mi poi i ot para man yor i gang’kidi para ma sagu nyithindho ma co ku nyithindho ma nyir; abimio igi nying’ mi nja, ma bikabre woko ngo.

Isaya 60:18

Jubiwinjo pi rop kendo ngo i ng’om peri, kadi uvuru kadi nyoth yor i kieu peri; ento ibilwong’o gang’kidi peri Both, man dhugang’ peri Pak.

Isaya 62:10

Wukadhi, wukadh ku dhugang’; wuyik yo mi dhanu; wudhur, wudhur gengi ma malu; wuwodh kidi; wuting’ abera malu mi kodhidhanu.

Isaya 62:11

Nen, Yehova yero ni kajik mi ng’om kumae, Wuwac ni Nyasayuni kumae, Nen, both peri bino; nen, sukulia pare ni kude, man sukulia pare ni i wang’e.

Yeremia 33:11

dwal mi mutoro ku dwal mir anyong’a biwinjre kendo, man dwand won ambadha ku dwand mugole, dwand ju m’uwacu kumae, Wumi foc ni Yehova mir udul, kum Yehova e ber, kum mer mi bero pare bedo mi nja; man mi ju m’ukelo lam mi foyofoc i ot pa Yehova. Kum abiketho ng’eca m’i ng’ombe dwogo calu ma kwong’a, Yehova wacu.

Ezekiel 40:5

Man nen, gang’kidi m’utiekn ot yo woko gbur, man bol mi poropiny ni i cing’ ng’atuca ma kaborne bot abusiel, fili bot man laccing’ kubang’e kubang’e: kum kumeno eporo kalac mi ot, bot acel; man kadongone, bot acel.

Zekaria 2:5

Kum an, Yehova wacu, abibedo ire ni gang’ mi mac m’utieke gbur, man abibedo ni dwong’ i diere.

Zekaria 2:9

Kum, nen, abiyengo cinga i wigi, e gibibedo ni ayeki ni ju m’utimo igi; e wubing’eyo nia Yehova mir udul uora.

Kitabu Mir Ang’wende Pa Musa Wel 21:17

Israel ulund uwero wer maeni: Por malu, E kulo m’atong’a; wuwer i bang’e:

Matayo 16:18

An bende awacu iri, nia in i Petro, man ke abigomo kanisa para wi cana maeni; e dhugang’ mi Hadeya de biloye ngo.