Isaya 24:6 - The Holy Bible In Alur (Lur) Revised Orthography

⁶ Ka kumeno kwong’ ucamu ng’om, e ju m’ubedo i ie junwang’u lembe ni i wigi: ka kumeno ju m’ubedo i ng’om uwang’, man dhanu ma lam e m’udong’.

Isaya 24:6 ပူးပေါင်းရင်းမြစ်များ

2 Ubimo 24:12

man Yehoiakin m’ubimo mi Yuda wok woko bang’ ubimo mi Babeli, en, ku min mire, ku jutic pare, ku judongomawijo pare, ku jego pare: e ubimo mi Babeli make i rundi mir aborane mi camuker pare.

2 Ubimo 25:12

Ento jego mi jukur uweko dhanu ma sai m’i ng’om kara ubed ni juyik kum ulok man ni juti podho.

Isaya 1:31

Man jutego bibedo calu thondh gonia, tic pare de calu bieimac; e gin ario de gibiwang’ karacelo, e ng’atu moko mbe ma binego maje.

Isaya 1:9

Tek Yehova mir udul kuweko iwa nyathi dong’ dhanu moko ngo, kuno di wabedo calu Sodoma, kuno di wabedo calu Gomora.

Isaya 34:5

Kum palamularu para madhu m’uyeng’e i polo: nen, ebiloro piny wi Edom, man wi dhanu mi kwong’ para, i pokolembe.

Isaya 43:28

Ka kumeno abicido judongomawijo mi kamaleng’; man abidwoko Yakobo ni kwong’, man Israel ni cac.

Isaya 5:24

Ka kumeno calu lebmac wang’u soka, man calu lum m’uthwo rungre i lebmac, e ulaggi bibedo kumeca calu gin m’utop, man thiugi biduny calu utur; kum gikwero cik pa Yehova mir udul, man gicayu lembe pa Ng’atu Maleng’ mir Israel.

Isaya 9:19

Ng’om uwang’ kot ni kum kwinyo pa Yehova mir udul; man dhanu bedo calu jambmac: ng’atu moko mbe ma kisa nege kum wadi.

Yeremia 12:4

Ng’om biywak rokani, man uboko m’i ng’om dho bineri? kum dubo mi ju m’ubedo i ie, yedi thum, ku winyo de; kum giwacu kumae, Ebineno kajik mwa ngo.

Yeremia 5:14

Kum kumeno Yehova, Mungu mir udul, uwacu kumae, Kum wuyero lembe maeni, nen, abiketho lembe para bedo ni mac i dhogi, man dhanu maeni ni yen, e ebiwang’ugi.

Ezekiel 5:3

Man ibigamu kume moko ma nok akwana, man ibitwiogi dhu kendi peri.

Lembe Mi Julawi 26:22

Man abioro yedi m’i thim i kindwu, ma bikwalu nyithindho mu, ma binyotho lim mu de, ma bijwigo welwu de; e yo mu bicido.

Malaki 2:2

Tek wubiwinjo ngo, man tek wubiketho cwinywu i kume ngo, kara wumi yung ni nyinga, Yehova mir udul uwacu, abilund oro kwong’ i wiwu, man abikwong’o mugisa mu; eyo, adaru kwong’ogi, kum wuketho cwinywu i kume ngo.

Malaki 3:9

Jukwong’owu ku kwong’; kum wukwalu i bang’a, cil thek maeni bo.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Malaki 4:6

Man ebiloko adunde mi wego ba nyithindho, man adunde nyithindho ba weggi; kara kud abin agoi ng’om ku kwong’.

Matayo 27:25

Dhanu ceke giloko lembe giwacu kumae, Rimbe bed i wiwa, ku nyithindho mwa de.

Matayo 7:14

Kum dhugang’ ubedo diny, yo de bedo likili, ma tundo i kwo, ju ma lam de e ma ginwang’e.

Jurumi 9:27

Isaya bende ekok pir Israel kumae, Tek wel mi nyithindho p a Israel ubedo calu kwio ma dhu nam, donge e ma biboth:

Poi Mi Cik 28:62

E welwu bidong’ nok, ento nwang’u wubedo calu cero m’i polo ni udul; kum iwinjo dwand Yehova Mungu peri ngo.

Poi Mi Cik 4:27

E Yehova bikethowu i kind kodhidhanu, man wel mu bidong’ nok i kind thek, ka ma Yehova biterowu i ie cen.

2 Petro 3:10

Ento ceng’ pa Rwoth bibino calu jakwo; ceng’ nica polo bikadhu woko ku bamor ma dit, man giki m’i ie de biloi ni lietho mac ma wanga wanga, ng’om de ku tic ma ni ie biwang’ pet.