Isaya 24:2 - The Holy Bible In Alur (Lur) Revised Orthography

² Man ebibedo, calu ku dhanu, e ku jalam de kumeca; calu ku jatic, e ku rwodhe de kumeca; calu ku bong’, e ku mege pagi de kumeca; calu ku jang’ieu piny, e ku jalok piny de kumeca; calu ku jami banja, e ku jagam banja de kumeca; calu ku jagam mukwatu, e ku jami mukwatu, ire de kumeca.

Isaya 24:2 ပူးပေါင်းရင်းမြစ်များ

Thangambere 41:50

Man junyolo nyithindho ma co ario ni Yusuf ma fodi rundi mi ndru kuwok ungo, ma Asenath, ma nya Potifera ma jalam mi On, unyolo ire.

2 Lemkei 36:20

Man ju ma giboth ni palamularu eterogi i Babeli; e gibedo ni jutic ire man ni wote cil i camuker mi ker mir Ajemi:

Isaya 2:9

E ng’atu ma ng’ic ugung’ piny, man ng’atu ma dwong’ ujwigre gire: ka kumeno kud iwek lem migi woko.

Isaya 24:3

Jubidwoko ng’om muneru ndem, e jubidwoke ni uvuru ti; kum Yehova yero lem maeni.

Isaya 28:7

E cil maeni giwiri ku pigulok, man gicidho bik bik ku giramadha ma lake tek; jalam ku jabila giwiri ku giramadha ma lake tek, e pigulok umwonyogi, man gicidho bik bik ku giramadha ma lake tek; gikier i ginmawokiwang’, gikier i pokolembe.

Isaya 5:15

E ng’atu ma sai junyono piny, man ng’atu ma dwong’ jujwigo, man wang’ ju m’utingri jujwigo:

Yeremia 41:2

Icmael ma wod Nethania, ku dhanu apar ma ni kude, gilund giai malu man gigoyo Gedalia ma wod Ahikam ma wod Cafan ku palamularu, man enege, m’ubimo mi Babeli ketho ni jabim wi ng’ombe.

Yeremia 42:18

Kum Yehova mir udul, Mungu mir Israel, uwacu kumae: Calu ng’ecwiny para ku kwinyo para konjre woko wi ju m’ubedo i Yerusalem, e kwinyo para bikonjre woko i kumwu kumeca, kinde ma wubimondo i Misiri; e wubibedo ni lam, man ni wang’uic, man ni kwong’, man ni cac; e wubineno kakeni kendo ngo.

Ywak 4:13

En e kum dubo mi jubila pare, ku kier mi julam pare, M’ucwiro rimo mi ju ma pwe i kinde.

Ywak 4:16

Ng’ecwiny pa Yehova kethogi; ebiparu pigi kendo ngo: Giparu pi wang’ julam ungo, ginyutho bero ngo ni judongo.

Ywak 4:6

Kum kier pa nya dhanu para e dit ma sagu dubo mi Sodom, Ma juredho calu i nindo ma nyagwil, e cing’ moko mbe ma juketho i kume.

Hoseya 4:9

Man ebibedo, nia calu dhanu bedo, jalam bibedo kumeca; man abisendogi kum yo migi, man abiculo igi wang’ tic migi.